[轉載]會考生不滿試題太深

原帖由 nickhei 於 2010-5-8 11:43 發表
2010 CE Eng paper 1A都難到傻，有超過40%題目係SUMMARY CLOZE 好彩CALVIN SUN教得多呢類題目

我都o左咀...想不到真的很容易
之後的1B今日的卷2，又係易過借火...

原帖由 nickhei 於 2010-5-3 22:26 發表

中英文唔會淺。題目變化多端，你睇中文玩奪命4式好多人都街已X。
ECON MACRO絕對難好多(阮志華成日RELEASE ASSUMPTIONS)，以前(99年前)MACRO好淺。
CLC考審題，好多野都冇得係教科書搵到(01年前考東西只係QUOTE課文) ...

而家口講就話唔拉curve, 但份卷難咪一樣有走蓋位, 改卷手鬆D,
甚至考評局暗地裡調整左分數都冇人知。即係本質同拉curve分別唔大。
真係講到咁唔公平, 不如搵一年係特別少人有A既, 指教下我呢個文盲。

你難人地一樣覺得難, 點解有人考得好？
記得我有個死黨, 冇補習冇四圍八貼士,
會考放榜時講「呢個分數係我應得既, 我一直都好努力」。

我萬分敬重佢呢句話, 大學考試、工作、搞活動都好,
做到好, 或者做到頹, 我第一時間諗起呢句。
做得唔好, 我會同自己講, 因為我唔夠努力, 抵死, 唔好怨人。
點解今時今日既會考生, 有時間去怨天怨地,
就係唔會諗下呢句說話？

你唔好怪我串咀, 好多時你覺得好努力, 事實上可能係你以為自己努力。
好多人以為份卷答得好好, 但其實係佢未見過咩叫好。

好似大學寫essay, 好多人覺得自己好掂架,
分數唔好係professor有偏見, 跟住又話投訴。
有次我見有個同學係度鬧到high哂, 振振有詞咁。
佢話自己睇左十幾篇journal, 用左三日去做, 最後得B條氣唔順。

我聽完都廢事講咁多, 驚hurt到年輕人既自尊。
事關係大學入面寫既essay, 我有七成都係A-range,
每篇essay起碼用一星期去睇書睇料, 睇起碼兩三本full book,
有framework argument後再邊寫邊加journal,
同埋我唔會搵十幾篇文抄人opinion, 一定會有自己既stance。

正因如此, 我從來未驚過爛grade...
唯一一篇我走去同改卷個tutor拗既, 都係過哂appeal period,
同佢講佢methodology有問題, 有時間請讀多D書先去亂改卷。

高考係咪公平, 我以前考過高考, 再加識既人既經驗,
真係未見過有料到既人失望, 但就有好多以為自己叻既人唔滿意。

原帖由 nickhei 於 2010-5-9 00:25 發表
冇意識/唔知咩叫做好未必係懶，始終都已經係局限條件極大化成績 。

其實的確有學生掌握唔到竅門而缺乏正確方法發揮潛能。好多名校生接受媒體訪問都係講d表面東西，例如睇多d書，點從閱讀學習就冇講，根本呢d門面東西幫 ...

我真係覺得陶傑冇料喎...
佢寫既文章, 除左識講英國既墓園點靚, 值得死過去,
仲有其他point咩？

名校生講門面野, 你又唔怪得人。
因為佢地覺得睇書根本係生活既一部份, 鐘意睇咩就睇咩,
等於叫人食早餐、多飲水, 唔需要講要咬幾多下先吞吧...

以中化為例, 真係食老本咋喎...
人地所謂既「睇多D書」, 唔係話睇唐山大地震/ Tuesdays with Morrie,
而係講緊成套龍應台、余光中睇哂之餘, 仲識去評本書。
我AL讀理科, 見過有同學上堂發夢, 係拎支紅筆去幫明報改中文。
人地做past paper唔係寫甚麼慎終追遠, 而係分析緊宗教霸權同傳統既衝突。
當人地去到呢個級數, 抵佢地拎哂堆A啦！

或者呢D就係John Rawls 講既 veil of ignorance,
真係要借呢D人既卷睇完, 先會明白點解會輸。

[ 本帖最後由 kwyeung 於 2010-5-9 01:32 編輯 ]

其實難d唔好咩？
我當年會考不知幾想份卷難d~ 最好超難，考第一果d都唔識答！！

因為反正份卷易的話自己都未必識答、可能會答錯，仲會俾叻果d人拎到高分~
但如果份卷難的話，大家攬住一齊死，一個唔覺意自己撞中幾題就仲會考得好過其他人tim~

ps: 我唔係考得好好的一批，總之不過不失，可以升學。