傳教人士

原帖由 LNChickenRice 於 2010-3-31 22:12 發表
回一回樓上
將閣下0既頭兩項講法再反轉一下...先係...
所以小弟講0既係:
(1)反「戀童癖」
(2)支持「同性戀者」
(3)罵的是「戀童癖者」
所以(4)支持「所有戀童癖者都不完全是同性戀者」(注意黑體字)

或者可以咁講：認為戀童癖者不一定是同性戀者，
而羅馬書罵的是戀童癖者，所以你的立場是反戀童癖而不反同性戀。
「認為(0)」及「支持(+)」有別，「不反(0)」及「支持(+)」有別，
當然假如你能以愛包容不同人士，我非常欣賞，但單就以上句子而言，
要小心「支持」和「認為」、「不反」的分別。
「不反」（不作出反抗行為）同「不反對」（認為沒有不妥）又係兩回事。

有感而發：
我唔單單係想捉蟲，而係想以非「耶青」的身份提一提各位，
有時候，有些教派的人士（包括部分「耶青」）令非該教派者反感，
未必因為對方對教義有甚麼強烈的抗議，而是因為傳教者語意不清，
（很多時不是故意的，其實是香港年青人的普遍問題，只不過這些人講得野多而令問題浮面）
也有可能是「被迫害妄想症」作祟，有意無意曲解對方的意思，變相把溝通大門越拉越窄。
所以，講野一定要小心，三思而後行，唔好一聽到有少少懷疑或衝擊自己理念的說話，
便連珠炮發批評，世事係此消彼長，潑婦罵街便失去道德高地，別人總比自己容易看到眼中的樑木。

活生生例子：為何會有人拎本《聖經》去淫審處評級？諗清楚整件事的來龍去脈。
基督徒給人的印象一向是平和、有愛心、樂於包容，可惜近年看到的所謂／自稱基督徒卻與這些印象完全相反。
樓上我相信唔係令我反感的一批，我亦唔係咩反基督，只是對某些人反感，
他們掌握教派內較大的權力和較多的財富，他們有改變世界的力量，也手握輿論之刀，
但正如人間的政府一樣，甚麼事都是由少數人說了算，唔係好事，當這些人心術不正的時候，後果可以很嚴重。

既然主題係「傳教人士」，我咁講都唔係好離題嗟可？

[ 本帖最後由 DIH 於 2010-4-1 12:52 編輯 ]

講真.自己裝香拜神,但唔係真正信佛/道.
但由細到大我讀左13年教會學校.每日洗腦式逼你要信佢個教,(即係傳教啦)
每朝要念經,fine呢個係佢地文化.但問題係你念得唔好就要罰企,唔識背要罰抄經文,
呢個正正係令我生厭的地方

仲有d先生,開口埋口話自己信教,神愛世人,信神ge人係善良的.
但果頭就攪鬥爭,攪針對,攪是非同逼害異己.咁呢d生活細節好難令個細路去信服你地真係善良架wor.
我細個年少無知,問左個先生, 基督天主聖神三為一體,即係同一個人啦.
咁你自己懲罰世人,但派左自己(定自己個仔)去受番條罪,你又話成個story係神自己旨意,
即係班羅馬人同猶大係比你屈佢做之餘又要佢咩左條罪姐.
e+諗番,當然我咁問去挑戰人地個教唔係咁岩.但個先生冇去解釋,黎手就鬧爆我丟左我出班房,
只會更加令細路難信服.
都係果句,傳教的人自身自己佛口蛇心,講一套做一套係令自己個教生部份人厭的主要原因
回教又係另一例子.佢排他性太大.唔識包容.為佢賣命的人好多.但唔妥佢的亦好多.
你幾可見果佛/道兩教有人憎佢鬧佢.唔信一回事.但冇乜人會憎佢.
因為佢地堅持自己果套但冇排人地果套.佢地講,唔理你信邊個.你做好人就得.

我好記得我又問左個bible先生一樣:
信主上天堂? - 係
做錯事點算 - 告解.神會原諒你.你都上天堂.
咁唔信佢呢 - 落地獄.比永恆之火燒你.
咁即係有個呀婆唔信神但做左一世善事都落地獄
但殺人犯殺左成條村,臨死去入教告解就上得天堂?咁解唔通wor
我果陣冇意挑戰,純係一個2年級學生聽完先生堂bible之後忽然諗到的邏輯上矛盾.
個miss又係黎手踢左我出Staff Room 門口企左6堂.......

原帖由 053h4 於 2010-3-30 01:18 發表
人地信仰, 自然有一套價值睇法, 可能自己未必認同
但都無謂同街邊的傳教人仕拗啦
(而個人係唔信任何宗教, 不過, 宗教本身係應該要尊重)

呢d唔係有無料的問題, 而只係出於尊重
而其實, 唔理佢地, 一般都唔會話好主動 ...

