長沙灣道KFC一問

「工廠食堂」只有准同一大廈員工才可以光顧，即係例如長沙灣道KFC原則上只有792-794號工作之員工才可光顧。

不過咁，所有「工廠食堂」各位市民肚餓起上黎照進可也，無謂因為這些政府無厘頭過時規例搞到餓親個肚，
入餐廳進食是人生存的基本權利，經過長沙灣道肚餓到就快暈低想入去食件炸雞都唔得！？(最近就要去到西九龍中心)

同埋KFC網站都有寫有呢間分店存在，所以各位歡迎光臨！

PS:工廠食堂牌照真係不合時宜，近年因為有這些無厘頭過時法例所限搞到有唔少工廠食堂捱唔住要倒閉(香港工業式微/經濟轉型)，
所以政府應該放寬甚至取消相關規例，等市民多個選擇，又可以促進飲食業，又可以間接減少失業，消防安全監察就更嚴謹就OK

[ 本帖最後由 volvo_chan 於 2010-4-22 16:58 編輯 ]

會否是因為在工廠大廈的地契條款所限，所以在工廠大廈設立的食店大多數只能以「工廠食堂」牌照經營呢（不過有些工廠大廈內是有只供外賣的食店）？
(ps: 長沙灣道那間鴻星海鮮酒家是在商業大廈內的地下)

[ 本帖最後由 hkaiw 於 2010-4-22 16:59 編輯 ]

原帖由 hkaiw 於 2010-4-22 16:58 發表
會否是因為在工廠大廈的地契條款所限，所以在工廠大廈設立的食店大多數只能以「工廠食堂」牌照經營呢（不過有些工廠大廈內是有只供外賣的食店）？
(ps: 長沙灣道那間鴻星海鮮酒家是在商業大廈內的地下) ...

基本上正確，因為如果要做埋街外客就要繳付十足補地價同轄免費，不過這些費用係好貴，如果是小本經營的餐廳邊有可能負擔得起，
工廠食堂又只可以做同一工廈的員工，生意來源咁少，工廠在香港又式微，所以長遠來看工廠食堂只會一間一間咁面臨倒閉的命運

政府話活化工廈同時，應該同時要重新檢討工廠食堂問題，因為以香港現今社會環境，工廠食堂如果跟足規矩經營就即係想唔倒閉都難，
工廠食堂牌照，絕對是一個死板同不合時宜的法例！

提起工廠食堂，便想起不少工廠食堂的價錢不但不便宜（尤其是「快x好」），質素又不是很好，即使附近也有其他選擇也是這樣，好像我在柴灣東工廠區上班時，寧願多行幾步往小西灣、柴灣住宅區一帶的酒樓買飯盒，甚至往 IVE 午膳。

原帖由 hkaiw 於 2010-4-22 17:31 發表
提起工廠食堂，便想起不少工廠食堂的價錢不但不便宜（尤其是「快x好」），質素又不是很好，即使附近也有其他選擇也是這樣，好像我在柴灣東工廠區上班時，寧願多行幾步往小西灣、柴灣住宅區一帶的酒樓買飯盒，甚至往 IVE 午膳。 ...

我公司係杏花村同柴東中間... 附近得公司入邊間canteen..
揀都無得揀...

原帖由 neosan 於 2010-4-22 20:51 發表
我公司係杏花村同柴東中間... 附近得公司入邊間canteen..
揀都無得揀...

請問你是否在城巴車廠附近上班呢？如果是的話可以考慮在IVE。

原帖由 hkaiw 於 2010-4-22 21:15 發表

請問你是否在城巴車廠附近上班呢？如果是的話可以考慮在IVE。

IVE邊度有野食??
但係廠行過IVE都幾遠...
已經朝朝落8P行入去..

唔知點講呢，其實係長荔街間大家樂都係咁樣。(因為大家開始講活化工廈了，所以唔知點講)
不過長裕街個幾間餐廳同普通茶餐廳差不多，所以唔知點解連鎖食店唔請業主申請做正式餐廳用途。

原帖由 neosan 於 2010-4-22 23:51 發表


IVE邊度有野食??
但係廠行過IVE都幾遠...
已經朝朝落8P行入去..

黃克兢IVE內有canteen
果度入唔入得去我唔知了
我只係聽過有個fd唔係IVE學生，入過沙田的食野
其實都等於去大家樂食，因為係泛亞的...
同埋價錢非常廉宜，十三蚊左右就可以食到飯加野飲

原帖由 OTIS401 於 2010-4-24 19:45 發表
黃克兢IVE內有canteen
果度入唔入得去我唔知了
我只係聽過有個fd唔係IVE學生，入過沙田的食野
其實都等於去大家樂食，因為係泛亞的...
同埋價錢非常廉宜，十三蚊左右就可以食到飯加野飲 ...

柴灣那間當然也有一些非學生光顧，例如旅遊巴司機，所以很多時會看到有幾輛旅遊巴停泊在IVE門外，司機便從特意打開的後門讓外人入內光顧；至於價錢便有些12,3元的特價餐，普通的則差不多20元，但是當然比杏花新城大部分的食肆便宜，而且泊了車也未必怕被抄牌。

不過論到非學生光顧，理大、城大也是一個好例子，尤其是前者。