傳媒揭發政府將東隧資產轉移港鐵公司

東方日報：值15億東隧鐵路贈港鐵(2010-5-24)

報道稱兩年前（2008年），港鐵以象徵式地價一千元購入價值十多億元的東區海隧鐵路管道資產，此後港鐵只承擔維修保養成本，毋須再付隧道租金。但港鐵及港府一直沒有披露資產轉移的安排，可能是機密備忘錄的內容之一，直到被傳媒揭發。

兩鐵合併/地鐵上市之前，已經有內部消息指東隧鐵路隧道會在落成20年後移交地鐵。計劃可能在興建東隧時已存在。再說，政府根本是地鐵的最大股東，股東注資公司是最正常不過的事。

港鐵公司唔該立即減過海段車費!

每年慳返一億四千幾萬, 呢一億四千萬都佔車務收入一個相當大的部分,

港鐵公司無理由可以唔減價WO.

歡迎傳媒朋友繼續報導

原帖由 AVW56 於 2010-5-25 09:44 發表
港鐵公司唔該立即減過海段車費!

每年慳返一億四千幾萬, 呢一億四千萬都佔車務收入一個相當大的部分,

港鐵公司無理由可以唔減價WO.

歡迎傳媒朋友繼續報導 ...

呢個世界從來都係咁...加價就易,減價就難
想港鐵減價?發吓夢好喇...佢6月肯唔加價都要還神啦

原帖由 JX9097 於 2010-5-25 10:10 發表


呢個世界從來都係咁...加價就易,減價就難
想港鐵減價?發吓夢好喇...佢6月肯唔加價都要還神啦

無辦法, 而家呢個世界就係咁,
即便係有道理, 但如果群眾唔出聲唔做野, D商家就扮晒唔知扮聽唔到.
某程度上, 香港社會而家愈來愈亂, 並不是完全因為政制, 商家都有一部分責任.

港鐵公司, 要加價, 就話自己係上市公司, 必須要跟方程式去做, "唔可以唔做", 要保障股東.
但而家得到政府資產轉移, 港鐵公司就唔當自己係上市公司, 唔就有關利益公佈細節.
港鐵公司的真面目, 港鐵FANS唔該睇清楚喇

原帖由 AVW56 於 2010-5-25 09:44 發表
港鐵公司唔該立即減過海段車費!

每年慳返一億四千幾萬, 呢一億四千萬都佔車務收入一個相當大的部分,

港鐵公司無理由可以唔減價WO.

歡迎傳媒朋友繼續報導 ...

我相信MTR會説:
現時我們有三條過海鐵路線,
調減過海段車費有技術性問題云云。

MTR不加價已經要還神。

原帖由 AVW56 於 2010-5-25 09:44 發表
港鐵公司唔該立即減過海段車費!

每年慳返一億四千幾萬, 呢一億四千萬都佔車務收入一個相當大的部分,

港鐵公司無理由可以唔減價WO.

歡迎傳媒朋友繼續報導 ...

港鐵可加可減基制，有無話邊度慳左錢就可以啟動減價機制？

原帖由 ahbong 於 2010-5-25 20:53 發表

港鐵可加可減基制，有無話邊度慳左錢就可以啟動減價機制？

第1，港鐵可加可減基制唔係基既，係機制
第2，靠呢條可加可減機制就死得人多喇，可加可減機制有無話可以收幕門附加費？？？？？無既話，點解政府轉移資產唔可以當係交通津貼去回贈市民？

睇完個報紙報導再加上搵一搵港鐵年報資料, 有幾點想講:

(1) 港鐵年報係有交待呢件事, 至少在其網站存有最早 2001 年地鐵年報以及最近的港鐵年報都有提及。政府o係 1986 年同地鐵簽o左協議, 將會另訂立協議於 2008 年期滿將東隧鐵路部份資產賦予地鐵。於是政府和地鐵於 2000 年簽了協議, 政府會於 2008 年以象徵式代價把東隧鐵路部份 "售" 予地鐵。呢個絕對唔係乜o野機密協議, 而係多年前早已披露。

參考:
http://www.mtr.com.hk/chi/investrelation/2001frpt_c/F130_c.pdf
http://www.mtr.com.hk/chi/investrelation/2009frpt_c/C134.pdf

(2) 港鐵年報稱因為有協議, 資產最終歸港鐵, 所以一直以來付出的租金須視作融資租賃, 所謂融資租賃者, 性質大約係等如一般人買樓所比o既每期供款, 因為同樣供款完畢後, 你就會完全擁有層樓。

(3) 根據報紙報導, 有關政府 "贈" 予港鐵的東隧鐵路部份值 15 億, 但有話港鐵十八年半間共繳付廿六億元租金。唔理金錢的時間值, 只計數字表面值, 港鐵已經比多o左 11 億, 如果計埋時間值, 港鐵付出o既就更多。想問 "贈" 在哪裡? 呢一點有冇金融界高人解釋一下。(或者大家似乎應該掉轉槍頭去追東隧公司減價就真, 因為佢收凸o左咁多租。)

(4) 既然東隧鐵路部份是港鐵資產, 當要比 "租" 時, 租金拿去資本化成為資產一部份, 但資產也要每年按其可用壽命折舊, 另外港鐵也要負擔維修費, 我唔係太睇得出, 不用付 "租" 後港鐵著數有幾多。