曾蔭權指港人買樓心態奇特

原帖由 053h4 於 2010-5-18 11:37 發表
就唔好用big 4做例啦
入去人工好似萬, 3年後人工巳經講緊兩三萬
做big 4都要政府同佢研究負擔點買樓, 我覺得講笑好

交通費問題, 咩叫做遠離市區先, 以現時交通環境, 全港一小時都到市中心, 就算大西北坐巴士出中環, 一個月交通費頂多一千左右
有無你講到咁貴啊
重有, 閒閒地兩個鐘, 坐車都可以休息, 好好利用時間
話大西北偏遠, 講真, 以前香港交通無咁發達, 而家好多所謂市區的地方, 出入中環都講緊個幾兩個鐘
咁又代表左D咩?

講真啊, 大西北年輕人口多, 我就唔夠我的大西北朋友面對進修困難, 又嘈話唔係市區, 車程長等等

我呃你做咩, 無錯, 係有BIG 4係有出兩三萬請人,
但呢個銀碼係已經考到會計師牌GE人先有,

我頭先講得好清楚, 我係講緊FRESH GRAD, 佢地係未有牌GE,
BIG 4只係出八千請FRESH GRAD.
點解BIG 4咁惡? 因為考會計牌係要一路做野累積經驗, 一路考試,
你無會計工開, 就考唔到會計師牌,
一日未考到會計師牌, 一日都唔駛旨意BIG 4用兩三萬請你.
你自己可以SEARCH下, 一個FRESH GRAD, 平均要用幾多年先可以成為正式會計師.

當你搵八千蚊一個月, 交通費千千聲唔叫貴呀?
你只係返工? 收左工或者星期六日唔駛去進修自我增值?
呢D唔駛搭車去架?

坐車可以休息? 坐咩車先? 坐的士呀?
你搭地鐵轉西鐵/東鐵呀, 由上車企到落車,
企都無定企, 休咩息呀?

原帖由 053h4 於 2010-5-18 12:05 發表
第一, BIG 4入職唔係8千, 當然, 你話09年有無薪假, 有幾個月係少左
但係, 你計呢Ｄ０９年極端情況，都無得講啦

另外, 做過BIG4 唔係睇牌係睇經驗, 就算係裡面做人工係年年有得加，我有朋友做三年都未拎唔到牌
完全唔影響佢去其他公司到做
講真，個牌係叫ＣＰＡ，點解而家重有人考ＡＣＣＡ，重有公司視為入職條件啊?
同時，咁就係政府幫佢買樓的理由?

進修增值坐車去，個個進修上堂地點都係中環金鐘九龍塘
放工坐地鐵市區線都去得到
我個人經驗返工就唔會影響進修啦，你話有，可以舉例子啊

坐車唔可以休息?你坐巴士唔可以休息？而講真，西鐵東鐵你要有位坐
一樣可以用多十多分鐘坐到頭車
呢Ｄ真係理由，我都無野可以再講

呀, 你唔提我, 我都唔記得添,
BIG 4 工時長真係出晒名, 一日返13個鐘都係閒事.
你話BIG 4唔係八千蚊請FRESH GRAD, 咁係幾多呀? 講黎聽下!
我記得人工只得四位數.

經驗當然可以令你有人工加, 但唔足以令你個人工去到三萬蚊囉.
無/未考到會計師牌, 唔駛旨意有三萬蚊一個月.

你都識講, 有CPA同ACCA, 你話邊個吃香D呀?
據我所知, 大學會計系出黎GE, 大部分都係考CPA,
中五畢業一路爬一路爬個D, 就比較多考ACCA.

增值進修唔一定係周一至周五GE,
有D課程周六周日一樣有堂, 要專程搭車出市區.

坐巴士可以休息?
首先, 你唔係一定有得坐, 有D路線, 係要企門口架.
就算你有位坐, 都無可能用黎訓,
政府都有教路啦, 搭車最緊要打醒十二分精神,
大吉利是發生咩意外, 起碼都可以來得及反應,
你叫人趁搭車時訓覺, 絕對唔正確.

原帖由 AVW56 於 2010-5-18 09:26 發表


很遺憾, 你個想法只適用於火星.

無錯, 市場上二百萬元的單位有好多,
一係就遠離遠離市區, 一係就市區舊樓.

