加入九巴之友

原帖由 迷你多啦 於 2010-5-1 23:51 發表


九巴之友有唔少都係非巴士迷

其實係大把....

尤其係組長, 全部都係uncle同auntie,
佢地大部分都唔係巴士迷......

原帖由 JC3341@31M 於 1-5-2010 22:04 發表



放心，我唔係講做義工無聊，
而係佢準備既「義工」全部都滲左九巴既成分，
搞到個活動似為左宣傳九記多過咩，
好似一話搞個小朋友義工活動，
佢就一定話參觀車廠，然後就係咁宣傳自己幾環保，
咁樣既「義工」似乎有點兒．．．

只要你 ...

講真, 有邊間公司叫人做義工唔係幫自己公司宣傳?

P.S 我也是組長!

原帖由 JC3341@31M 於 2010-5-2 02:36 發表



其實係大把....

尤其係組長, 全部都係uncle同auntie,
佢地大部分都唔係巴士迷......

難道有免費乘車証，或者增加應聘機會 ？

原帖由 Choi 於 2010-5-2 20:58 發表


難道有免費乘車証，或者增加應聘機會 ？

如果係咁樣既話, 我諗九友都唔駛做宣傳了......

我個人覺得, 家陣九友入面,
多數都係組長負責曬所有野,
結果一般組員參與度唔高,
變左成個會都係得d組長咁......

希望組員可以參與多d!

我參加左九巴之友, 但係我唔知有咩活動可以參加...

我都有好多老友係九友。其實都係一個願打，一個願捱，九友至可以延續到今日。試問現今香港有幾多間所謂公共事業機構，可以叫到自己D客仔"義務"幫自己公司省招牌呀, 一做就15年呀? 我覺得在商言商，如果真正係做義務工作，真係幫到有社會上需要嘅人，而透過活動當中宣揚一下乘車時嘅公民意識，炫耀下自己公司有幾環保(包括使$???)建立一個positive嘅image咁又有咩問題呢? 比著你係老闆或者董事局成員，每年付出左一筆，又冇一D有形嘅收入，如果連一D所謂Goodwill都賺唔返，你肯唔肯先!!! 不過只係希望唔好有人為咗幫公司慳$，利用咗呢班咁有熱心同愛心嘅乘客。相信班高層亦唔希望自己間公司淪為"弱勢社群"，真係要D乘客做"義工"囉!!!!

點解攪到一定要via九記先做到義工咁?社會上好多人需要幫助，加上現政府係咁"鍊"住個荷包，如果大家真係有心，很多NGO都等緊您。

其實大公司既義工隊就係咁嫁喇,中電義工隊性質都類似咁樣
難得社會企業肯參與社會事務,不是一件好事嗎?

講返九友,佢既目的就係助人自助,你只要做義工既時候
令自己有得著就得喇,點解要理佢係咪為佢自己宣傳
如果你唔想做義工變O左做宣傳,不如你參加社區中心既義工活動呀
組長既模式都算不過不失,如果每件事交由義工做策劃,做一個活動一定無咁易...

原帖由 kkkwok 於 2010-5-3 21:09 發表
其實大公司既義工隊就係咁嫁喇,中電義工隊性質都類似咁樣
難得社會企業肯參與社會事務,不是一件好事嗎?

講返九友,佢既目的就係助人自助,你只要做義工既時候
令自己有得著就得喇,點解要理佢係咪為佢自己宣傳
如果你 ...

首先, 當一般人加入九友之後, 佢地只係「一般會員」。佢地要申請入義工隊, 先至可以正式係義工, 收到九友有關義工服務既消息。如果你地有興趣申請, 可以係參加聯誼活動個陣, 通知你個組既組長, 然後填一份form, 就可以幫你安排到。

我覺得中電同九友似乎有d唔同, 因為中電真係搵番自己人幫手, 而唔係叫d客入去。如果九記肯叫佢班員工做九友, 咁樣既效果會好d。到目前為止, 都有約五位九巴職員加入左九友既, 同埋佢地可以因為協助九友活動而優先調假。至於九友既服務, 我覺得問題唔大既, 只係佢有d時候唔算係直接幫人地, 例如舊年佢搵左九友幫手拍套公司MV, 我地係入面要扮乘客, 咁樣既「義工」好似無咩用咁。係組長預備活動個陣, 都因為受到公司既唔同限制, 影響左活動既流程或成效, 例如大部分九友活動都唔會係港島區同離島區進行, 因為個度唔係九記既地頭, 受惠既人實在大大咁減少左。

關於幫左九記宣傳, 我只係表達個人意見, 無咩特別話唔想幫之類既, 不過「助人自助」係一個好專業既名字, 我諗呢個字係用唔到係九巴之友入面, 因為佢係專業社工既工作方針, 而九友係傾活動既時候, 一早已經比九友職員整好曬, 組長只係比小小意見比職員們修改而已。