曾蔭權及政治團隊後日立法會補選不投票

2012個班大專生, 有個我都識..

正如之前有人都講過: 究竟佢地參選係為乜? 如果真係當選佢地會做學生還是做議員..

跟著應該會有人話: 點會選到, 諗來都唔會有用..(呢句分分鐘參選者都會咁答你)

咁問題來了: 明知選唔到又去參選, 又唔落區做宣傳拉票..那是當這個選舉是小朋友玩家家酒嗎?!
還是只是想上節目, 讓人知道你既存在?　

講開又講, 印象中區議會選舉好似有保證金呢回事的WO, 好似仲係拎唔夠某個得票率/數量, 係連保證金都冇得退...
(唔記得係邊度睇過有人分享), 呢件事係咪真, 還是已成過去, 定係唔適用係呢次補選?!

無論任何一個議會選舉好，拎唔夠某個得票率/數量,的確 係連保證金都冇得退

OT : 剛我已經投票了。我投票的原因正如民協係街的BANNER指，無論您視不視此選舉為公投，都應去投票。

[ 本帖最後由 Crotone 於 2010-5-16 08:52 編輯 ]

原帖由 12A 於 2010-5-15 22:55 發表


係講呢番說話前, 請留意過去功能組別議員在議會內的作為
呢班人一路浪費的 $, 比呢1.5億更為浪費

引自 明報專欄作家黃明樂 blog
http://wongminglok.blogspot.com

....
補選爭取的，是取消功能組別。多少年來，扭曲 ...

唔該唔好次次有咩事
都係拉高鐵上去
當公投投完之後根本冇用既時候
果1.5億係完完全全送落咸水海
但高鐵既到時收得返咁又點先?
迪士尼既,睇清楚盤數都差唔多到收支平衡
而更加重要既係,迪士尼係香港成個經濟
唔單單係迪士尼盤數就講晒
其他消費行業一樣有受益
副局長和政治助理方面,人地做緊野既時候又會有邊個知?


若果今次所謂公投可以做到咁大既政治壓力既
我早就支持
但事實係點?
搞又搞唔起
泛民自己條數又講唔點
部分市民為之反感


係咁既情況下
做到咩壓力?
而講到2012既
對住中央更加冇可能達成既
咁成個公投做咩呀?
咪做show lo


投票係公民既責任
咁即係迫香港市民上臺同五個藝人一齊玩?
平時選舉大把人都冇投票
又唔見去嘈下既?


*個人認為曾生既政治手段真係好差
明知講唔投肯定放條痛腳出去俾人
講投既唔代表一定要投俾陳小姐掛...

原帖由 hkbw 於 2010-5-16 08:41 發表
咁問題來了: 明知選唔到又去參選, 又唔落區做宣傳拉票..那是當這個選舉是小朋友玩家家酒嗎?!
還是只是想上節目, 讓人知道你既存在?　

佢地參選本來個目的係確保每區有多於一名候選人，以避免公投無法進行。

結果，只係得我果區無左「大專2012」真係會有人自動當選，咁佢地當然就唔會點宣傳，
將spotlight留返俾公社兩黨，之後又話支持「大專2012」的選票，公投入面都當係支持真普選云云。

只可以話，呢班人做野欠缺eloquence。

原帖由 DIH 於 2010-5-15 23:58 發表

今朝政壇新秀有人講得好：由幾時開始，大學生畢業後兩三年就話要買樓？
我父母都成40歲人，結埋婚生埋仔先置業，供居屋供了10年，
而家的大學生有乜咁矜貴，屋企有乜咁可怕，要短短幾年就自己買樓？
呢頭反對屏風樓，嗰頭急於買私樓，不覺得自相矛盾嗎？
係唔係其實想炒起層樓，將來轉售圖利？係的話，歡迎加入香港版大富翁。

OT: 置業呢個問題，我又唔係咁睇。

死結係有唔少人屋企住公屋，係所謂「第一代大學生」，大學生平均出黎人工雖然唔係好高，
但係已經過左申請公屋個入息上限（單身無記錯係$7,300，二人家庭應該都係得萬三），
同時如果繼續留返個戶籍，就好可能會超過整個家庭本身個入息上限，要交雙倍/巿值租金甚至俾人踢走。

之但係，呢個人工，供樓又供唔起，租樓可能只係租到俾原有公屋居住環境更差的私樓，而且租金昂貴，
仲點養自己同父母？佢地可以住邊，唔通走去訓街？呢d絕對係legitimate concern。

樓呢個問題都同我有密切關係，香港最麻煩的問題的確係住屋。
家母就成日話，覺得班會考尖子去讀醫科最精，因為「一出黎就有五萬幾，好快就可以俾得起首期買樓」，
所以我當初都應該報讀醫科（我個成績係入到HKU Medicine有餘，不過我無興趣，唔入）
（之但係早排電台又有醫生同律師話買唔起喎）

最慘就係我呢d，我如果搵得返本行，香港起薪點四萬幾接近五萬，但係都係至少三五七年後的事，
而且我呢行競爭好大，流動性好高，將來會去邊度發展都係未知之數。
呢個人高，話高唔高，話低唔低，供樓又無咁快供得起，公屋居屋又無得住，
所以屋企人間唔中就話我第時應該移民去澳洲，不過佢地唔知道澳洲大城巿樓價都係人均年薪的七倍，
只係俾香港好少少。

而家個情況係，除非你好有錢（一個月六位數人工，最好仲要係含住金鎖匙出世果d），或者好窮（可以等政府養），
否則分分鐘搞到周身蟻。所以我支持復建居屋。

剛剛一口氣爬完所有文。

見到大家都此題目有不同意見，就正正反映香港其可愛之處︰每人可以在不同地方，透過不同渠道，自由地表達其心中所想。

正因每個人對同一件事的看法不同，所以我們應該要懂得兼聽，這樣我們看待事情會比較客觀。另外亦應尊重其他人的意見，不要將異見者「妖魔化」。

至於我自己，基於不想將來因在此事上缺席而感到後悔，所以會選擇透過選票表達自己的心聲。

但其實居屋都唔係平...

原帖由 JT4686 於 2010-5-16 00:28 發表
今次公投原意比機會大家表達民意而已
之前又說2007年達至普選，現在什麼都見不到
雖然是浪費錢，但這是無辦法的辦法

上面高鐵的，解決不到提出的問題，一切免談 ...

高鐵問題，麻煩去返R1板搵前幾個月果幾十篇文章。

實情係，一班對鐵路運作有深入認識的人，已經指出所有alternative的不可行及荒謬之處，
解決了閣下所謂「提出的問題」，
同時政府亦已就這些問題一一回應。

可是反對高鐵人士對這些事實和科學結論視而不見，對專業人士的回應不放在眼內，
繼續自說自話，發放有誤導性的資訊。
此等不尊重科學、不尊重事實的風氣實不可長。