曾蔭權指港人買樓心態奇特

原帖由 053h4 於 2010-5-17 23:30 發表
租樓係可以解決住屋需要, 但係, 呢個年代係供抵過租....

無錯，但係都要你儲夠首期先得。

而家個情況就係，樓價升的速度，搞到有一部分人永遠都無乜可能儲到首期，住公屋又不合資格。

原帖由 PB602 於 2010-5-18 02:26 發表
二百萬單位香港大把, 用H Plan月供唔駛一萬，用九成按揭保險，20萬首期+15萬雜費加裝修，儲35萬可以上車。

大學畢業生，兩個人一齊儲，我當你第一年每人9,000一個月，五年後做到主任級每人15,000一個月，平均每人每個月儲起三分一人工，
出雙糧或者花紅時又儲起佢，即使樓價期間再升一兩成，四五年後都一定儲夠錢上車。

很遺憾, 你個想法只適用於火星.

無錯, 市場上二百萬元的單位有好多,
一係就遠離遠離市區, 一係就市區舊樓.

遠離市區, 交通費基本上要千千聲,
交通時間一日來回閒閒地都兩個鐘, 打工仔而家又要持續進修先有機會升職,
加埋加埋D時間真係連訓覺都可以慳返. 而家打工仔有幾多個可以朝九晚五?
舉個例, BANK TELLER, CITIBANK而家都開朝九晚七啦,
開門前要準備, 閂門後又要埋數, 朝八晚八真係小兒科.
仲有, 唔好忘記, 部分僱主係唔鐘意請住得太遠GE求職者.

市區舊樓, 無錯係方便,
但唔好忘記, 層樓有返咁上下老, 就周不時都要湊錢做維修保養,
一湊就係幾萬蚊, 上到車又點? 唔駛諗埋呢D經常性開支?

九成按揭保險? 實際作用有幾大?
承造九成半按揭,每月供款增多之餘,亦需額外繳付一筆保險費.

大學畢業生, 兩人一齊儲, 講就好聽!
大學開始拍拖拍到結婚? 拍拖唔駛駛錢? 男孩子儲錢能力可能會好D,
但女孩子要打扮要買化妝品要做FACIAL, 儲錢能力可能較低

大學生一定有九千一個月? 三大會計系FRESH GRAD入BIG 4,
人工每月八千大元, 你唔做, 大把人做.
非三大會計系GRAD入細FIRM, 人工好似得六千幾.

五年, 即26歲升主任? 仲要$15000一個月?
很抱歉, 現時是2010年, 而不是九七前移居潮, 無咁多主任職位,
而家D主任, 好多都只係三十到尾,
恰巧係當年移民潮好多高層走左, 變相令佢地當年有機會二十幾歲就升主任級.
而家? 好難囉, 你咪等D主任退休囉.

每月儲起人工三份一? 唔駛還GRANT LOAN? 唔駛比家用? 唔駛搭車?
上班唔駛添置服飾? 唔駛用錢同上司與同事SOCIAL一下?
唔駛用錢持續進修博升職? 男仔仲要再儲多一筆禮金結婚用.

如果個問題好似你所講咁簡單,
而家社會就唔會有咁大冤氣啦.

原帖由 edhong 於 2010-5-18 00:39 發表

其實時代在變
1 人家庭比以前多
不像以前結婚有家庭先買樓
但問題係無能力獨立為何要獨立 ?
既然無能力買樓但想獨立
係未要求政府放寬 1/2 人青年家庭申請公屋比較實際 ? ...

好多人想獨立係一件事，但係我必須指出，對於好多住公屋的第一代大學生來講，個concern係
佢地出黎做野，申報資產人息果陣，幾乎肯定會超出自己個family個入息上限，結果搞到戶籍上被迫要獨立。
但係戶籍減少一個人，又好可能會搞到房署收返個單位，換個細單位俾佢地，點夠住？於是就真係被迫獨立，
但係買樓又未供得起。

放寛青年家庭申請公屋或者可以治標，但係本身都有唔少其他人輪候緊公屋。financial issues aside
我見唔到起多d公屋同埋復建居屋對於公共房屋資源的mobility有咩分別。

據我所知，好多大學生（特別係屋企已經有樓果d）都走去趁未畢業申請公屋，呢d又係咪健康的現象？

而家好明顯，住香港，除非你好窮，或者好有錢，含住金鑰匙出世，否則淨係住屋問題已經搞到唔上唔落，好灰。

原帖由 edhong 於 2010-5-18 10:28 發表
好明顯, 你所講既問題係另外一個問題
香港現在好明顯有某些大學生
根本無能力買樓但想獨立
而且必須市區新樓
就如我第一個 post 所講
無咁大個頭就無戴咁大頂帽
又要獨立但係又要好似
小朋友灘大手掌要糖糖 ...

咁我又唔係話你講既唔係事實的一部分。只係好多時同屋企壓力都有關，
同埋的而且確存在我講果種高不成低不就的一群人，佢地嘈買樓難絕對係legitimate；必須考慮如何解決佢地的居住問題。

[ 本帖最後由 S3BL100 於 2010-5-18 10:46 編輯 ]