[Great food 女朋友食經 #5] 俾蜜蜂仔連針兩野

近日事忙，少撰文章，就連食亦沒有什麼講究。午飯好下午茶好沒有什麼特別；反而想到不如幫襯下蜜蜂仔，立定心腸之下即刻去左食左一次下午茶。怎料一係唔幫襯，一幫襯就係兩次：小弟得手一張優惠券，買餐送包，結果短時間內俾蜜蜂仔連針兩野^^”

首先講講下午茶果次先，小弟點了最愛的熱狗。
同場有4款：分別係漢堡包、熱狗、炸雞一件及蘋果批下午茶餐，配熱飲或汽水$12 (凍檸茶加$2)



近觀，可見相當多芝士碎，口味非常濃厚。




及後無耐，基於得手一券：購買夏威夷堡套餐一份，送夏威夷漢堡一個，故短時間內再度幫襯之。哈哈，其實唔咪話有券的話我都會去試下既，始終未試過有關漢堡。
二十七蚊一份餐，有夏威夷漢堡一個、中薯條同中汽水一杯，同牡丹樓差唔多價錢；送多一個包，更見超值。

購買之時無晒薯條，職員交低左個牌俾我之後話會有人囉落黎。

先黎兩個包先！好大個，雖然唔咪三層，但係重量同size已經同牡丹樓巨無霸比肩。



黎晒！影張全家福先。



夏威夷漢堡現真身！
其賣點乃其熱帶感覺，期待當中，稍後一試便見分曉。



煙肉又熱又香，o係囉起個包的時候已經感受得到，相信會非常惹味。



菠羅一塊，真係夠晒夏威夷^^ 水果入饌不太鮮見，不過入落漢堡似乎無出蜜蜂仔其右。



除左呢兩名主力成員之外，仲有生菜、芝士同埋燙口牛肉漢堡一塊。
經常講話食物夠熱已經成功了一半，蜜蜂仔呢方面做得幾好。



開動了囉！



吃落去，味道真係相當之好；菠羅配上煙肉的確係一個良好的配搭。之前無食過一款漢堡有類似既特別味道，好有熱帶風情，就似食左夏威夷風光薄餅咁；醬汁用上白沙律醬，突然間又有種食緊沙律既感覺走左出黎，哈哈。煙肉… 真係好出色既煙肉，唔怪得burger king食包要煙肉需要加幾蚊，看來有其箇中原因。

份量好多，兩個包小弟容納唔到，拿走吧^^



離開之時，見有飯品推介，或者稍後日子再試試吧！



總評：記得蜜蜂仔以前開左唔少分店，宜家就得番一萬零一間，可能漢堡包呢個市場的確俾牡丹樓霸左而致。Burger king既曾經撤離、哈迪斯、wendy’s既消失可以見到呢一點；不過漢堡風氣隨著mos同burger king捲土重來又似乎轉入百家爭鳴時代：牡丹樓價目表加完一次一次又一次，已經令一d其他舖頭賣既食物價錢相若，大家就會諗下食下第d口味，總好過對住d縮水包好吧！

今次食經告一段落，謝謝閱覽^^

食過真係好好食 不過好耐以前，遲啲搵日再過去食
不過喺祖樂比食野好唔慣，因為成間舖頭除咗我同我朋友之外就無華人

[ 本帖最後由 bananasims 於 2010-5-11 20:42 編輯 ]

原帖由 bananasims 於 2010-5-11 20:41 發表
食過真係好好食 不過好耐以前，遲啲搵日再過去食
不過喺祖樂比食野好唔慣，因為成間舖頭除咗我同我朋友之外就無華人

小弟曾經都想過入去食
不過一見到入面全部都係賓賓就掉頭走了...

我都有好幾次過門而不入，就係因為入面全部賓賓
只係我屋企個家庭傭工介紹，仲帶咗一次外賣返屋企食，就令我去中環嗰陣入去食
其實都無乜所謂…只係買野要用英文…做下「少數民族」都唔錯

之前在中環上班也有去幫趁過哩個夏威夷包
D菠蘿汁混合沙律醬
juicy~非常正!

平日的情況會否好一點？

以前未識食burger，所以去親通常都係食炸雞飯、魚柳薯條、肉醬意粉等餐，而家都唔知D餐牌變成點lu

原帖由 bananasims 於 2010-5-11 21:58 發表
我都有好幾次過門而不入，就係因為入面全部賓賓
只係我屋企個家庭傭工介紹，仲帶咗一次外賣返屋企食，就令我去中環嗰陣入去食
其實都無乜所謂…只係買野要用英文…做下「少數民族」都唔錯 ...

但有人話counter有職員識廣東話bor
唔知樓主光顧又用咩語言買野呢
不過用英文叫餐都ok既

對上一次進軍香港，Jolibee曾經在港有4間分店，

除了中環總店，屯門市廣場2期地下、沙田新城市廣場都曾經有Jolibee，

仲有一間有無人記得開係邊度？！

原帖由 石頭 於 2010-5-12 22:36 發表
對上一次進軍香港，Jolibee曾經在港有4間分店，

除了中環總店，屯門市廣場2期地下、沙田新城市廣場都曾經有Jolibee，

仲有一間有無人記得開係邊度？！ ...

另有一間位於灣仔雙喜樓1樓(即修頓對面)
現址為KFC