咩叫套車 ? 請解答..謝!

原帖由 ASV50 於 2010-5-20 01:52 發表

從來都無任何換車既動作出現
又何來「套」車？

而且佢個例子真係竟然無錯？

佢講果個例子，響九巴係叫套車
仲有一個就係，假如AB線都同掛一隻車型
某日A掛牌出唔到，後備車既車型唔岩
所以套左B架掛牌，而B就用後備車



點解套車一定要有換車既動作？
咁既話，套車同換車又有乜分別？

原帖由 ASV50 於 2010-5-19 22:36 發表

呢個都算套車？？
司機一日之內都只係渣一部車喎。。



我的例子：某線30車取了31車的掛牌車，30車司機想駕駛番自己既掛牌車，於是請求換車，咁就係套車 ...

佢個例子係套車,你個例子都係套車

其實套車呢個述語應該係站長用,而唔係carlo用,個carlo一日入面渣過幾多部車完全同套車拉唔上關係

佢個例子就多數係站長自己決定,咁就可以慳番早更渣番廠同夜更番廠拎車,多數同站頭岩時間就會發生

你個例子就要站長/派更部批先得,carlo間私下係唔可以交換,不過多數就係電子牌做柯打/泊站問題先會套

原帖由 AP149 於 2010-5-20 17:53 發表

你個例子就要站長/派更部批先得,carlo間私下係唔可以交換,不過多數就係電子牌做柯打/泊站問題先會套

當沙廠批AVW出牌無幾耐, 有日81正字軌拎左部出去行...早更都冇乜問題, 夜更司機就唔多鍾意, 唔係太敢駕, 因為盲點大..
於是就同左部蛇車AV 調..諗落, 呢類事例應該比較少.

呢個應該都算 ?

假設 某線既正字軌掛牌車係總站壞車 , 呢個時候該線某蛇車番到總站準備收工 , 壞車既司機就要求拎住蛇車個部掛牌用住先 ...

以前63X以天慈為總站時,非繁忙時間曾取276的AM蛇車行一轉,咁算唔算套車?

原帖由 GU9338 於 2010-5-20 18:35 發表
呢個應該都算 ?

假設 某線既正字軌掛牌車係總站壞車 , 呢個時候該線某蛇車番到總站準備收工 , 壞車既司機就要求拎住蛇車個部掛牌用住先 ...

直頭就係

套車即係當某些字軌交更接車時原字軌車輛未到站，而較後字軌比原先接更到站為早到站，
(因為某些路線交更時會出現遲黎先上岸)站長通常都會套用早收工遲接更既巴士交予夠鐘接更
司機套車替用以維持班次，則為套車。

例如A43-S02接更為1600，A43-02接1620，但通常02字軌上家莊會比S02字軌上家莊早到站，
所以通常將早到站既02字軌車輛交予夠鐘接S02司機替用，因為於聯和墟係調轉字軌開車，故原字軌
到站時間較遲，甚至有機會過左原字軌接車時間，故需套車以維持班次穩定性。

站頭套車亦適用於兩味車收工換正字軌壞車入廠時用，以維持班次穩定性，避免脫班。

至於站頭換車,例如是晚401/MX9771做元朗廠大洗，但由於該車於其他路線字軌行駛中，故站長需安排
一些適合字軌(通常早收工字軌)安排換車，將需要做工程既車安排到合適字軌度，此為換車。