我想,我已對她有好感

其實,我都唔知係唔係
好,等我又講下,俾大家分析下啦

唔知大定仲記唔記得呢條link啦
http://www.hkitalk.net/HKiTalk2/ ... d=45817&fpage=1

我同佢熟絡左,都幾多計傾,都無咩野
但係,有一次,我同一個同事(下稱同事A)食飯
佢講左一樣野俾我聽
"佢好認真咁o係你背後話你似傻仔,又話你遲鈍"
我聽左之後,突然間好失落,
我又細細聲講左一句"原來,佢咁睇我架"
果晚搭巴士返屋企,開始有d唔妥佢r

12月,因為佢考完試,所以有假放
佢逢星期2,4都返埋工
就o係12月第一個星期二
我返工見到佢,
佢同平時一樣同我打招呼
但我已經無理會佢r
佢開始覺得唔妥
果日佢叫左我好幾次,我一樣無理佢r

星期四,佢放下午1點
我就返下午一點
我12點9返到去,見到佢r
佢見到我,又話"見到你,即代表我放工啦"
我一樣唔理佢r

星期六,工作期間,
佢又引我講野
我又係小器到死
一樣唔理佢r
佢終於同我講左一句
"都唔知咩事得罪你,對我黑口黑面"
佢又同其他同事講
"死啦,我星期二,四都返埋,又要對住佢黑口黑面......"
佢講完呢句,本來佢,我同埋另一個同事約左放工去食糖水
佢怕左我,最後無去到
我開始怕,呢家佢黑口黑面對住我啦......
果晚,我好唔開心,
好似自己羅黎衰咁
嬲佢其間,有時我都會偷望下佢r

我有問過自己
點解咁在意佢話我傻仔遲鈍
我唔知點形容呢種感覺
大概係有一種俾刀插既感覺o係度
(恕我講得誇張左d)

有一次,我將上面既事同同事A講左,
因為同事A請左幾日假
我同同事A好多野講,我地講既野,
都算一D幾私人既野
不過,我地唔會同其他同事講
同事A認為我對佢有好感
因為我太在意果句"傻仔....遲鈍"
但係,同事A同我講,話佢已經有男朋友
我開始無奈
叫我唔好俾佢知
佢亦答應幫我保守秘密

第二日啦,又見到佢,
我為左唔想佢黑口黑面
我主動同佢講返野
好彩最後都無事,一齊如常

昨日,我因為要代一位同事
所以要返工,前2日,同事A約左我同佢LUNCH食飯
我好擔心去唔到,因為我食12,佢食1
好彩,我個更表可以改,可以一齊LUNCH
後來同事A突然請假,所以佢無去

好,昨日LUNCH啦,
我地2個LUNCH,我唔打算再提返起件事
但係,佢竟然主動問起

"你咩事嬲我呀,我係唔係激親你呀?對唔住呀"

"......UM.....算啦.....都過左去啦,呢家無事咪得LAW....
其實,男仔來說,我算係小噐果隻LAW....."

"咁就好啦,我地呢家無事就好啦,過左去既野算啦"

隔左一陣,我又同佢講
"其實我都要同你道歉,因為我黑口黑面對住你,令你難受呢.對唔住呀"
佢又學我咁講
"咁就好啦,我地呢家無事就好啦,過左去既野算啦"

之後,我感覺到好似雨過天晴咁,好開心
同佢食飯,咩都傾餐飽,又同佢成日講笑
佢話佢一月頭會去旅行
我聽左之後,有D唔捨得佢去
不過,佢話會買野食返來一齊食

最後,我只係覺得自己成個大細佬咁
仲咁易嬲人地......

唔知大家點睇呢?
俾D意見可以嗎?

首先，你要攪清楚你的A同事是否也對她(或對你)有好感，所以A才這樣說(指她話
你似..)

換轉係我，當我知道我的心儀對像/朋友在我背後這樣說，我也會這樣對他/她們，
但過一段時間可能就會當無事發生，始終你改不到也控制不到人家的想法。若人
家在你面前對你好，總好過雙對時都不"俾面"你。

其實你係咪想跟她有更進一步的關係，如是，我認為你該探一探她是否真的有另
一半，正如今日係冬至，你可以問她:"今日駛唔駛同屋企人做冬呀？定係約男
朋友去街呢？今日好凍喎，去夜街著多件衫呀！...."表面上係關心，其實係想索料。

若果肯定了她無另一半，便可大大方方的主動出擊(本人不讚成做第三者)，你更可
直接問她:"識咁耐，其實你覺得我點？有時會唔會好傻仔、好遲鈍？如果有心儀
對像有無機會？有咩唔吸引地方？有無吸引到人地方？.."如果上述問題她都答
到你，恭喜你，除了你有留意她外，她也有留意你。

最後一句:      等你的好消息。

[ref=450739]Wattyung[/ref]  在 2005-12-22 08:58 PM 發表:

首先，你要攪清楚你的A同事是否也對她(或對你)有好感，所以A才這樣說(指她話
你似..)

換轉係我，當我知道我的心儀對像/朋友在我背後這樣說，我也會這樣對他/她們，
但過一段時間可能就會當無事發生，始終你改 ...

昨日平安夜返工
同佢傾計

佢有時要做埋自修室果個位
我又好奇
問下佢有d咩做

佢話"無架,就係坐o係度
睇d人自修law,不過可以做自己既野"

"咁你o係度做咩野呀?"

佢答"無.....我織頸巾俾男朋友,做聖誕禮物"

我聽到呢一句,ha.....佢親口承認佢名花有主

我又話"嘩,咁溫馨呀,你男朋友真係幸福law
不過呢,聽日係聖誕節啦bor,趕唔趕到送俾佢?"

"差少少乍,趕到"

後來,我一個人落office食飯,
就o係度嘆大氣
好頹喪......#

不過呢,我無打算俾佢知
如果佢一知道左,
一定唔會有好結果
佢實會覺得尷尬
我就更加會覺啦
我寧願好似呢家咁
總好過佢知道左大家尷尷尬尬
呢家都幾好架啦
起碼我同佢有計傾先啦
做好同事都幾好

咁都好"口既"，起碼你在出擊前清楚現時的形勢，不至大家尷尷尬尬。

你還願意默默的守候她嗎？

新年快到啦，祝你新一年有新希望(目標)啦。


P.S. 你估你呢一兩日會唔會收到頸巾做聖誕禮物呢..............

[ref=453057]Wattyung[/ref]  在 2005-12-25 04:39 PM 發表:

咁都好"口既"，起碼你在出擊前清楚現時的形勢，不至大家尷尷尬尬。

你還願意默默的守候她嗎？

新年快到啦，祝你新一年有新希望(目標)啦。


P.S. 你估你呢一兩日會唔會收到頸巾做聖誕禮物呢.. ...

我會邊守候邊搵"新希望"
聖誕禮物?其他女同事問我攞就多....
收就應該無架啦