擁有一架小巴問題

哈哈....我明白...但係你講到好似...租番黎都好似唔洗用錢咁...

聞說小巴大王馬亞木在高峰期擁有六百個小巴牌....

是否真的？

原帖由 053h4 於 2010-3-28 02:26 發表


首先, 而家係講買牌收租, 我就唔係好明, 點解你講租車渣

咁講啦, 我親戚都係租紅小渣
係唔係唔掂, 就唔係啦

市區的士係唔係唔夠食? 事實上係大把人等車開工
你話晨早入機場, 排幾個鐘做支大旗又大有人在
但係唔 ...

咁你營運過的士先?
家父就有兩個的士牌
唔係行內人就好易比D表面化的野呃左

得閒有幾個多餘錢的話入下赤柱紅山個頭
睇下車等人定係人等車就知有幾和味。

無錯,依家車就一定實租到出去
但係個營運成本唔係平個個隻
就係第三保依家都要成兩萬一分都知乜事
如果真係好景的話
就會學得以前咁每5年換一部車

牌又賣唔出,得個價高有鬼用

況且依家好多車行就係作D唔知頭唔知路的人
收租就話幫佢收萬幾
個個用作佢成萬銀
都唔知幾和味

用機場個 case 來 support 自己又係搞笑
知唔知依家機場的士係被邊班人控制先得
情況絕不會比紅 van好

[ 本帖最後由 頭文字TRIDENT 於 2010-3-28 14:42 編輯 ]

我老豆就唔係有好多小巴牌，都係三個咁大把
不過個個月淨係租比某間上左市既公交公司都收九萬租
同藍的一樣，六百幾萬都係有價無市
個個月成交既，好多都係左手交右手既成交
而家小巴牌係仲會升
試問有幾多人會放返出黎？
你肯放都未必會有人接(除左車行自己收左再租比人)
大啲既車隊根本都唔會係呢個價買車
往時牌價低又係租三萬一個月，而家咁高都係三萬一個月
況且投資小巴係好過股票同炒樓好多好多
好多人都同我老豆一樣，當然係講緊由九坐位開始做小巴既叔父
有牌無車，淨係租牌比人