[有d唔明]沙中綫點解要於大磡起車廠

做功課揀左沙中綫做，不過其實要做既野唔係呢樣，只係睇睇下資料覺得奇怪問下


沙中綫大圍至紅磡段會連接西鐵及馬鞍山綫，成為東西綫
既然西鐵已經有八鄉車廠，而馬鞍山綫亦已經有大圍車廠
點解仲要起多一個車廠呢?
有點覺得資源重疊

由大圍車廠只可以去烏溪沙方向，唔可以直接去鑽石山，會導致荃灣西西行頭班車太遲，新車廠方便直接向屯門方向起行，呢個係其中一個原因

另外，新車太多，兩個舊廠唔夠位

另外，本來係話在啟德設廠，但據聞啟德地底有好多飛機油殘留，所以不適合作車廠。
結果，車廠就要建在我家門前綠樹成蔭的大磡村。

1.
因為條線長左，又要保持番班次，所以要用既車就多左
車多左就要多d位擺，大圍同八鄉加埋都唔夠東西走廊同北環線用，就要起多個廠
2.
為左要配合早上繁忙時間的發車班次，要有個停車場o係九龍

兩個理由，港鐵／政府都有講過，但係唔知點解好少見一次講晒兩個，印象中經常係只比其中一個理由

[ 本帖最後由 K仔 於 2010-3-28 16:55 編輯 ]

其實我想問下
兩個現成車廠總共可以放幾多抽八卡車?

原帖由 lrt505 於 2010-3-28 16:20 發表
由大圍車廠只可以去烏溪沙方向，唔可以直接去鑽石山，會導致荃灣西西行頭班車太遲，新車廠方便直接向屯門方向起行，呢個係其中一個原因

應該不會吧
我記得係有路軌直接去沙中線個預留位...

[ 本帖最後由 OTIS401 於 2010-3-28 17:51 編輯 ]

原帖由 OTIS401 於 2010-3-28 17:49 發表
其實我想問下
兩個現成車廠總共可以放幾多抽八卡車?

37抽
資料來源：政府在2007年10月的新聞公報 立法會一題：沙中線車廠選址

　　沙中線通車後，會與西鐵和馬鞍山鐵路（馬鐵）連接成為整體鐵路網絡。在沙中線的規劃過程中，地鐵有限公司和九廣鐵路公司曾多次檢討該鐵路對車廠的需求。兩鐵在二○○五年七月向政府提交的沙中線合併方案中，已經預計，沙中線通車後，現時行走西鐵的二十二輛七卡長列車和行走馬鐵的十八輛四卡長列車，將不足夠應付沙中線帶來的服務需求，最終需增加至五十三輛八卡長列車。

　　兩鐵已檢討使用現有設施作車廠的可行性，包括九鐵何東樓車廠、大圍維修中心和八鄉維修中心，以及地鐵九龍灣車廠。九鐵的列車，訊號系統和供電系統與地鐵系統有所不同，沙中線列車因此不能使用九龍灣車廠，同時九龍灣車廠目前已經飽和，沒有剩餘用地供沙中線列車使用。何東樓車廠位於東鐵沿線，因此行走馬鐵與西鐵之間的列車未能接駁至該車廠。大圍和八鄉維修中心共可容納三十七輛八卡長列車，但大圍維修中心並無擴展的可能。至於八鄉維修中心方面，只有有限的擴展空間，以供未來北環線列車使用。有鑑於此，需另建新車廠容納沙中線餘下的列車。

同一個連結仲有講點解車廠唔可以起o係啟德：

　　鐵路公司較早前曾提出在啟德發展區設置車廠，但該處地下水位甚高，故出現水浸機會相對地高。水浸對車廠設施會構成極高風險，故此，該車廠必須建於地面，不能以沉降方式興建，對周圍環境會帶來較大影響。再者，如在啟德設置車廠，會對九龍城現有發展及日後啟德發展的融合造成掣肘。

原帖由 NWFB2075 於 2010-3-28 15:55 發表
做功課揀左沙中綫做，不過其實要做既野唔係呢樣，只係睇睇下資料覺得奇怪問下


沙中綫大圍至紅磡段會連接西鐵及馬鞍山綫，成為東西綫
既然西鐵已經有八鄉車廠，而馬鞍山綫亦已經有大圍車廠
點解仲要起多一個車廠呢?
有點覺 ...

大磡嗰個唔係車廠，只係列車停放處
http://www.mtr.com.hk/chi/projects/future_scl_consult.html

[ 本帖最後由 himchan 於 2010-3-28 19:19 編輯 ]

原帖由 DIH 於 2010-3-28 16:33 發表
另外，本來係話在啟德設廠，但據聞啟德地底有好多飛機油殘留，所以不適合作車廠。
結果，車廠就要建在我家門前綠樹成蔭的大磡村。

你錯了！飛機油早已解決！

厡因係唔知點解有人話在九龍建設的停泊處要建在地底，
不選啟德是因為那處地下水位高，不適合在地底建列車停泊處，所以改為在大磡村舊址了~