5/23 蘋果服務站─城巴車門夾女子拖行

http://hk.apple.nextmedia.com/te ... amp;art_id=14057905

師傅見客多應該要留神0的 唔係下次真係會「夾死人」
笑點：筲箕灣漁安苑 (漁安苑幾時搬0左去東區)

我反而想知架 171 係咩車型 ..

仲有 , 171 已擴展服務至東區

巴士拖住人行搞到出事情都好幾次 .. 最記得有單係 36B 發展既連果陣 ATV 既節目今日睇真 D 都有講

最奇係該女士係上車時被夾，司機開車完全無望左鏡?

原帖由 3bx 於 2010-5-24 00:37 發表
最奇係該女士係上車時被夾，司機開車完全無望左鏡?

會唔會頂晒閘睇唔到？如果一般情況下，就算唔望左鏡都見到有人夾住上車門吧。

首先，就算真係頂閘既話，司機當然亦都有責任確保開車前睇清楚車外有無人，
而企出黃線既乘客都有責任唔好擋住司機視線，事主亦有責任見到頂閘就唔好再迫上車。

[ 本帖最後由 on11358 於 2010-5-24 01:50 編輯 ]

其實有冇人留意倒好多巴士落車門未閂實已經開車？尤其夜晚趕收工。

其實咁做既司機已經係製造此類意外既禍端，當落車門關閉進行中，即未閂實晒時，即隨時會有野夾實，例如可能有乘客落車後發覺跌左野，跟手即時慾從落車門上返車執野，如果度門未閂實就即係代表佢身體係有可能被門夾著，而司機未閂實門已經開車，就要留意路面，就睇唔倒度門，咁岩有乘客回頭執野，就發生意外。

原帖由 on11358 於 2010-5-24 01:43 發表
會唔會頂晒閘睇唔到？如果一般情況下，就算唔望左鏡都見到有人夾住上車門吧。

首先，就算真係頂閘既話，司機當然亦都有責任確保開車前睇清楚車外有無人，
而企出黃線既乘客都有責任唔好擋住司機視線，事主亦有責任見到頂閘就 ...

文章無提到部171有頂閘情況，更可況係利東有幾可上到頂閘。
就算頂閘，司機視線受阻，都唔係睇都唔睇就開車

原帖由 4056 於 2010-5-24 02:58 發表
其實有冇人留意倒好多巴士落車門未閂實已經開車？尤其夜晚趕收工。

其實咁做既司機已經係製造此類意外既禍端，當落車門關閉進行中，即未閂實晒時，即隨時會有野夾實，例如可能有乘客落車後發覺跌左野，跟手即時慾從落車門上返車 ...

雖然最後都係罰司機既多
未上/落晒就閂門夾著人，顯然係司機責任較大
但落完車企定定唔行翻上行人路、或落完車無端白事衝翻上去，
過程中件衫或個人俾門夾著，出事都係疚由自取
除非係老人家手腳緩慢，個人已經落晒車腳踏實地，但重企近車門，咁就最危險



以開門計，開門出事多數都係司機操守居多
多年前城巴 40/40m 就曾有司機停站重有一大段距離就開定中門，結果跌死左個婆婆

而家 d 低地台車要拉完手掣先開門，好多司機為求盡快拉手掣，停定前一刻都會剎得寧舍重，
甚正未停好就拉手掣，尤以富豪車咁做最唔舒服，嚴重時乘客大有可能扭傷頸、手腳


但閂門，趕唔趕都有機會出事
多年前中巴某頂閘 DL，由於視線受阻，司機(聲稱)問完重有無人落車後都無人回應，
結果開車時就夾著最後一位落車客拖行一段距離

前年搭 VA26，由於要排隊入站，就先係車站較後位置放客，然後閂門駛前上客
而懷疑最後一個阿婆行動緩慢，落車後企定係馬路邊，未踏上行人路，
結果架車雖然閂好門先郁，但車門就夾著佢衫角再連人拖跌，好彩最後阿婆無大礙

中巴 DL 意外或可透過而家中門 cctv 而避免
但後者，就算有 cctv，咁細個 mon，夾人夾袋當然睇到，夾著衫尾呢 d 睇唔到都唔奇，
分分鐘車門感應亦唔會因為夾著一塊布而彈閘，咁既然客人已經"腳踏實地"、門又閂好，
於是放心起步開車，出事既機會分分鐘更大


大部分舊車 (尤其城記) 中門閂門較慢
警報響幾下後先慢慢閂埋
而且因為無 doorbrake，即係話走就走得，唔使趕頭趕命
班司機反而更會望清楚有無人後，然後先禁掣+踩油同步進行


唔似而家 d 新車未落完客就禁定掣叮叮叮好似催你落咁
好人好者都難免心急想快 d "逃離"車廂而出事
(至少我係，現實中明知叮叮聲第一二下度門都未閂，但次次最後一個落車時一聽到叮叮都總係心跳加速，
下意識即刻推自己快步踏出車廂，以免被門夾到)



當然都有個別司機閂中門夾著人，不過心急得離譜既司機，
俾架有彈閘既車佢分分鐘都係未睇清楚就閂門，然後成度閘夾落個客度再開翻，佢先知咩事


反而前門可能因為恃著近車頭位，危險好似較少 (上車後被門夾著，人都係車內)
於是見(好似)無客上車後，就即禁閂門掣，同時望右鏡準備出站，
但偏偏因為最後一個上車客身形特矮，被其他上車客擋著，
或咁橋有人係司機禁掣到車門開始閂之間一刻突然"衝閘"上車，結果就好似今次咁出事