九巴連環轉乘優惠

小弟上星期六(3月14日)用過以下的轉乘優惠
282($3.3)->47X($3.3)->城隧轉49X->243M($0.0)

之後唸住243M用到連環轉乘,42M應該都得啦!
琴日(3月19日)就咁樣搭:
42M($4.1)->49X($3.3)->282($3.3)
點知282竟然要俾錢

今日(3月20日)又用番上星期用過的轉乘優惠
唸住實無死啦,點知......
282($3.3)->47X($3.3)->城隧轉49X->243M($3.7)
點解呢?明明上個禮拜先用過,點解今次要俾錢架?

真係激氣!兩日就白白奉送左七蚊俾九巴!
之前有版友話61M之後新加的轉乘先唔可以連環
唔知有無師兄知道點解呢,或者有類似經驗呢?
係我咁岩唔好彩,還是有其他原因呢?

[ 本帖最後由 fishballkwok 於 2010-3-20 18:50 編輯 ]

近期九巴開始Cut第三程轉乘....

早排小弟因為轉乘無較方向攪到扣多$3.7，打去"追數"之
餘，順道問下呢個問題，答覆竟然話"程式有問題"，攪到
第三程送多左$3.7，再提到轉乘守則，有列明不可連續使
用轉車優惠..

不過...程式有問題送多左$3.7咁多年到今時今日先發現
好野

我月初(3月1日)搭249M上了68A(本想等263M但未有車)，去到“鳳池村”再上了B1；結果B1果一程並無像以往搭263M到對面的“山水樓”站轉B1一樣給與我轉乘優惠。那日68A轉B1時，B1果程就扣了我全費。

其實間公司一早就唔預你可以用連環轉乘...
而家話收返錢都唔係話唔合理

原帖由 happykeroro 於 2010-3-20 19:39 發表
其實間公司一早就唔預你可以用連環轉乘...
而家話收返錢都唔係話唔合理

非也，大欖隧道轉車站果種例外

如果98A/296A轉268C/269C而又需要使用大欖轉乘，係有第三程優惠...
但相信呢類例子會好少，小弟係特登問過呢個優惠唔會Cut...

其實我覺得呢條守則根本就唔合理
如果我要由穗禾苑去屯門碼頭(舉例)
咁我一定要轉兩次先去到
你後面個程唔俾優惠
根本已經失去左轉乘優惠的原意
咁係咪應該要加城隧線去穗禾苑呢?

有轉乘優惠就係想減少開咁多直通路線
例如穗禾苑就係一條81K for轉車
將軍澳工業村就係298E for轉車
淨係九龍新界都咁大
有好多地方都要轉兩次,甚至三次車先去到
我就覺得九巴應該要起碼提供連續兩次轉乘
但係我見都好似無乜人爭取呢樣野!
E家搞到好似九巴兩程車一定會到目的地咁

樓主...
城隧線應該cut左第三程轉乘了
上次我 47x--> 81k---> 86 都唔得
再試之前經常用ge 47x--->81k---> 48x都係無左

原帖由 5074 於 2010-3-20 20:28 發表

非也，大欖隧道轉車站果種例外

如果98A/296A轉268C/269C而又需要使用大欖轉乘，係有第三程優惠...
但相信呢類例子會好少，小弟係特登問過呢個優惠唔會Cut... ...

咁元朗天水圍各M線--＞欖隧--＞31／36／235／238M同樣都無cut到？