曾蔭權指港人買樓心態奇特

消息習慣係個人選擇, 你要買名牌換手機去旅行甚至買車, 都唔係問題.

但因為個人消費習慣而令自己儲唔到錢買唔到樓, 之後就伸大手板要納稅人出錢幫佢買樓, 就係無理.

因為自己買唔起樓, 而想政府推冧個樓市, 令努力付出死慳死抵先上到車嗰班人變負資產, 就更無理.

我係市區人，但十幾年前已經聽過鄧顯大名。鄧顯係一間令人尊敬嘅學校，因為佢地用普通津貼學校嘅資源，培育出成績唔普通嘅學生。為北區中下階層一班班屋邨仔屋邨妹打好基礎，幫佢地開啟中產同專業人仕之門。

鄧顯要求嚴格，學生好勤力，而勤力，正正係上一代香港人成功嘅最原始原因。而最令人欣慰嘅，係鄧顯唔係一間死谷一兩班好成績學生嘅學校，佢唔會淨係同你講幾多學人俾大學拔尖，成個學校考到幾多個A。佢係講所有學生嘅整體合格率，所有學生嘅整體Credit率。係所有，唔係一小撮人。

港九區好多傳統名校，靠直資、靠舊生捐錢，好似DGS，起座新校舍都話幾億。鄧顯無咁多捐款，無豪華校舍，更無有錢家長背後俾錢仔女學呢樣學嗰樣，但人地整體成績絕對好過DGS(兼且學生絕對唔似部分DGS咁囂張)。

D人成日話香港已經無"向上流"，喂，咁大間鄧顯做例子，你真係當人地"流"？

原帖由 PB602 於 2010-5-20 00:11 發表

平心而論, 以前傳統名校學生比較多搞學界活動, 好似個D聯校XX學會既幹事, 多數都係DGS, DBS, 喇沙, 協恩, 皇仁, 庇利羅士, 聖心, St. Joseph, 恆商... 搞得多活動自然比其他人見得多世面.

但其實自從有通識科之後, 而家其他非名校都開始好注重呢D課外活動. 星島日報成日都有報導學界辯論比賽消息,好似早幾日就話陳樹渠打低高幾Brand既培正拎左個全港辯論比賽冠軍. 參加呢D學術比賽, 對Presentation Skill直情有幫助啦.

原帖由 Kaix 於 2010-5-23 11:18 發表

我就係鄧顯F.5理科畢業生，我當年攞15分，已經係全級入面最差嗰幾個，
理科生要26分先入得番原校

當年入番原校嘅，大部分都已經係港大中大最top個批畢業生，有唔少人做左一兩年野已經有樓有車

聽班同學啱啱入港大個陣，市區名校畢業生的確會對不知名新界學校畢業生作出歧視，仲要係上水
而好多鄧顯港大生都唔係住宿舍，朝朝返早堂，往往令一班港島學生非常驚訝

鄧顯學生好多都係住天平邨、華明邨，
住天平邨嘅就行15-20分鐘返學，住華明邨嘅就迫273A，有d可能會踩單車，
真係同市區名校好大分別

鄧顯應該係香港人「向上流」嘅最佳例子

不反對兩位見解，不過根據我的個人觀察，成績優秀的名校生，比起成績同樣優異的非名校生，始終係有不同之處。

我自己本身識得好多8A、9A、10A，包括幾個來自聖公會林護中學（葵盛果間band 1英文中學，同鄧顯一樣出好多尖子）的9A，一個鄧顯9A，
仲識得當年14歲的「女神童」，同樣來自名不經傳中學何凱琳；而名校10A，我本身識至少兩個，8A、9A更多不勝數。

根據我的觀察，非名校學生，成績一樣可以好標青，待人接物未必輸蝕於名校學生，但係
思考方式一樣，我係感受到有subtle difference，名校生一般諗野比較全面、宏觀，思想比較成熟。
語言能力方面，非名校學生英文可以攞A，但係實際英文水平來講，名校生on average係好好多。

我可以話俾大家聽，我的一口American accent係中學六年浸淫番黎，住過美國一段時間，班美國佬個個都以為我住左好耐。
如果我唔係入到呢間名校讀左六年，我諗我未必能夠訓練到今日的英語能力。正如我之前所講，
名校教英文、讀英文唔係為左考試，地區學校則不然。我見過好多會考英文A的地區學校學生，說話極不流暢，寫作能力亦有缺失。

而且，名校比起非名校，仲有一個先天advantage，叫做heritage。
無錯呢幾年非名校好多方面都有進步，但係英文辯論、Model Untied Nations之類活動，暫時仍然係名校的天下。
SCMP Student of the Year未摺之前最後果年，六個finalist都係名校生，當中有三個，包括winner，都係我間學校。
同時，以我果間學校為例，我地其實係好proud of我地個musical tradition，呢樣野，無讀過名校、無參與其中的人，未必會明，
就算我呢d contribute過的舊生，隨時都要係畢左業、離左校一兩年先會明。

