公投失敗的原因

(見有關標題已好多不同討論, 故另開新文討論)


今日網上見到呢篇文

516投票率低的原因
http://www.dadazim.com/journal/2010/05/reason-of-the-fall/

我有以下感想.......


我覺得今次最失敗, 不是投票率低, 投票率低的確是有很多原因,
但真正最失敗, 是公社兩黨拒絕承認失敗

一次失敗對民運來說, 真是嫌少的, 但對於不肯面對事實, 拒絕承
認失敗, 則一次都嫌多了..

而檢討失敗, 亦應該由自身出發, 如果一方面口口聲聲講民意,
到投票率低, 卻將責任原因一一推到香港人的主流思維文化/傳媒
冷待/左派缺席/同室操戈 等身上, 不但不能有效檢討行動, 亦將
自己推遠離主流民意, 這並不是成功民主發展的基礎......

民主運動, 正正是應該相反, 是應該去順應民意, 了解民情, 盡力爭
取, 而不是埋怨民情, 埋怨其他方面的不協助...

而我個人見解, 有關公投的失敗原因有下:

1. 公投的先天問題

由於香港沒有真正的公投, 所以有關公社兩黨, 就採取了五區請辭,
變相公投的方式, 利用由補選"變相", 變成公投. 但這是明顯有
一D技術上問題, 首先, 補選是 "選人", 但公投則是”選議題”,
兩者是完全不同的, 換句話說, 以"選人"角度, 我選非公社兩黨候選
人, 但這也不代表我反對普選, 相反亦然. 這問題正正引申出, 就是
如何解讀結果, 事實上, 公社兩黨是沒有可能可以肯定投票人是
"選人" 還是 "選議題", 所以即使投票率高, 有關 "結果" 亦是
政府/其他人難於承認, 根本無助爭取普選.

當然, 公社兩黨為求簡化, 就試圖將所有投佢地及大專2012的票,
甚至試圖將所有票(包括白票廢票), 假定為支持公投 及 "選議題".
不過這想法不但毫無邏輯, 而且亦成為好多人不投票的原因, 因為
擔心投票就會被騎劫成支持公投. 而且, 如果這論假定是成立的話,
即是同樣地, 我可以假設超過80%人是反對公投?

而事實上, 港大民調亦顯示,當日投票人士之中, 只是有11%係為公投
而投票, 即全香港市民計, 700萬人, 只是有10萬人多d, 係有為公投
而投票.

2. 發動公投, 沒有共識

每一項民運活動, 最重要就是市民的參與, 而希望全民起動, 更重要
是有關活動是得到大部分市民的共識. 先不論建制派及政府的反應,
公社兩黨失敗之處, 就是有關推行公投活動之時, 連泛民內部都未
得到共識, 即使係支持普選的人, 也不支持. 尤其最初期, 社民連同
民主黨元老司徒華鬧交, 就顯示出問題, 社民連實在太自我, 係同
一目標下, 都未能與同道中人取得共識, 相反, 因而鬧不和, 實在
太過可惜.

係泛民都不支持下, 更遑論建制派及政府會參與其中, 更遑論會
得到全香港市民支持.

公社兩黨經常開口埋口都講民意, 民主, 但佢地本身推行這公投,
卻本身也沒有民意基礎, 的確可笑. 而係投票率低之下, 仲將責
任推到其他泛民身上, 亦是可恥.

3. 公投成敗, 沒有標準

係推動公投初期, 有關公投成敗標準, 係50%投票率, 但當投票日
將近, 建制派不參與之時, 公社兩黨就不斷出口術, 降低公投成敗
標準, 由50%降至30%, 25%. 過程俾人感覺兒戲, 不專業, 做show.
既然公投成敗都沒有一定標準, 試問又如何吸引選民參加?

同時, 公投本身已是公社兩黨自編自導自演, 如今, 結果標準亦是
不斷自我調整, 亦是大大增加反對公投者的反感情緒.

4. 公社兩黨, 並不團結

係好多宣傳上, 標準上, 理念上, 公社兩黨 顯示出來的表現, 都並
不團結, 如開頭, 有關組織b隊上, 係有關一d 衣著上, 感覺都係2班
人, 係主辨單位都唔團結下, 又點可以令活動成功?


當然, 事件已經過去, 已成事實, 我的確想呼籲公社兩黨, 勇敢承認
行動失敗, 檢討以上過失, 而且我是希望事件後, 泛民真正可以團結
返力量.

[ 本帖最後由 3ASV196 於 2010-5-18 12:03 編輯 ]

都大致講出我心中所想，然而，希望「泛民團結」可謂一廂情願，
社民連同民主黨都各有市場、各有執著，一時間難以整合。
公民黨嘛......一次不忠，百次不用。

公民黨在不是全體黨員同意下都可以硬著頭皮搞公投，元老黨員貌合神離路人皆知，
同社民連的結盟只係引狼入室，加上之前咬過民主黨（如甘乃威事件），而家兩面不討好，
必須或明或暗來一個大整合，清除瘀血，確立並堅守黨的路線，才可望有翻身之日。
我對公民黨未來路向沒有主觀意願，只希望他們有一個統一的形象，否則只會自取滅亡。

[ 本帖最後由 DIH 於 2010-5-18 14:30 編輯 ]

請問樓主是否知悉社民連與司徒華「鬧交」的因由？

請問樓主提到港大11%民調中，點解唔係以三百萬選民作基數，而係以700萬人口作基數？

請問樓主，為何將部分泛民不支持同保皇黨同政府唔參與畫上等號？

一方面公社將投票既人全部睇成係支持佢地立場既人
另一方面政府將冇投票既人全部睇成係支持現時政改方案既人
其實…最終都係市民甘心畀邊一面既人老屈姐

原帖由 053h4 於 2010-5-18 16:21 發表



11%的民調，　係以投票市民做基數

即係選民啦！

原帖由 河灣西 於 2010-5-18 16:56 發表
即係選民啦！

有關11%, 係以有投票的選民作為調查, 即可理解成57萬人中的11%,
所以其實約實際人數6萬多... (以上我打錯10萬, 多左tim)

我用這說法是參考公社兩黨唔用%, 用50萬人支持公投, 作對比

而700萬人只係指香港人口, 並沒有用作為任何基數.


另外, 我沒有將泛民不支持同保皇黨同政府唔參與畫上等號,
只是想帶出, 本身有關行動未有社會共識下去做..

[ 本帖最後由 3ASV196 於 2010-5-18 19:19 編輯 ]

原帖由 053h4 於 2010-5-18 16:37 發表


政府都無把投票既人全部睇成係支持現時政改方案既人
只係話反影唔認同公投的或是次選舉係無必要

係, 似乎暫時政府未有作出有關見解/聲明...

不過心裡點想, 我地唔知了...