名城擬向大學提供租管服務

信報財經新聞
名城擬向大學提供租管服務

長實（001）等發展的大圍名城設有四個特色戶，最快月底推出，意向呎價不低於二萬元；為進一步吸納投資者，發展商擬拉攏大學，以名城單位作為宿舍，為買家提供租管服務。

長實地產投資董事郭子威【圖右】表示，名城首階段銷售已完成，正部署第二階段銷售計劃，將集中銷售「黃金名宅」，預計下周開始在內地路演，亦將推廣名城僅四個的特色戶，最快月底前發售，呎價參考火炭部分新盤造價，預期意向呎價不低於二萬元，若需求太多，則將以抽籤方式發售。名城四個複式特色戶位於一及五座，面積介乎二千至二千三百方呎。

郭子威指出，由於大學方面對宿舍單位亦有一定需求，集團將聯絡相關大學，以名城部分單位作宿舍用途，目標租客為大學人士或學生，預計租期不少於三年，首批鎖定約一百伙，集中三房戶，同時亦提供租管服務，包括安排互聯網及打掃服務等。

另外，土地註冊處昨天公布，三月份整體買賣登記共錄得一萬二千七百零六宗，按月下跌百分之五，首季則錄得三萬八千五百零九宗；利嘉閣地產董事總經理廖偉強表示，首季宗數及金額均較去年同期大幅上升逾一倍，該行首季佣金收入二億八千萬元，同比增加一點三倍，預期本季舉行世界盃，樓市將借勢降溫，但全年整體樓價仍有二成升幅。

中原地產住宅部董事總經理陳永傑表示，集團三月份錄得三億五千萬元佣金收入，首季則錄得七億八千萬元，同比增八成二，並創歷年來首季佣金新高

唔少80後想屋企樓下有Clubhouse
呢個夢可以俾佢地成真 (成功抽到既話)
不過亦反映到名城銷情未如理想
據聞第2至3期都係3房至4房(900-1,500呎)既「大單位」合共3,000多個
睇下長實點消化呢d單位 = =

plus:


歡迎討論

[ 本帖最後由 AL_71 於 2010-4-9 17:21 編輯 ]

大圍樓都要成萬蚊呎, 抵佢死啦...

有幾間大學都係響東鐵沿線, 佢都幾有諗頭

不過 d 樓賣咁貴，租都唔荒會平得去邊,
有幾多人又會俾得起咁貴而又願意住呢?
返位於九龍的大學的話, 返工/學時間東鐵大圍站要迫車都幾辛苦, 返 cu 就好 d
返 bu 的, 去到九龍塘又要行/轉車

原帖由 Quanta 於 2010-4-9 01:00 發表
有幾間大學都係響東鐵沿線, 佢都幾有諗頭

不過 d 樓賣咁貴，租都唔荒會平得去邊,
有幾多人又會俾得起咁貴而又願意住呢?
返位於九龍的大學的話, 返工/學時間東鐵大圍站要迫車都幾辛苦, 返 cu 就好 d

據講每戶由3至4名學生分擔租金，每人承擔租金約5,000至6,000元。
長實有意向城大、中大及浸大出租單位
合共100伙

原帖由 AL_71 於 9-4-2010 01:14 發表


據講每戶由3至4名學生分擔租金，每人承擔租金約5,000至6,000元。
長實有意向城大、中大及浸大出租單位
合共100伙

兩皮一個月, 俾我就租同區御龍山
再唔係另一區 康城租夠兩個九百呎都仲得

不要忘記有大量有米NDS......
不過每人5k-6k都真係好貴，已經佔去研究生助學金（即係份糧）的一半，undergrad更加唔使講。

我識有人夾份租粉嶺名都，係一個單位5k-6k，3個人住，環境OK景觀又開揚，使乜倒水落去大圍名城？

[ 本帖最後由 DIH 於 2010-4-9 09:45 編輯 ]

說難聽點，這些都是發展商想出來的“死橋”來谷個樓盤銷情！

內地生大概會有興趣吧
畢竟小弟也看過有內地生在論壇
討論合租紅磡海景服務式住宅的帖子......
可是三房單位的細房多半只夠一人使用
姑且計算主人房可以睡兩個人(鴛鴦房!?)
四人合租這種普通屋苑三房單位好像不太划算......
(PS: 看到租管服務, 還以為是舍監管理XD
不過連房間打掃服務也提供了, 會不會太寵了大學生?? )

[ 本帖最後由 682愛好者 於 2010-4-9 15:23 編輯 ]

原帖由 682愛好者 於 2010-4-9 15:22 發表
內地生大概會有興趣吧
畢竟小弟也看過有內地生在論壇
討論合租紅磡海景服務式住宅的帖子......
可是三房單位的細房多半只夠一人使用
姑且計算主人房可以睡兩個人(鴛鴦房!?)
四人合租這種普通屋苑三房單位好像不太划 ...

其實只不過係類似服務式住宅 ~

不過講真, 比我拎五千出黎幾個人一齊租層新樓住都唔係話諗唔過
人地話哂都叫 "高尚住宅" ~

搞到咁，俾左我兩種感覺:
1:大學宿舍已經不足到要向大發展商租豪宅
2:豪宅的供應已經過多，多到要搵其他屎橋放出去