北區缺乏完善巴士配套。五月一日是北區居民發聲時候。

原帖由 迷你多啦 於 2010-4-28 15:36 發表



港鐵收費已經算收得比較平
373咁貴你又爭取全日
難道373全日可以減到＄１６以下
平過港鐵

要平的人根本就係早已經搭火車，邊會搭 373 系過海？
咁就算 373 系唔減價，又會吸引到另一班稍有經濟能力，
或者唔介意俾多少少換來較舒服車程的乘客。

原帖由 Quanta 於 2010-4-28 11:55 發表
唔想 "車程費時失事",
等多幾年 沙紅線 同埋 東鐵過海段啦

等左十幾年的沙中線一拖再拖,因民建聯成功爭取高鐵插隊上馬而再被延遲...

表面上,北區交通好不便,但東鐵車費加區來線都收費低廉, 北區的近公共屋村及非鄉郊位置的私人樓,出市區的總交通費其實比不少大埔沙田人更低

就算冇高鐵
都唔見得沙中線真係可以咁快上到馬...

重要是 加開往來西九龍巴士線

個人反而認為373全日無咁迫切

重申訴求，270A線必須延長至尖沙咀！！

原帖由 053h4 於 2010-4-28 18:37 發表


沙中線 N 咁多爭議先係唔開工的原因, 關高鐵咩事?
沿線班人肯唔肯坐低妥協讓步先?

又唔見觀塘延線計劃推遲
高鐵唔係原罪, 唔洗咩都入佢數掛

如果國家交通戰略需要,
凌駕於香港地區入面, 北區呢個小鎮o既交通需要,
咁政府就有理由壓制北區交通發展.
因為一旦北區出市區交通發展太完善,
國內同胞就人人都過o左關o黎到北區先轉車出市區,
情況就似今時今日, 更多香港人會先過深圳再轉火車或飛機北上,
而唔會去紅磡搭直通火車, 或直接用香港機場北上.
咁高鐵o係國內往返香港市區o既交通市場佔有率, 就有機會較低,
到時又有人話用669億納稅人錢, 生隻大白象出o黎.

愚見認為, 本土利益應該同國家利益共存.
如果香港本土利益, 要為國家利益而犧牲,
抵香港比人歸邊.

[ 本帖最後由 transbus 於 2010-4-28 21:24 編輯 ]

原帖由 transbus 於 2010-4-28 21:21 發表


如果國家交通戰略需要,
凌駕於香港地區入面, 北區呢個小鎮o既交通需要,
咁政府就有理由壓制北區交通發展.
因為一旦北區出市區交通發展太完善,
國內同胞就人人都過o左關o黎到北區先轉車出市區,
情況就似今時今日,  ...

其實北區道路交通差, 是相對於新界西北而言

如假設到國家交通戰略需要
不如話成條青朗-大欖隧道-南灣隧道-昂船洲大橋等等
都是石崗軍營往來海軍基地的高效連接通道, 平時就放畀民用車輛通行

因此, 出現了新界東/西道路網懸殊的局面

原帖由 barking 於 2010-4-28 21:34 發表


其實北區道路交通差, 是相對於新界西北而言

如假設到國家交通戰略需要
不如話成條青朗-大欖隧道-南灣隧道-昂船洲大橋等等
都是石崗軍營往來海軍基地的高效連接通道, 平時就放畀民用車輛通行

因此, 出現了新界東/ ...

其實都可以咁講,
甚至可以話三號幹線起o黎唔係為香港石崗,
而係南下深圳過關o黎o既解放大軍.

事實係三幹根本就係為民用往來國內交通流量而起,
用軍事o黎講係陰謀論o左o的,
但吐露港頂得住新界東加中港貨車流,
粉嶺公路都未必頂得到.

呢樣係小弟搭高鐵時,
睇到一位解放軍官,
基於高鐵對國家戰略用途寫o既文章而諗到.

文中, 軍官提到高鐵16卡車,
時速350公里, 每15分一班對開,
每日動員能力可達半個城市人口.
(城市人口基數我就唔記得幾多十萬啦)
大家都知道共黨o既動員能力有幾強啦.

不過高鐵香港段將來都用調紅磡直通車過去,
某程度上都叫疏導東鐵線車流.

但係肯定冇理由要北區人等到高鐵起成,
先有改善本土交通或東鐵線o既機會.

ps. 只希望有朝香港有大型民運時,
大陸唔會真係用高鐵開隊兵落o黎鎮壓..

[ 本帖最後由 transbus 於 2010-4-28 22:13 編輯 ]