沙中線動工無期！你話死唔死呀？

原帖由 053h4 於 2010-5-13 01:04 發表


香港不乏處理地基, 車站建築結構的人材
但係掘隧道, 操作, 維修盾構機, 以香港的平日的工程量(平日就係輸水隧道, 電力隧道, 或採用鑽爆法的青沙的工程), 無可避免要考慮輸入歐美外勞
而起隧道, 由港鐵招標, 到建造工作井, 盾構機招標等工序, 做好左到到工地組裝測試, 到真係盾構出發, 都要一兩年時間(當然, 其他施工方法係會相對快D)

而就算真係今日招標, 施工高峰都要到2011~2012年, 西港島線的幾個標段都差唔多完工
要陪訓都有時間, 所以唔可以話人材唔夠

2011-12以至13-14剛好係高鐵港段的施工高峰期.
另一方面沙中線的規模比西港島線大得多, 原有做西港島線的人手都不足以應付紅磡至沙田段的工程.
故高鐵工程係令沙中線(再)略為推遲一個不可忽視的因素.

講到培訓人材, 當然要以長遠計. 若果只係為佐幾年的工程高峰培訓一班人材去應付, 係唔符合效益, 亦係短視的做法.
輸入外勞可能係較佳的出路, 但在如斯的經濟環境, 加上過去多年工程及建築業的不景氣, 除非別無選擇, 政府難輕言輸入外勞.

只可以講句, 以往錯失佐太多機會推沙中線上馬, 今次"有幸"同高鐵撞期而已.

[ 本帖最後由 s3n370 於 2010-5-13 20:11 編輯 ]

依家無人嘈係正常, 如果無人o係班人耳仔邊同佢講有樣野叫沙中線, 佢地係唔會知架

原帖由 053h4 於 2010-5-13 05:03 PM 發表


係就好, 希望佢快d向南土瓜灣關注組, 表達鐵路發展的"苦處"

而運吉cut車cut線, 比區議會插完, 都係睇客睇需求去cut
都未去到亂cut的地步

鐵路通車後，被cut車的多數係離鐵路站不遠又不近的人
近鐵路站的可以坐鐵路，遠的cut車會比較少

始終巴士線的運作方式係一條線，除了極少數情況令巴士路線可以光靠某幾個站來支撐起整條線之外，其餘都係靠一系列的中途站去支持
其中一部份中途站因為鐵路而客量減少，對那些遠離鐵路站的中途站的客量影響不大，但路線會因為整體客量下降而被cut車。
離鐵路站不近又不遠，去投訴，政府部門又只會叫人坐鐵路......所以我認同板友所講，土瓜灣最好唔好咁快有沙中線
香港除了旺區之外，好難有一個地方能夠有四通八達的交通。

咁你認為應該幾時先有沙中線?有需要起既基建就吾應該選擇幾時,更吾應該保衛某D心目中線王不受威脅就限制鐵路發展,損害其為某地區帶來有形或無形的經濟及乘客效益,亦是表現自我偏激的反應。

老實講.你咁講有點強化本人對巴迷「憑鐵路必反既反智地步」印象。

原帖由 homan0323 於 2010-5-15 21:49 發表
咁你認為應該幾時先有沙中線?有需要起既基建就吾應該選擇幾時,更吾應該保衛某D心目中線王不受威脅就限制鐵路發展,損害其為某地區帶來有形或無形的經濟及乘客效益,亦是表現自我偏激的反應。

老實講.你咁講有點強化本 ...

好認同，尤其係最後嗰句
起沙中線都係引入競爭

乘客都係用腳投票
81C 同埋屯門唔少既線，起咗西鐵馬鐵競爭一樣咁旺咁多人，就算運吉話要取消，最後咪又係留喺到
268B 呢啲巴士線比西鐵打殘 cut 班都係乘客用腳投票既結果，我亦唔見得運吉有咁大影響力影響咁多人唔坐

如果條巴士線真係想生存，就改善服務，改善走線，提供更多點對點，吸引居民
而唔係因為想生存而反對興建鐵路
對該區既市民亦唔見得有任何好處
我認為起沙中線係雙贏的

[ 本帖最後由 bananasims 於 2010-5-15 23:57 編輯 ]

原帖由 bananasims 於 2010-5-15 23:55 發表

如果條巴士線真係想生存，就改善服務，改善走線，提供更多點對點，吸引居民
而唔係因為想生存而反對興建鐵路
對該區既市民亦唔見得有任何好處
我認為起沙中線係雙贏的

如果個個都識咁諗, 南港島線一早起左...

2004年曾經有遊行抗議, 利用「越界搶食」黎抨擊南港島線
最終2005年立法會宣佈擱置西, 南港島線
宜家最新個plan連香港仔都唔到

[ 本帖最後由 Raymond 於 2010-5-16 02:15 編輯 ]

原帖由 kisoby32817 於 2010-5-12 18:12 發表
你話死唔死呀？2000年構思，2020年過海段通車，起條鐵路前後要用二十年！真係笑死哂D大陸人，人地由構思到落成用五至六年，你用十五至二十年？

沙中線動工無期
http://orientaldaily.on.cc/cnt/news/20100416/00176_017.html ...

其實我想講沙中嘅前身沙田線早已在1967年開始規劃，
假設2020年通車（其實未必得），已經用左53年