年紀大機器壞?

今日俾我坐到#120
話說坐到仲有一個站就落車果時
架車一開就好猛咁chok左下然後停左
果時坐樓上
以為係架車撞到人
不過我無好留意
然後等左陣架車再開
點知又係咁樣chok左下又停低

唸住都係爭一個站
不如響呢度落車算數
一落到下層行埋落車門果時
就有個老人家同我講"唔好行埋去呀 有火噴出黎呀"
我唔係好明: 司機位噴火?
我再問下個老人家係咪"黑色果舊"(即係手柄)
佢就話係

再過多陣
司機響度搞佢個位後面果個櫃(Circuit breaker?)
初頭仲衰
提柄完全無反應
而且架車仲溜後要即刻落返brake(好彩後面無車)
(不過我見到果時部8仔機好似識顯示住個手柄去到第幾格)
後來個司機重覆搞多幾次
又俾佢整到架車行得返

純粹小分享
小弟不嬲唔多熟叮叮D野
如有謬誤還望唔好見怪

係唔係叫做跳制呢...
小時候坐電車，經常出現呢個情況，一起步時好大聲「卜」一聲，而且冇記錯o個下仲好光，跟住司機要唔知reset D 咩野重新行過

由於全車隊仍然係舊控制器時小弟仲好細個，已經冇咩印象，只記得小時候經常性o係西港城站出現這情況

原帖由 VA54-HN8897 於 2010-4-12 09:51 發表
係唔係叫做跳制呢...
小時候坐電車，經常出現呢個情況，一起步時好大聲「卜」一聲，而且冇記錯o個下仲好光，跟住司機要唔知reset D 咩野重新行過

由於全車隊仍然係舊控制器時小弟仲好細個，已經冇咩印象，只記得小時候經常性o係 ...

以往發生"跳制"情況的熱點, 仲有西灣河... 西行上康山, 過左筲箕灣警署燈位時... 一加速就「卜」一聲...

120 本身都唔係好TOP

D車長話,個電機開關通常係上斜同滿客時開動先會好大聲「拍」一聲跳制
D車長叫呢個情況做「轟天炮」
不過,有一次坐#120,架#120西行係崇光前個燈位剎緊車個時,先至跳制

「轟天炮」既炮口

不過,個加速器會噴火 ,我真係有D吾信...     老人家~你有冇眼花呀?

說起來#120自從去年八月大修後好像變了「跳掣王」，不時突然跳掣，
我就試過有一次在灣仔坐#120到西營盤，中途跳了兩次掣……
不知電車公司怎樣維修……

p.s.#120與其他電車相比其實怎說都不算年紀大……

如果論車身，#120 應該是差不多最後重新建造車身的電車（絕對不是由原有車身翻新，只是根據戰後型電車重新建造出來，包括運往英國的兩輛電車），相信 #28 才是最古舊的現役電車車身（不計捐贈給香港歷史博物館的 #50 之舊有車身），因為當年（1985年）改裝為開頂電車時，是未有重新建造車身的計劃，故 #28 應該只是從舊車身改裝。

至於機件方面，只有 #28, #120, #128 是沒有更新電車控制器，而且可能亦沒有像其他電車般更新電子控制裝置，即是當車長突然無法控制時會自動剎車。

原帖由 3357。KS8450 於 2010-4-12 10:12 發表
120 本身都唔係好TOP

唔計跳制情況，#120 其實都算唔錯，而且兩年前大修過後，部車一直keep 住好爽，而且行走音都好順暢，最近坐亦都叫做幾好，不過經常跳制o既問題就真係唔清楚，上次坐冇事