[問路] 深圳去清遠及清遠落廣州

明天會去清新玩三天，已經買了羅湖去清遠的車票，想問一問各位師兄清遠
是不是停中冠客運站，我已十五年未返過去，有一點陌生。

另外在客運站落車後，如打的去清新溫礦泉五十元人仔可以嗎？

另外一問，因25日需要去廣州有事情要辦，想問一問由清遠落廣州那一間公
司的車會較好？

廣州也是十七年沒有去過，又係好陌生。

謝謝解答。

深圳去清遠的總站都改過好多次，如果最近冇改，就應該係停中冠客運站。

在清遠打的，司機經常都唔打錶，而且開價好狠。
去清新溫泉，我試過佢開價八十，之後講價都只能講到六十。
試乎你的的還價能力，五十應該可以。
如果唔得，我建議你去松崗客運站搭「公交化專線」往三坑之後行過去，十分鐘一班，收費八元。
另外據聞中冠客運站都有旅遊專線去三坑的清新溫泉，收十元。（但我唔肯定，因為未搭過）

清遠去廣州，以我所知，大部分用車都係桂林大宇，幾穩定。
我唔知道仲有冇其他派車，不過，無論由三坑、清新（清遠北站）抑或清遠發車，
都只是一小時多D的車程，所以你都係唔好期望太高。


溫馨提示：清新和清遠往廣州的車次好多，未必會跟時間表發車。
你一買到票，唔需要理會車票時間，可以直接入去上車。

以上資料未必最update，但希望幫到你。

[ 本帖最後由 drew 於 2010-5-22 22:58 編輯 ]