[食評] 我同媽打o係馬交o既第一個晚餐 -- 波爾圖

我同媽打前日襯 CotaiJet 船飛推廣果時過o左
大海, 渡過o左我地o係馬交o既首個夜晚. 我地
遊河同o係大三巴買手信之後, 就坐車去'乙水'
仔開餐嚕.

當我地o係官也街落車, 想去我地想去o既山度
士 '朝聖' o既時候, 佢冇開舖嚕, 加上果晚o既官
也街人流唔多, 金雞唔多人食, 誠昌... 我地冇
打算去食o既意慾, 結果我地沿住水鴨街向住
地堡街解決醫肚問題啦.

去到地堡街, 卒之有目標嚕! 我地經過思量, 睇
過每間餐廳門口o既餐牌, 最後揀o左波爾圖(
Porto Restuarante)作為解決醫肚問題o既地方.

我地一入去, 裡面食客已經有半滿, 始終呢間
餐廳o既面積唔算大, 但係坐起上o黎感覺冇咁
迫, 呢樣值得一讚. 侍應個個都有禮貌, 仲不停
咁同我地加水, 算唔錯嚕.

我地點o左白汁煮蜆意粉(唔好意思, 全名我唔
記得)同一份西冷牛扒(包湯同甜品, 甜品係木
槺布甸), 雖然呢兩份晚餐冇餐飲, 不過o的侍
應主動同我地加水, 加上白汁蜆意粉果晚係半
價(原價係 MOP68), 我媽打食完意粉之後好滿
意, 至少o的蜆冇沙先, 同o的白汁比較夾. 至於
我點o既西冷牛扒晚餐就貴一半有多, 不過有
餐湯甜品, 算係唔錯嚕.

呢個晚餐果然冇令我地失望, 有機會o既話, 下
次會再去, 當然如果山度士有打開門做生意就
梗係優先考慮啦!





如果西冷牛扒可以快少少o黎就更好.

P.S. 我地果晚食完都仲多人食.

[ 本帖最後由 a396 於 2010-4-16 00:06 編輯 ]

多謝分享，期待其他澳門特色美食！

原帖由 doraemonc 於 2010-4-16 15:42 發表

多謝分享，期待其他澳門特色美食！

其實o黎到呢間餐廳, 正路o的食葡國菜先係,
不過見到門口餐牌咁吸引, 唔試真係...
有機會下次試焗馬介休.