強烈建議完善新界北區和市區的巴士！

原帖由 Crotone 於 2010-5-21 21:06 發表
我從來無說過二十年前北區人口狀況同而家北區人口狀況係完全唔同 ，只是我大力質疑開呢條線（以全日計）有無需要。

仲有一樣，有條由嘉頓去上水的紅小。聽聞都唔夠客，如果兩地有需求都唔應該會係咁。
同樣拿條大埔去西九的72 ...

紅小唔夠客又唔代表做巴士既會唔夠客既..

原帖由 FBI2 於 2010-5-22 11:10 發表


你睇下所有沙田大埔出西九龍的路線營運狀況何其慘淡,就知道九巴邊夠膽再開線由北區去西九龍先得架.
86系,87系(唔計87D),72,有邊條班次最密既時段係密過10分鐘?
與其整條線去西九龍,倒不如認真考慮擴闊獅隧轉車站, ...

閣下細心D望下咩情況先...
現時根本就拆到過散
又係部分地方互相重疊
咁正常來講
每條線都唔太多客又正常既
72既,問題同71X差唔多
要經多個沙田先至出西九既
吸引力自然就會低左

獅隧轉車站我諗要擴到好大好大先得bo...

原帖由 迷你多啦 於 2010-5-22 10:52 發表


71X 1989年先開辦

1989-1991年間人口都多過1984-1985年

多謝指正

即使在89-91年, 即71X營運期間, 北區的模樣與上圖相若, 只係多咗天平邨的剛落成, 陸續入伙的樓宇

當年成個粉嶺南都係工地和寮屋, 至於聯和墟個邊, 直至1994年之前都無乜變過

[ 本帖最後由 barking 於 2010-5-22 12:40 編輯 ]

我雖然唔係住北區，但都覺得北區交通真係好差好差，以主流住宅區黎講，真係冇一度差得過北區

北區長年過份依賴鐵路，巴士服務十分不足，上面已有板友詳細討論，唔再重覆。咁都唔緊要，條鐵路好好睇睇就得，但偏偏條東鐵線，亦唔係乜好野。
以重鐵黎講，東鐵線係唯二全線冇幕門，甚易受墮軌影嚮，又唯一同大陸車共軌，易受其擾亂班次。此外，仲要同大批過境客一齊逼。

仲有一個唔止係北區既問題，就係東鐵線，去到既市區地方唔多，唯一實際轉車站，只有一個九龍塘可轉到既觀塘線，但觀塘線同東鐵線，都係最受剝削既路線，每次路線改動，讓路既，都係東鐵線或觀塘線，尖東歸西、觀塘線兩度被削過海.....

呢度係巴士板，唔講太多，以免離題了
以去中環為例，比較幾個偏遠新界邊陲地區，MTR車費以現時成人八仔價計算，亦假設住處有過海巴士，無須駁腳即有

所謂悲情城市，以及似乎最多人唔滿意既「大」西北：
1.巴士 9xx 系列：元天$21.4，屯門$18.8，大部份全日服務，免轉車
2.全MTR： $21.9，好大部份人要輕鐵/K巴駁腳，但免費，連駁腳，轉兩次車，仲有美孚、南昌、尖東三個轉車站揀
3.仲有不知幾多村巴

東涌，我計到唔近MTR，要駁腳既逸東村
1.E31轉青衣/荃灣MTR：$10.5+$11.2=$21.7，MTR一程過，總轉車次數一次
2.38轉東涌MTR：$3.1+$18=$21.1，MTR一程過，總轉車次數一次

北區？
1.巴士 373/373A：$22.3/21.6(比另兩者均略貴)，只有平日上繁4/7班，下繁只有373有7班，373A冇，免轉車
2.全MTR ：$16.3，好似係最平， 但好大部份人九巴/小巴駁腳，另加約$3-4，總車費約$19-20
連駁腳，本來轉兩次車就得，但尖東歸西後，無論點都要轉三次，紅磡站既轉車安排亦非常差勁，十有八九都係東鐵入月台1，下一抽西鐵就入3，或東鐵入4，西鐵入2，想「行過對面」？慢慢等下一班西鐵啦
3.MTR到紅磡轉紅隧巴：$8+$9.3，總車費$17.3，轉車一次，要駁腳的話(大部份人都要)，總車費約$20-$21，轉車兩次


北區只有平日早繁係比較好，其餘時間，車費同其他主流偏遠住宅區、新市鎮差不多，但轉車次數就多過人~~

[ 本帖最後由 mckhgc 於 2010-5-23 14:07 編輯 ]

原帖由 迷你多啦 於 2010-5-22 15:07 發表


北區只係以咁多個新市鎮黎講巴士服務稍為差D
如果對比起全港既住宅區既巴士服務一D都唔差
有D無鐵路到達既地方就連巴士服務比北區差
所以北區整體既交通都唔差
北區可達度都算高

你覺得北區交通差只不過係你住果 ...

北區是一個接近30萬人口, 具備獨立社區設施, 並正在上升的大型老市鎮
不能以某些例如荃景圍, 深井, 和宜合, 秀順, 翠林...等等孤立型片區去比擬

原帖由 迷你多啦 於 2010-5-22 15:07 發表


北區只係以咁多個新市鎮黎講巴士服務稍為差D
如果對比起全港既住宅區既巴士服務一D都唔差
有D無鐵路到達既地方就連巴士服務比北區差
所以北區整體既交通都唔差
北區可達度都算高

你覺得北區交通差只不過係你住果 ...

以一個區黎講，唔係個別屋村
有邊個差得過北區？

上面我剛剛加左例子，以同樣係偏遠邊陲新市鎮去中環既比較，北區確係差

唔怕講埋，我雖然唔係住北區，但都係住東鐵線沿線，我o個區黎講交通唔算差，但我住條「村」呢，同北區不相伯仲.........

原帖由 迷你多啦 於 2010-5-22 11:29 發表


根本就係需求有限
唔係點解好多小巴佬都唔肯渣呢條線
因為一多車就係車等人

另一方面繁忙時間係長沙灣亦有村巴返上水

深水埔同長沙灣往返北區既需求唔似得大埔咁大

唔好下下持住人口越來越多就覺得可以狂開新既 ...

紅小既小客可以有好多種原因
而巴士亦可以同紅小唔同既客源...
冇咩需要一口咬定需求有限