上繁粉嶺南交通一問

上繁時間在華明搭278X出荃灣同277X出觀塘易唔易上到車?
另外果段時間搭273到粉嶺站搭鐵路出荃灣同觀塘快定搭巴士快?(計埋候車時間)

277X計, 預冇窗口位先, 不過以277X 0830前粉嶺既班次, 走左一班等下一班都冇所謂

原帖由 bobbycheng 於 2010-4-24 11:13 發表
上繁時間在華明搭278X出荃灣同277X出觀塘易唔易上到車?

上車就一定上倒 (之後欣盛苑同牽晴間兩個都係大站,
上唔到既話都好大鑊)。位就多數都有位坐，但有機會冇
窗口位，甚至 277X 要 3+2 車先比較容易有位
(因為粉嶺中心之前班客好多都會揀車坐)。

另外果段時間搭273到粉嶺站搭鐵路出荃灣同觀塘快定搭巴士快?(計埋候車時間)

出觀塘就兩者差唔多，277X 應該會比較快。
出荃灣就肯定係 278X 快。

不過兩條線都有機會塞車，多數塞康樂園。
277X 大老山隧道都係成日塞，278X 就塞
瀝源村出面。不過呢堆塞車位多數都唔會
塞好耐，好多時都係比非繁時慢 10 分鐘
左右。

早繁係華明搭278X多數都無位坐,
因為278X兜完欣盛對面同埋華心先兜入華明,
最多人果段時間多數都得返D單丁位,
有時見上得幾個人已經無晒位要企人

反而搭277X有位坐機會大好多,
因為粉嶺中心/聯和墟班客好多都唔鍾意3+2巴士,
所以如果黎一架3+2大白豪, 起碼有成50-60個吉位俾人坐
但如果係2+2巴士就可能得返好少位, 過埋華明已經要企位了,
過埋欣盛苑已經企到門口附近都見過~
(用車: 2+2 AV/3AV)

搭273再轉東鐵地鐵去荃灣就一定係最慢,
係沙田轉49X好過
(除非你目的地近荃灣西站, 轉一次西鐵就得)

如果係搭273轉東鐵地鐵去觀塘都唔算慢ge,
計埋搭車等車, 預返65分鐘左右吧, 多數都慢過277x,
277x朝早多數都唔會塞好耐,
(朝早273間唔中就脫班, 同行路唔爭得遠)

277X 以華明計
如果係加四車上到食正客既話可以頂閘走得囉 ... 3+2 車亦試過要飛牽晴間 ...
同埋好睇前後車相距時間多少 .... 正常想要過靚位等多兩部就可以 ...
當八點上車 .. 通常最早八點八到牛頭角下村 .. 最遲試過八點十之後先到 ...