少數民族？

整體式前橋的海豚其實不太舒適的, 坐感偏硬~
香港 volvo 不算少了, 只是volvo 在香港的代理沒有 man, isuzu 的厲害.....

應該說是 Volvo Coach 在香港好像未曾有過一個穩定的代理
現時的富能公司也喜歡殺人一個措手不及，失驚無神就有新車出
加上Volvo 的環保政策都係以尿為主，對比MAN 和 Scania 的無尿派，總係會輸蝕

其實我覺得富豪巴士o係香港賣得唔好有幾個原因

1. 富豪要入尿素, 中港車未必會考慮
2. 代理富能只係一間細公司, 你可以跟佢公司地址去睇, 間鋪連富能招牌都冇, 只係一間賣貨櫃車零件o既公司, 鋪頭o係呢度
3. 代理提供售後服務唔夠好, 富豪巴士o既售後服務點係o係洪水橋某貨場入面o既"歐洲巴士", 雖然都係一個出名o既維修地方, 皇巴Dart, 中旅o既MAN 都o係呢度維修, 但係相比起Scania同埋MAN 都自己代理經營且具規模o既維修中心, 真係差好遠

其實我都係一個富豪o既Fans, 尤其鍾意富豪o既懸掛系統, 但係眼見第二同第三點, 真係冇信心o係香港買富豪巴士, 如果有番一個類似富豪貨車咁o既規模o既維修站, 信心會大好多.

[ 本帖最後由 sutrak 於 2010-4-29 18:18 編輯 ]

VOLVO巴士都係覺得以前青衣聯合船塢時代好，大大個VOLVO牌起門口...感覺有些規模

素聞早前Volvo 廠方曾邀請不少歐洲汽車的大偈到馬來西亞與其他地區的富豪巴士大偈一起學習新的維修技術

其實唔止第二、三點的問題，仲有Volvo B7R 的耗油問題
如果以B7R 的 engine 在市區行走的話，平均耗油量也許會輸蝕俾其他廠的9L 或 10L 機，因為7L 機本身係要透過踩大油去達至與其他大cc engine的速度。俾D 情況 大家參考，如果你公司係好多時跑上斜同接客跑山的話，就真係唔好買B7R，unless 你俾得起錢買細匹數版 B9R，否則對比起用9L 機的車輛，得出來的耗油或許會比9L機更高。相反，如果你公司係多跑高速，多跑市區平路的話(即係類似新界大西北區村巴的走線)，咁買B7R 跑就無乜所謂。先前同過某旅行社(唔開名，不過隨便估)的師傅傾過，話部B7R 的耗油仲要比佢地的大cc 舊車為多。所以除了尿素之外，平時做乜生意都好影響你買車的決定。

另外，以一部砌11米的土砲殼車去計算，B7R 的前後軸距係比Scania K-IB 底盤長2吋半，對部車的迴旋半徑影響好大，所以當日部中港先鋒去驗車，做迴旋半徑測試時，在場外的tour 司傅們看後都讚Scania 車好好 車太 ，皆因部車不論左扭右扭，都與牆身有相當的空位