遠離市區, 交通費基本上要千千聲,
交通時間一日來回閒閒地都兩個鐘, 打工仔而家又要持續進修先有機會 ...

若果連沙田都叫遠離市區既
咁係唔係要一定坐正市區先得?

若果自己能力不足既
點解仲要話二百萬咁貴?
有百三萬唔搵係要搵二百幾萬?

若果你又想要上車既
自己收入又唔高既
咁係唔係主力去儲錢
而去減少消費呢?
以前D人買樓都係要死省死抵先至買到樓
唔通因為80後就可以唔駛?

當然,現時既樓價係較貴
但對於一D收入唔算低
但消費高,又要住貴樓
咁呢D人真係咁值得支持?

原帖由 edhong 於 2010-5-18 10:56 發表
特別回應這句 :
據我所知，好多大學生（特別係屋企已經有樓果d）
都走去趁未畢業申請公屋，呢d又係咪健康的現象 ?
你可以講健康, 亦可以講不健康
depends on 你用傳統文化論理看
或者西方果套看
以香港華人佔大多數
當然兩三 ...

我講的不是以家庭、文化倫理的角度，大學生申請公屋是否健康，
而是著眼在社會流動、公共資源分配的角度上，大學生申請公屋，對社會而言是否長遠健康。

並且閣下似乎迴避一個問題：我同意沒能力者不應該戴咁大頂帽，不過
對於果d住緊公屋的第一代大學生來講，佢地根本無得揀，唔想獨立都要被迫獨立；
佢地先係最慘的一群，供樓供唔起，好耐先儲到首期，租樓又貴到嘔泡。佢地應該點？

順便回埋053h4 之後果篇post：

原帖由 053h4 於 2010-5-18 11:29 發表

未必, 原因係, 由於8萬5, 部份當年10~20年樓齡的樓賣左
我識唔少人都因為咁巳經避左個政策
呢外, 入息上限的問題, 住緊的話, 要高交倍半租或兩倍租的入息上限都有咁上下高

如果收入高, 都應該要考慮遷走戶口的問 ...

以下係公屋入息上限。

http://www.housingauthority.gov.hk/b5/residential/prh/incomeassetlimit/0,,1-88-409,00.html

大家可以設想，一個四人家庭，入息上限係$16,000左右，大學生一畢業，人工話高唔高，話低唔低，
講緊八千至一萬銀，再加埋父母通常都有最少一個打緊工，要超過上限，其實好容易。

至於係咪應該遷走戶口，一方面你地又話「無能力唔好買樓」，咁呢個人工的確係無能力買樓，租又租得辛苦，
但係又隨時無得住返公屋，迫住要獨立，咁你話呢班人應該點？

以香港有約五成人口住公屋計，合理估計，至少30%至40%大學生面對呢個問題。以我所知，的確有家長叫仔女
畢業暫時唔好搵一份人工太高的工，以免過左入息上限就麻煩。但係一開頭為左呢個原因搵份人工少d的工，
之後再講upward mobility已經有困難，我相信大部分人都清楚箇中原因。

原帖由 AVW56 於 2010-5-18 12:29 發表

呀, 你唔提我, 我都唔記得添,
BIG 4 工時長真係出晒名, 一日返13個鐘都係閒事.
你話BIG 4唔係八千蚊請FRESH GRAD, 咁係幾多呀? 講黎聽下!
我記得人工只得四位數.

經驗當然可以令你有人工加, 但唔足以令你個人工去 ...

put it this way，big 4的人工，我未聽過有一年多過$12,000。

同埋講起big 4，我屋企人識得以下真實例子：女大學生畢業，屋企住公屋，申請big 4，面試機會都冇；
之後佢借男朋友個地址，再去申請，即刻有得interview，跟住仲獲聘。
所以有時候，你想搵份心水工，住邊都好緊要，無錢唔好買樓係一件事，
但係住公屋隨時會削弱左佢地的競爭能力，咁你話班大學生應該點？唔通個個都填假地址搵工？

老實講，我將來呢行，香港起薪點四萬幾（雖然競爭大，未必香港搵得返呢行），
屋企人同我都已經為住屋問題擔心不已，因為供樓都要先儲首期。
所以我完全明白點解咁多大學生咁擔心買樓、住屋問題。

個問題核心係點樣解決年青人的居住棲身問題，但係社會上卻有聲音將個問題扭曲成買樓投資的問題。

一句：港人指曾蔭權治港心態奇特