沙中線動工無期

http://orientaldaily.on.cc/cnt/news/20100416/00176_017.html

東鐵過海無了期

起高鐵，是導致這些香港人最關心的基建未能及時上馬？　
看來高鐵擁躉要關注一下。

沙中線同雙普選一樣，
拖得就拖。
「民X聯成功爭取沙中線延期落成」！

文中話沙中線規劃十年，何止此數，沙中線規劃係有四十多年歷史。

若政府因為全副心機擺落高鐵（文中都指出高鐵係「國策」，正可解釋為何咁急），
而令沙中線有延遲，作為沙中線受益人之一，我個人取向係容許政府有少許時間整理一下，
加上高鐵事件令到市民表達意見的意欲增加（這不是壞事，我自己近來都交了意見書），遲多一兩年我都算喇。

沙中線係內部事務，而且沿線牽涉的保育、民居、施工滋擾等問題比高鐵更多，
單單睇鑽石山一處，港鐵、車廠、古蹟、樹木，全都是敏感詞，論政治難度，沙中線不比高鐵低。

話有話有都咁多年，我就真係唔急呀，我去尖沙咀都係搭5號車架啦。

回樓上：
現時係「民ｘ聯成功爭取沙中線經上路」～
如果上路係民主黨地頭而下路係民ｘ聯，走線使唔使又調返轉？

政府帶頭將一切事項政治化（「親疏有別」、「反對派」、「溫和反對派」，這些詞語是誰發明的？），
搞成今日劍拔弩張意識形態掛帥的悶局，自己造成。

我重申，我冇叫過董建華下台。

[ 本帖最後由 DIH 於 2010-4-16 12:10 編輯 ]

係啦，我都唔明點解 d 報紙可以講到咁唔中立......
大家睇吓明報點講 http://hk.news.yahoo.com/article/100416/4/hj41.html
沙中線關高鐵咩事？頂多咪只可以話政府唔想一次過用咁多錢過起咁多基建......
事實上係地區人士仍有不同意見，需要繼續諮詢。

原帖由 053h4 於 16/4/2010 17:17 發表

而呢個係21世紀, 垃圾資訊爆炸的年代,
成個香港好似連仔細深入分析下件事的傳媒都無
只係鐘意抽水, 先係最可悲的地方
(同樣的事件實在太多.....)

有咩人民、有咩政府、有咩社會，就有咩傳媒。

講真，無乜邊個出聲的香港人是不抽水的。
所以，如果有正視聽的抱負，唔出聲係唔 work 的。

對沙中線都係唔好咁大希望, 早早死心無謂傷身。

所以有時都覺得觀塘延線刊到憲係一個奇跡,
可能係因為得2個站, 影響範圍小la...

不如咁啦, 沙中線逐段同班人刊憲、興建, 分開黎打,
免得因不同理由反對既人將力量集結, 咁會易d。

例如先興建紅磡<>何文田及大圍<>啟德,
然後先起中間果段, 最後再起過海段。每隔一年將一段拍板。

不過為左班咁既人搞咁多野好似有D無謂...

講左成幾十年，沙中線都係得個吉字
又嘈呢樣又投訴果樣，都唔知為左咩

另外，我也完全想不到沙中線關高鐵咩事
又唔經西九龍，又唔係過境線
既然係關高鐵事，點解西港島線同觀塘線延線又可以起到既?

如果沙中線急急上馬，又會有人話咨詢不足

因為總會有好多人到拍板一刻先至知有條沙中線

係外國，d野上過報紙，就全民皆知；
係香港，唔知咩係落馬洲支線、馬鞍山線嘅大有人在

不知講什麼,只關注沙中線九龍城段車站位置將有可能什麼改變。

[ 本帖最後由 daiteioh 於 2010-4-16 20:11 編輯 ]