點解咁多經葵芳o既路線都唔停地鐵站/新都會/葵涌廣場一帶?

如題, 葵芳地鐵站/新都會/葵涌廣場一帶都係人流密集地方, 但有好多路線過門而不停, 搞到乘客要行一大個圈先至返到去。
我發現有問題o既路線有以下各條:

37(來回), 38(來回), 44M (葵涌方向), 47X(葵盛方向), 46p/x (荔景/美孚方向), 57M (荔景方向), 68A (朗屏方向), 265M/269M (來回), A31 (荃灣方向)
佢地O既站有D 設o係金龍工業中心, 有d o係智芳街/運動場個邊, 尤其係後者, 看似同新都會好近, 但又要上橋不單止, 仲要必須入o個個又逼又嘈又無方向指示o既葵涌廣場先至去到地面, 極度不方面。
我知葵富路葵涌廣場站已好逼好忙(因為紅小落客頻繁, 又有的士double park等客, 投訴過都無改善), 偏偏最同地鐵重疊個條930 都有個站, 但又多客又無同地鐵爭o既47x 竟然無站。如果兜一兜葵仁街停一停唔知好唔好呢? 而葵地總站又係咪無位畀多一兩條過路線呢?
請大家畀d 意見!


畀張相大家參考下, 張相係年半前影, 係一個平日夜晚近10點, 可見後面o既的士龍佔據左一條行車線, 小巴落客都懶得埋到路邊。


再加多張google 街景相, 又係亂泊o既的士龍。

[ 本帖最後由 leochill 於 2010-4-10 14:17 編輯 ]

葵涌廣場果度唔停好過停啦    紅小, 綠小, 的士, 旅遊巴(上落客, 等客) 擺哂兩條行車線離哂譜 ... 你睇下 43A 一繁忙時間想埋站都難, 一係架車要抽頭過左個巴士站成十米先停 !
所以仲比多一兩條線上落客根本係錯上加錯, 同埋果度行人路闊度已經唔係大 ... 繁忙時間成條路都係等車既人龍.
點都好就算我諗九記想搬某 D 路線過葵涌廣場其實都應該唔批 ~

另一邊箱葵芳港鐵落客站都係咁, 繁忙時間比哂 D 旅遊巴霸黎上落客, 如果一多幾架巴士埋站真係混亂到 ...我自己都試過幾次架車要抽頭去到 88C 小巴站前一兩個車位落車

[ 本帖最後由 鐵甲威龍 於 2010-4-10 09:54 編輯 ]

呢個係現實, 我知, 但好似掉轉左莊閒, 巴士拎正牌停站, 而除左小巴302 外, 其他所有車都係利用個短短20米o既 "停車上落客區" 來停車, 影響到巴士上落, 但反而又唔使被整頓。

其實將 302 搬 後d
407 個站附近
可以冇咁迫

起碼多左五部小巴既位

44M停新都會(只往長安)

明白, 所以我只寫往葵涌方向

o個 度 d 小巴的士真係好大問題
見過小巴係最出條線落客都有....
大把車後面塞住晒，結果等燈都等餐慒.....

37, 38, 47x 等線行一行入去葵芳地鐵
最大問題係時間
講真一句，咁多車塞住，繁時五分鐘都唔知攪唔攪得掂...

葵涌廣場加站
我唔知會唔會因為巴士要落客而塞晒成條路
但睇而家紅小有時都要咁，巴士加站 o既 話好大機會都要咁

所以，不如整走個停車上落客區啦~

無可能加到站...
個度d車多到...紅小已經當左個度係站頭..
搭親930都要停前d..永遠停唔正個站..
930停都係因為要同地鐵爭..
唔停個個站分分鐘無左20%客

a31唔想行就搭e32..
a31/44m 行葵芳地鐵重乜...已經行左新都會對面..
其實沿路一直有指示點行去新都會/地鐵站..
所以無乜問題吧

37/38行唔行/路過唔停已經無乜問題
主要客源都唔係新都會
繁時都會爆
38番藍田如果行葵芳的話就行大運先上番石梨
一定唔止10分鐘
甘樣時間上同搭地鐵過東九龍已經無分別

沙田線個d...根本就贏地鐵成條街
快又快過地鐵...車又唔使轉
停係智芳街都一樣無影響

大欖個2條..唔想行就利用下69m
唔使下下都要一程車過..
無記錯57m都可以轉61m????
只不過要比多$0.7..甘自己諗下值唔值喇..

最錯就係當年起新都會個陣, 冇要求新地起埋公共交通交匯處,
攪到附近既交通亂哂大龍

原帖由 LZ4519 於 2010-4-10 12:25 發表
大欖個2條..唔想行就利用下69m
6 w: d$ @) a5 D' i9 Q巴士,鐵路,生活唔使下下都要一程車過..巴士,鐵路,生活/ S9 T. D4 |! \  N1 U! I2 P. X, j

有D時間69M, 265M, 269M D班次比較疏,
當見69M冇乜人排隊果時, 行去葵芳邨一次過等晒3架車好多時仲快左~

當然最想69M搬去其他地方, 將原69M葵芳鐵路站條坑留晒俾69M, 265M, 269M做中途站....

[ 本帖最後由 Choco 於 2010-4-10 13:20 編輯 ]