點解九巴唔開條N960或961線返屯門

其實N962轉44B唔算好慢好好貴...

我曾經係通宵線常客，通常香港島深宵時份最多人都係灣仔同銅鑼灣。
中上環同金鐘基本上一片死寂，以前零晨時份行去返工都有點兒寒寒地。
所以49S已經做哂過海的需求。馬氏車隊有佢自己一貫的風格，屯門根本無乜邊度會無佢踪影。

講開屯門市中心，我以前晚晚搭N260出去轉車過海。前一排成日坐47S/48S返屋企，
我真係未見過屯門市中心係有人落車。如果屯門市中心真係有大需求的時候，
都唔會我每晚不同時間搭車都無人係市中心落車。

而講開47S/48S，47S係屯門碼頭去旺角（先經良景），48S係良景去旺角（先經蝴蝶）。
班次旺角開係２部48S之後先１部47S，部車入到屯門47S就會變身48S，48S就會變身47S。
因為旺角返屯碼人數真係多過良景一截。通常車頭無路線號碼，只會寫旺角弼街。
然後車頭有塊黃色紙牌寫：先去蝴蝶，後去良景（或者調轉）。

至於N969入屯門公路，之前城巴都講過話九巴過海地頭佢地唔會搶客。所以一定唔會諗屯門加站。

以N962，我點都唔覺佢多人坐。畢竟都有入到屯門轉的士的客路。既然屯門南情況係咁樣，
屯門北除良景外又有49S，仲有乜空間去貪條通宵過海巴士線？

原帖由 jx6215 於 2010-4-7 22:18 發表
其實N962轉44B唔算好慢好好貴...

三聖有綠的定時定候"迎接" N962 返到黎屯門

原帖由 KC3555 於 2010-4-7 23:02 發表
以N962，我點都唔覺佢多人坐。畢竟都有入到屯門轉的士的客路。既然屯門南情況係咁樣，
9 S, A2 u* i* K. i! a9 [# {5 j屯門北除良景外又有49S，仲有乜空間去貪條通宵過海巴士線？

我曾經係 49s 常客, 晚晚係紅隧口等車返屯門, 每晚兩點前, 星期六同假期前夕都係惡夢,
有時等成個鐘都上唔到車, 唯有死死地氣行去麼地道坐 606s 到虹橋再行返屋企

再加上呢條線既飄忽行車路線, 唔經旺角葵芳同荃灣, 半個鐘就返到屯門,
但慢起上黎成個鐘先到

就算開條通宵巴唔過海, 去到尖東都好啦, 起碼可以提供穩定既班次同行車路線

原帖由 jx6215 於 2010-4-7 22:18 發表
其實N962轉44B唔算好慢好好貴...

49s - $21.5
N962 - $28.3

仲有人話轉的士, 出去玩夜左搭一次半次就冇所謂, 難為返夜班個 d

N962轉44B唔叫慢唔叫貴？

我個人認為可將通宵線改為以下...(但不詳細的建議..所以不會放在C1區)

N162　堅尼地城至屯門(置樂花園)
行紅隧、漆咸道南、九龍公園徑、廣東道、西九龍快速公路、汀九橋、屯門公路、青山公路(深井至青山灣段)、杯渡路、屯門市中心總站、青海圍

N962　銅鑼灣天后至屯門龍門居
行現有路線至屯門公路、兆康苑、建生邨、田景邨、山景邨、屯門站、屯門市中心、安定邨、兆麟苑、湖景邨(返回N962原有路線)至龍門居

N969根據原有建議屯興路出，停屯門市廣場美食廣場對出車站，返屯門公路，方便讓乘客轉乘往天水圍。(只限往天水圍方向)


如以上建議能變事實..N969停屯門公路可與N962作轉乘..(而且因為城巴既關係..可以有好多中途下車分段及轉乘)
而N162往屯門方向專登兜屯門市中心總站，方便轉乘N962/N969往天水圍/屯門


當初開N962真係唔明，點解係N962而唔係N960，明明日間黎講，960都係多人D..同埋個範圍夠廣...(你睇960A/960B，服務範圍居民都多好多...)

原帖由 lsc04d11 於 2010-4-8 15:15 發表
我個人認為可將通宵線改為以下...(但不詳細的建議..所以不會放在C1區)

N162　堅尼地城至屯門(置樂花園)

使唔使去到堅尼地城咁遠

開條 N360 兆康開, 經青麟路, 震寰路, 鳴琴路, 田景路, 鳴琴路, 杯渡路, 鄉事會路,
海珠路, 海皇路, 屯門公路後跟 N368 去到港澳碼頭仲實際

[ 本帖最後由 exspeed 於 2010-4-8 15:57 編輯 ]

曾經某時期，城記想果ｄ所有過海線都可以廿四小時服務．N962 咁樣出現不是一件奇事