應否要表態？

整個MC6進行中，我發覺平時十分活躍的政治人物較少露面，
除左梁國雄參與其中同埋何俊仁當義務律師之外，
甚少聽到其他不相干人仕發表對是次會議意見或者表態。
但在最後一日示威活動完結之際，晚上大約11時，
陳日君主教到達鴻興道示威區探望示威者並接受記者訪問，
一方面重申教會立場，反對一切暴力行為，
另一方面，希望警方釋放所有被捕的示威者，
又指出香港沒有能力舉辦世貿會議等等。

本身探望示威者呢個行動係冇問題，亦乎合教會一向原則，
但係o係同一個場合公開對MC6作出評價，又是否切合其身份呢？
辜勿論外間對於陳主教言論睇法，但至少俾我既印象係似一場政治show，
佢只是藉著呢次事件宣洩對政府抗議既立場。

(歡迎發表意見，但切勿人生攻擊)

(同上面不相干，屬本人分享)
今日好偶然返左日崇拜(小弟唔係信徒)，講者講左一個馬拉松故事，
話說有一次馬拉松賽事，有128名選手，只有5名選手跑畢全程，
其餘都因為走錯左路而不能完成賽事，而5位完成賽事當中，
走對的其實只有1位，其餘4位因為見到/相信他的指引而跟住佢。
呢個比喻係講，信徒要跟隨的只有唯一一位能帶你達致永生最終目標，
果一位就係神，而唔係任何人。

[ Last edited by on11358 on 2005-12-19 at 02:13 ]

宗教為何不可以參與政治呢？

警方行動絕對果斷及正確，真不明白點解陳日君想點做。 #:-/

[ref=447777]da54[/ref]  在 2005-12-19 02:57 AM 發表:

宗教為何不可以參與政治呢？

宗教絕對可以參加政治(教會必然涉及政治)，但是否要分得清楚比較好？
陳日君主教常將宗教/政治/自由/民主混為一談，
個人覺得彼此之間存在衝突，有時就會令人混淆，
而相信天主教既信徒就可能因此受到佢個人理念影響判斷。

[ref=447795]M[/ref]  在 2005-12-19 06:30 AM 發表:

警方行動絕對果斷及正確，真不明白點解陳日君想點做。 #:-/

但係我唔認同警方要把示威人仕放係條街成晚係合適的做法，
仲有不少外國傳媒都認為當晚規模其實比較以往並不嚴重！

[ref=447777]da54[/ref]  在 2005-12-19 02:57 AM 發表:

宗教為何不可以參與政治呢？

除非陳先生講明係個人意見, 否則外人會以為佢係代表緊成個社團既
立場, 如此未經內部討論和共識的表態, 似乎強姦左社團內各種不見的見解.

我個人會因是次陳先生的言論,  對其所代表的社團產生負面印象.

[ref=447851]GK9398[/ref]  在 2005-12-19 10:50 AM 發表:



但係我唔認同警方要把示威人仕放係條街成晚係合適的做法，
仲有不少外國傳媒都認為當晚規模其實比較以往並不嚴重！

我同意示威者相對以前係無咁暴力了, 但我覺得要比較, 都要公平d,
唔好只是用外國情況去比, 亦要用返香港本身情況.....外國傳媒唔
清楚, 香港人唔會吧...

如果係香港, 平時有人 "推及破壞警車" , "搶警棍", "襲警", "拆鐵欄",
好可能以前警察都要拔槍了....根本唔會同你慢慢處理.......
而且昨晚, 係有示威者唔肯走, 拘捕行動先一度暫停.....

另外, 我一向對呢位教宗, 只是失望......

[ Last edited by 3ASV196 on 2005-12-19 at 11:41 ]

[ref=447851]GK9398[/ref]  在 2005-12-19 10:50 AM 發表:



但係我唔認同警方要把示威人仕放係條街成晚係合適的做法，
仲有不少外國傳媒都認為當晚規模其實比較以往並不嚴重！

係「警方要把示威人士放係條街成晚」呢，定係「示威人士自己唔肯走」呢？
事件已過去，爭論都冇用，但我想還警察一個公道。
你估警察好想同你一齊「風餐露宿」，一齊望星星咩？
示威者是自己要霸佔香港交通幹道唔走；警察卻是因職責所在被迫「陪你一齊做show」。#:-/

我地唔係當事人都唔講得太多，我只可以話，
雙方整體上盡了自己的責任，但都各有害群之馬。
我相信大部分的示威者都是和平的，亦相信大部分警察都表現得相當克制及盡忠職守。

申報：我沒有安裝要錢的電視台，可能看不到部分人看到的事，不作評論。

我同情韓國示威者的處境（他們不只是農民，還有勞工團體），但慘不等於可以目無法紀。

事過境遷，讓我們一起面向未來吧，不要再拘泥於已過去的事，就當一個教訓。

[ Last edited by DIH on 2005-12-19 at 12:30 ]

[ref=447892]DIH[/ref]  在 2005-12-19 11:38 AM 發表:


係「警方要把示威人士放係條街成晚」呢，定係「示威人士自己唔肯走」呢？
事件已過去，爭論都冇用，但我想還警察一個公道。
你估警察好想同你一齊「風餐露宿」，一齊望星星咩？
示威者是自己要霸佔香港交通幹 ...

如果係已被扣留，到底係示威人士唔走，定係根本無車接走？
星期日一早看新聞，係表示示威人士要走但一直未有安排，而
且在晚上宣佈扣留後，一直到三點才安排首批車輛接走示威人士，
那既然已被扣留，又如何唔肯走？不要忘記，首批上車人士係由
警員抬上車，如果示威人士自己唔肯走，我不相信警員會無辦法！

*我係兩邊都認為有不對，但不可以一面倒講警員做法正確！

[ref=447916]GK9398[/ref]  在 2005.12.19 12:15 發表:



如果係已被扣留，到底係示威人士唔走，定係根本無車接走？
星期日一早看新聞，係表示示威人士要走但一直未有安排，而
且在晚上宣佈扣留後，一直到三點才安排首批車輛接走示威人士，
那既然已被扣留，又如何 ...

懲教署都要有人standby，有人接載先得嗎。而且，一架車
都係載得5、60人。

仲有，有些示威者唔願走，警方都冇佢地辦法。