沙中線 - 地區人士反應

原帖由 ArnoldC 於 2010-5-21 16:15 發表
我想問沙中線會點樣影響空氣質素？

我估佢個意思係，大磡村舊址大量樹木會被砍伐，失去市肺作用；
工程完成後又可能*出現屏風樓，使龍翔道的交通廢氣谷晒去星河明居（佢係星河明居嘛）。

*在我沒有主動查詢的情況下，我都得知沙中線車廠上蓋不一定會起樓，
好似係港鐵在諮詢時講明現時政府沒有計劃在車廠上蓋有發展（始終是九鐵產物）。

假如當初快刀斬亂麻，起馬鐵後即刻起埋沙中線，唔好搞咩競投咩合併，
可能而家我已經有沙中線搭喇（不過可能用了下路走線）。

看來星河明居, 龍蟠苑等居民, 已經當咗大磡村遺址的一片綠悠悠係寶
佢地想最好乜都唔起, 由得塊地生草

原帖由 DIH 於 2010-5-22 12:10 發表

*在我沒有主動查詢的情況下，我都得知沙中線車廠上蓋不一定會起樓，
好似係港鐵在諮詢時講明現時政府沒有計劃在車廠上蓋有發展（始終是九鐵產物）。

你發夢港鐵話比你聽沙中線車廠上蓋不一定會起樓？你講完=無講

原帖由 mtr 於 2010-5-22 20:57 發表


你發夢港鐵話比你聽沙中線車廠上蓋不一定會起樓？你講完=無講

之前無搵返資料，係我疏忽，而家搵到：
http://www.mtr.com.hk/chi/projects/future_scl.html
頁底第6項。

我只是說「不一定起樓」，不是「一定不起樓」。
當然，以港鐵作風，唔起先奇。

住宅區對車廠及骨灰樓等項目的排斥

以小弟所面對的經驗來講，鐵路車廠、電車／街車車廠、墳場、及骨灰樓等全都是不受市民歡迎的建築，尤其是於現有的住宅區加入這類建築市民的反對聲音就更大，因這些不受歡迎的建築會不但令居住環境變差，而且仲會令受影響居民之物業貶值。

所以本人明白樓主因住在鑽石山，所以他就算支持沙中綫盡快啟用，他仍反對於鑽石山加車廠。

去年因某發展商建議於小弟屋企附近起骨灰樓，我家人及好多街坊都齊齊反對這項目，再加上其他不明朗因素，我家人甚至於上個聖誕／新年搬家。看翻轉頭，我們發現真是冇搬錯屋，因小弟舊家賣出時，多倫多市府是因應市民反應而反對骨灰樓項目，令這項目暫時擱置，所以就可用較高價賣出舊家，但上個月省政府就批准發展商於小弟舊家附近起骨灰樓，令我們覺得若唔搬屋的話，小弟的屋價就肯定貶值！

不知你們鑽石山那邊有無人因加車廠而搬家呢？

把住宅項目建於現有車廠或墳場附近又如何呢？

不過掉翻轉頭，若果現有車廠或墳場附近等地加建住宅，市民一般都不會太反對，可能因車廠或墳場等可稍為壓低樓價，令這些物業可以似較平價錢買入。

例如杏花邨未發展前就已經有港島綫的車廠，小西灣社區亦建於柴灣墳場附近，而興建杏花邨及發展小西灣時又唔覺有反對聲音。

沙中綫若要加車廠應加在哪處？

就算八鄉及大圍車廠加埋都未能滿足東西走廊的列車需求，為何 MTR 不把車廠建於現時人煙較少的啟德空地呢？本人認為啟德站東南面因較遠離現有發展區，該處應較適合建車廠。當啟德車廠（包括隔音設施）建成後，之後引入的發展就唔會有咁大迴響。

不過一旦沙中綫項目不斷拖延，同時啟德社區已發展成形，之後才建啟德車廠的話，住在啟德新區的居民也一樣會反對車廠。所以速建沙中綫就可以診啟德未發展前於該處引入車廠，否則，加建車廠的阻力就更大了！

原帖由 Ka-Lun 於 2010-6-6 05:19 發表
所以本人明白樓主因住在鑽石山，所以他就算支持沙中綫盡快啟用，他仍反對於鑽石山加車廠。

我是不希望出現屏風樓，及對無心插柳的一片青綠將會消逝感到可惜，又未至於反對在鑽石山建車廠。
其實我也是基於和你差不多的見解，認為在啟德建車廠對港鐵公關而言會更易做。
不過，我諗啟德龍津橋的保育價值重要過大磡村石屋。

我不是本質上反對在鑽石山設廠，只是對可能出現屏風樓感到擔憂。
我呢區真係好好風，由大老坳至蒲崗村道學校村、石礦場、龍蟠街、大有街、而至啟德平地，
係一條「風之谷」，吹北、東北風時風勢明顯比市區強，而且不論夏天冬天都陽光充沛，
實在不想有一堆屏風樓影響空氣質素，更不想有一大排黑影搞到成個社區一片灰暗。

不過，我那從事工程專業的舅父話，早在20-30年前，大地產商已經在本區劃晒「地盤」，
此實乃兵家必爭之地，港鐵唔起都有大把人想起。

原帖由 DIH 於 2010-5-20 23:00 發表

車廠之前話在啟德既，但既然港鐵寧棄荒蕪的啟德而要挑戰難度用鑽石山，總有佢的理由。
我就只想港鐵唔該搞得好好睇睇，有乜計劃唔好收收埋埋，我屋企唔係菜園村，
我唔想又有一班唔知頭唔知路的熱血青年話要保衛大磡村。

後加：
1. 我都唔想大磡村古蹟有事，我想大磡村至少撥一部分變成公園
2. 我不相信港鐵有不惜工本保護古蹟的心
3. 在此寄語港鐵，想沙中線能盡快動工的話，請釋出誠意，解決大磡村這個難題

我覺得是港鐵認為沙中線是一個很難處理的項目,
因為沙中線渉及的區域多,要達成共識很難。

相反,西港島線和南港島線(東段)便容易處理得多。

原帖由 jimmy_lam 於 2010-5-21 11:06 發表
點解地區人士反而唔關注一下最遺臭萬年既鑽石山站換乘問題?

有咩問題?

原帖由 syleung 於 2010-6-11 22:29 發表

有咩問題?

估計
相信是和做不到同層轉乘
或者係慈雲山的接駁問題