名校對於學生的支援，亦明顯優勝於地區band 1中學。
例如我果間學校就一直有個overseas study counselor，對有志外地升學學生提供支援。
我間學校入外地名校個比率，以傳統名校來講，係偏低，但係我果年衰極都叫做有4個UPenn，1個Brown，兩個Cambridge。
果堆長春藤名校、MIT、Stanford每間每年香港收唔多過5個學生，幾乎年年全部都係名校（我聽過的唯一exception係南屯門官中的10A，入MIT）。
鄧顯呢類地區學校，每年有幾多個人入外地名校升學？

名校仲有一個優勝之處，就係alumni個social network，
地區中學暫時未出到太多類似余若薇呢類社會有舉足輕重地位的人士（雖然我果間中學都出過一d形象差的公眾人物，例如譚惠珠、劉遵義之類）。
又例如，最近有個中學同學，因為老豆生cancer，要籌六位數字醫藥費，搞到上左報紙，
據我所知，最終相當一部分都係來自alumni association的幫助。

===

但係都應該要咁講，以上呢d只適用於本身成績不錯或對學校有contribute過唔少野的學生，否則
如果閣下會考26分或以下，咁讀名校與否對自己的benefits的分別，基本上係negligible。

===

同埋，Kaix兄話有人畢業一兩年就有車有樓，我就唔知佢地打咩工搵咁多錢喇，以我所知好多醫生都唔得。

去美國讀四年大學，成本超過一百萬港元，新區名校學生多數來自中下家庭，即使有獎學金，都未必負擔得起啦。何況，如果唔係搞科研，讀工、商、法、醫的話，本地大學畢業，成績優異嘅，前途其實未必比外國名牌大學遜色。
另外，英文辯論，其實係國際學校玩晒，而其他本地學校好多都派出外籍學生。今年學界冠軍，正正係South Island。

[ 本帖最後由 PB602 於 2010-5-23 21:01 編輯 ]

原帖由 053h4 於 2010-5-23 21:13 發表
第一日銷售, 夾屋銷隻消情淡
究竟反映左什麼問題?

認為樓價跌, 就算負擔得起, 有折扣都放棄選樓?

似乎係樓價仲有得跌，忍手唔入掛

原帖由 kay 於 2010-5-23 21:14 發表
似乎係樓價仲有得跌，忍手唔入掛

低買高賣... 呢班人，究竟係有"迫切住屋需要"、定係"迫切投資需要"？

原帖由 PB602 於 2010-5-23 20:55 發表
去美國讀四年大學，成本超過一百萬港元，新區名校學生多數來自中下家庭，即使有獎學金，都未必負擔得起啦。何況，如果唔係搞科研，讀工、商、法、醫的話，本地大學畢業，成績優異嘅，前途其實未必比外國名牌大學遜色。
另外，英文辯論，其 ...

1. 美國真係好top果堆名校，大把endowment，其實係有need-based financial aid（至少佢地宣稱係咁），真正優秀的學生，可以唔使俾學費。
at the end of the day，只在乎個applicant識唔識玩admission game，
點樣裝備自己，突出自己與別不同。呢方面，名校始終有優勢。當然，地區學校的top students，屋企教育程度一般較低，未必知門路，
亦未必有呢種世界觀，可能一開始已經只係aim at港大中大科大，而唔諗其他野。

2. 反對用粗字highlight的一點。香港的engineering有咩好似Microsoft、Intel呢類機構請人？corporate career path方面，港產top students同美國名校畢業生相比，
港產學生有幾多入到好多人都夢寐以求的ibank？我唔係話無，但係正如之前唔記得邊篇回應已經有人講，有公司不明文規定只聘用overseas graduates。

我有個中學同學，會考8A，入左UPenn的Wharton Business School，今年grad，已經俾Wall Street某大行請左，this is despite the fact that the Wall Street situation is crap this year。香港出產的畢業生有幾多入到Wall Street？

又有個中學同學，同様係會考8A，中大Global Business收左，讀左一年成功轉去UPenn。中大GBS的收生成績全港最高，甚至冠絕精算醫科，好多人想入都入唔到，個個都諗住入到實發達，但係我呢位同學點解要轉校？我相信個人全面發展同埋前途的保證都係考慮之列。

我的bottom line係：唔係只係考慮成績、出路咁實際，而係睇埋bigger picture，有冇一個環境係conducive to a holistic development，呢樣野其實係終生受用，亦會間接（而唔一定直接）反映在搵咩工、搵幾多錢、「爬升社會階梯」上面。