其實唔止摩門教, 好多同基督有關既團體都係死纏爛打。
呢種街邊賣保險式既傳道方法, 本人對此十分反感。

好似hku有班傳教耶青, 成日去煩其他人,
有次聽到佢問我同學, 話點解唔信, 佢信佛驚唔驚落地獄,
完全係唔尊重其他人, 唔識尊人其他宗教, 憑咩要人尊重你？

我屋企就有一個呢類人, 年年清明重陽拜山都要嘈一大餐,
星期日拜山又撞左要返教會, 復活節紅日又話唔拜得。
我心諗, 一年48個星期日, 抽兩個出黎, 4.1%, 係咪好過份？
拜完神既燒豬又唔食, 元寶爉燭又唔掂得...
每年我都真係激到一肚火, 唔上香唔燒元寶都算啦,
有冇必要連掂下都好似拜邪神咁？
知你麻煩, 個細佬都拎左大半啦, 你唔幫手, 係咁班老人家自己拎上山？
心胸窄成咁, 信乜都冇用。

以前我有個天主教神父做班主任, 佢從來唔會叫人信教,
入廟參觀會隨俗上香, 對觀音合拾行禮。
我就問佢, 咁唔係同天主教有衝突咩？
佢話, 你唔信一回事, 人地既習俗你要尊重,
上支香不過儀式一個, 心中不離天主, 怕咩？
呢D就係器量啦！

[ 本帖最後由 kwyeung 於 2010-4-1 22:05 編輯 ]

原帖由 LNChickenRice 於 2010-3-29 20:52 發表
摩門教多0左一部
以22章18-19節「增刪內容,及其後果」而言
已經係「走火入魔」(另加經典當教義,同加內容無分別)
再加埋相信0既神,不是"耶和華+耶穌基督+聖靈"( ...

摩門教應該不屬於邪教
只屬異端
因為摩門教並冇特別主張一D犯法既事...

原帖由 cn2661_2d32 於 2010-4-1 21:21 發表
講真.自己裝香拜神,但唔係真正信佛/道.
但由細到大我讀左13年教會學校.每日洗腦式逼你要信佢個教,(即係傳教啦)
每朝要念經,fine呢個係佢地文化.但問題係你念得唔好就要罰企,唔識背要罰抄經文,
呢個正正係令我生厭的 ...

我讀左14年既宗教學校
3年幼稚園(天主),6年小學同5年中學都係基督教
我就冇每日狂洗我腦既
但每個禮拜同cycle一堂咁...

每次RE堂
次次派張work sheet
成日都問:
1.你覺得你同神是甚麼關係?
2.你覺得神是甚麼的形象?
3.當你遇到困難時,你會向神交助嗎?
仲有其他問題不能盡錄

特別想講第三條
我每次見到此問題,我一定答唔會之後係後面解釋
不論任何宗教老師既
一定會俾低分過我
而另一個同學就咁寫個"會"字
就高我成倍分...

原帖由 Snoopy@FB8617 於 2010-4-1 23:21 發表

我讀左14年既宗教學校
3年幼稚園(天主),6年小學同5年中學都係基督教
我就冇每日狂洗我腦既
但每個禮拜同cycle一堂咁...

每次RE堂
次次派張work sheet
成日都問:
1.你覺得你同神是甚麼關係?
2.你覺得神是甚麼的形象 ...

我以前都係讀基督教中學，就係日日都要洗腦式的早會，
呢d早會，除左有其他重大事情，唔係都一定係齋讀經，
同樣都有RE堂，不過所有功課同考試的題目，都可以響
課本搵到，只要背得夠熟，就會高分，可能我懶唔肯背，
所以成日都係得C或D。

原帖由 HK104 於 2010-4-2 18:25 發表

我以前都係讀基督教中學，就係日日都要洗腦式的早會，
呢d早會，除左有其他重大事情，唔係都一定係齋讀經，
同樣都有RE堂，不過所有功課同考試的題目，都可以響
課本搵到，只要背得夠熟，就會高分，可能我懶唔肯背，
所以成日都係得C或D。 ...

F6 7果時, 個個同學都話RS堂係空堂
即係有等於無

原帖由 kwyeung 於 2010-4-1 22:04 發表


其實唔止摩門教, 好多同基督有關既團體都係死纏爛打。
呢種街邊賣保險式既傳道方法, 本人對此十分反感。

好似hku有班傳教耶青, 成日去煩其他人,
有次聽到佢問我同學, 話點解唔信, 佢信佛驚唔驚落地獄,
完全係唔尊重其他人, 唔識尊人其他宗教, 憑咩要人尊重你？

我屋企就有一個呢類人, 年年清明重陽拜山都要嘈一大餐,
星期日拜山又撞左要返教會, 復活節紅日又話唔拜得。
我心諗, 一年48個星期日, 抽兩個出黎, 4.1%, 係咪好過份？
拜完神既燒豬又唔食, 元寶爉燭又唔掂得...
每年我都真係激到一肚火, 唔上香唔燒元寶都算啦,
有冇必要連掂下都好似拜邪神咁？
知你麻煩, 個細佬都拎左大半啦, 你唔幫手, 係咁班老人家自己拎上山？
心胸窄成咁, 信乜都冇用。

以前我有個天主教神父做班主任, 佢從來唔會叫人信教,
入廟參觀會隨俗上香, 對觀音合拾行禮。
我就問佢, 咁唔係同天主教有衝突咩？
佢話, 你唔信一回事, 人地既習俗你要尊重,
上支香不過儀式一個, 心中不離天主, 怕咩？
呢D就係器量啦！

申報利益：我係基督徒。
拜偶像之物是可以食的，只是說如果令人絆到的情況下，便不要吃了。重點是知道信的是主便可。（引用哥林多前書8章）
再者，如果到廟宇，到廟宇時，對方未必知道你是基督徒。當對方知道後，相信對方不會叫你上香的。
體諒應是雙方的。
#小弟本身都要在清明正日帶媽子去拜山（因媽子年老不懂路去）。
記念救主受難，重點不只是假期的日子。而是信者的心是否天天掛著主。