曾蔭權及政治團隊後日立法會補選不投票

原帖由 迷你多啦 於 2010-5-16 13:03 發表

呢次補選當中所謂既"民意"
只不過係呢班極端民主派既意見
有人支持呢班人既意見
只不過係支持呢班人意見既人既思想一早俾呢班人塗毒左

呢班極端民主派導致呢個社會有更深層次既矛盾
社會分化越趨嚴重

呢班極端民 ...

不如閣下睇下由五人辭職到現時呢一刻
立法會, 甚至整個社會
係咪因為佢地不存在而變得和諧左呢?

深層次矛盾, 係制度造成, 唔係因為邊一個人選到選唔到而造成

原帖由 hkbw 於 2010-5-15 22:06 發表
用呢舊錢去做其他更有意義既民生改善工作, 好過係度亂花錢做埋d我個人認為極度冇意義既事啦..

唔搞公投就可以慳返一億五千萬用於民生事務上? 你太天真啦.

你去各大政府倉庫睇下呀, 睇下入面有幾多100年都用唔晒ge物資,
呢d物資好多時因為擺得太耐而過期/失效, 最終要扔, 政府年中不知浪費幾多錢.
單單係呢度都唔知道浪費左幾多個一億五千萬啦.

政府聰明, 提一億五千萬呢個數出黎,
結果令部分市民嘩嘩聲不投票.
但你諗深一層, 除左呢個原因,
政府仲有冇其他有力原因去否定呢個選舉? 無!
班官講黎講去, 都係"一億五千萬", 無其他.

原帖由 cky 於 2010-5-16 15:11 發表


不如閣下睇下由五人辭職到現時呢一刻
立法會, 甚至整個社會
係咪因為佢地不存在而變得和諧左呢?

深層次矛盾, 係制度造成, 唔係因為邊一個人選到選唔到而造成 ...

和唔和諧好主觀架嗟，我覺得立法會真係和諧了不少。

對啊，深層次矛盾係由制度造成，但某幾位人士在立法會內時，有沒有做一些實事來改革個制度呢？
例如認真討論特首產生辦法？特首和問責官員應該有甚麼政治取態？香港是否需要有更完善的政黨制度？
特首可唔可以有政黨背景？所有政黨現時都係「在野黨」，有沒有謀求如何令自己成為名正言順的執政黨？
即使政府唔同你傾，你都可以提出來，有些noise讓社會代你討論。

我情願是這樣積極的黨性自私，好過而家的消極對抗，搞辭職補選變相公投即係你對呢個制度冇信心，
呢件事及近來的風風雨雨令立法會公信力接近零，連原泛民支持者都對所謂泛民失望，
政府已經係跛腳鴨，再加個瘋瘋癲癲（各黨都係）的立法會，香港只有坐以待斃。
行政立法司法，若只剩司法系統正常運作，有多麼健全的司法制度也是枉然。

[ 本帖最後由 DIH 於 2010-5-16 15:54 編輯 ]

辭 職 後 參 選 的 候 選 人 陳 淑 莊 到 港 島 南 區 拉 票 ， 她 表 示 投 票率 並 非 如 外 界 早 前 預 料 的 差 ， 希 望 藉 補 選 達 致 公 投 目 的 ， 大 致 算 是 成 功 ， 又 希 望 政府 回 應 已 投 票 選 民 所 表 達 的 民 意 。

港台新聞
所以, 點都係嬴

原帖由 hosito 於 2010-5-16 16:09 發表

港台新聞
所以, 點都係嬴

頭先出過香港仔，點幾見佢係香港仔巴總插旗，又係度講野
岩岩返黎就見戴卓賢係華富下

原帖由 kay 於 2010-5-16 16:23 發表

頭先出過香港仔，點幾見佢係香港仔巴總插旗，又係度講野
岩岩返黎就見戴卓賢係華富下

九龍東:李柱銘幫梁家傑拉票
我都唔明點解李柱銘死都強調今次是投票不投人
http://hk.news.yahoo.com/article/100516/4/i144.html

原帖由 nickhei 於 2010-5-16 16:48 發表


1億五千萬係要換來市民要醒悟要爭取真正民主制度、踢走賤格功能組別。呢批賤人係既得利益者，唔搞D野佢地會育放棄壓榨基層咩?

和諧並唔係冇爭吵，而係可以透過申訴和發聲去突顯公義同關懷弱小。點解HK人仲係咁短視?  ...

我無意圖為既得利益者講說話，亦都無話過政府做得好好喎。

當初有公投之風吹起時，我的意見就係，
假如泛民23席全部辭職、癱瘓立法會，我會欣賞他們的膽識團結而重投他們一票；
但假如只有少數議員辭職補選，我就要為他們一意孤行、其身不正、自我膨漲而狠摑他們一巴。

所以我有去投票，我要顯示我並非政府或中央或民Ｘ聯的應聲蟲，
但同時我係投白票，我要顯示我對所謂變相公投，要全港市民陪佢地自我陶醉而非常不滿。

爭取民主，要，好想，但呢班同樣唔見得好高尚、浪費公帑的所謂立法會議員無資格代我爭取民主！
爛人民主和笨人獨裁（真笨人，唔係自稱笨人），我情願要後者；
而尊重別人的選擇，不作人身攻擊，也是民主的真諦！

這1.5億能令香港人做到公投發起人想做的行為嗎？沒有，反而令一些人對他們反感。
錢花了，目標達不到，這不是浪費是甚麼？
然而，這樣的浪費，實際不需要他們付賬，都係同樣的五個人，
得「最高票」後又安然坐在立法會議席上，喊幾句口號被人逐離場又繼續逗議員人工，
位照坐、粗照爆、蕉照掟、居照戇，如此這般搞場大龍鳳為乜？

[ 本帖最後由 DIH 於 2010-5-16 17:04 編輯 ]