有沒有心景比年紀大很多?

有冇板友, 除了公司的公事, 回家的家事, 個人運動(例如跑步等)和短線旅遊,
對於其他範疇都沒有甚麼興趣和極少話題吹水? 或者咁講自己咩都睇得好淡.

我覺得, 其實做好以上本份的事情都好滿足
反而唔明點解同年紀的人都喜歡煎煎炒炒

我都似係咁，唔明我講親 d 乜都俾 d 咁上下年齡或者細我好多嘅人狂插我講錯(現實中發生的，不只在網上有這樣的情況)，整整吓咪唔多同佢哋講嘢 lor...
大佬啊，吹吹水啫，洗唔洗咁執著插我講錯嘢？

我就係咁睇
有D你覺得無興趣既事和物，係會有其他人鐘意講
不過同時，你鐘意既，一樣有好多人未必有興趣或者鐘意

每個人既內心世界都唔同，係你覺得自己睇好多o野睇到好淡既時候
當然感覺其他人的炒作話題係好吹水或者唔太實際
但係我相信就算平時同人都好多話題／好多o野講既人，一樣有內心隱藏於深處的一面

當然，心境比年紀大可以做事是，較細心較為遠慮
我感覺自己比同年紀既人會思考較多人生既問題
而其他人仍然好似只沉迷於現在的生活，而非未來

我的解釋是自己比較喜歡思考，雖然希望可以似其他人咁沉迷於快樂之中、目的係維持友誼
但係想有共同話題又幾困難，唯有作一個聆聽者，都算是形式上的參與

或者係香港社會文化，已經迷失
過去大家玩樂較少，閒時的注意力多數在家庭/事業，現時的情況當然較少
自己比較喜歡跟家人相處，其他人會話我「你都幾痴家喎」
我認為人地係讚我，因為家庭相聚的確可以為人帶來動力
唔知樓主你係點諗呢?

再講一樣米樣百樣人，其他人做的事是錯與對，都不代表自己需要跟隨
當然為人在世，要生存，是要改變自己，但我覺得只限小事情
大道理則有需要堅持
但大道理小事情或者不同的尺度，是人人不同，需要自己定奪及領悟

其實講咁多都唔知係唔係樓主所需要
如果唔係，就當係分享啦

想自己保持平淡都唔係易事

仲有一樣唔明
眼見個個年紀相若甚至大幾年以上的同事都 facebook MSN 互加, 而自己無前者亦極少開後者, 其實日常直接對話, 公事email咪得囉

四五十歲的同事共事,  話題離不開人情世固, 理想和事業等, 同我最啱傾

同年紀既人多數都用fb、MSN，係溝通方法既一種
如果只是同事，直接對話/email當然可以
但換成朋友，MSN、fb等都係好有效既溝通方法

唔知我既方向有無錯，但係我睇到你既重點都係講同年紀既人/同事
係我既角度，同年紀既人包括埋朋友
唔知你平時又係點樣同你既朋友溝通呢？

可以經常體察人情世故，理想和事業都是好事
不過閒時都要有話題去跟同年紀既人/同事/朋友傾談一下，當然唔少得參與群體活動

溝通都係用手提電話...
我有個朋友直頭連手機都無, 佢話打公司/屋企都搵到佢, 唔需要手提, 有咩事約定就OK...
我都buy佢呢套

講真, 唔明點解逢親男同事都要講下咸野, 例如聲稱自己有幾多GB咸片, 邊個波大, 又話邊個正邊個咩, 公司電腦睇咸相
反而我自己對呢D無興趣, 點解對住d印刷品/顯示屏上的影像媒體可以咁雀躍?

原帖由 barking 於 2010-6-3 20:41 發表
溝通都係用手提電話...
我有個朋友直頭連手機都無, 佢話打公司/屋企都搵到佢, 唔需要手提, 有咩事約定就OK...
我都buy佢呢套

講真, 唔明點解逢親男同事都要講下咸野, 例如聲稱自己有幾多GB咸片, 邊個波大, 又話邊個 ...

咦，睇埋你呢篇回文，我反而認為你唔係有感心景比年紀大
而係對社會普遍價值觀及認知出現反感及不認同。

當然咁講唔等同社會普遍既價值觀係正確
只係普遍人做既o野都唔係正常該年紀會做的事，
普遍來說，我都很認同 其他人的物理年齡 都比他／她 的心智年齡為大
　在香港，可以說是由十多歲到四五十歲都在發生


你與朋友溝通只用手提電話都不是問題，只是跟普遍人的習慣有分別。

但與男性朋友的溝通話題，你不認同為何總要說關於性的方面
我覺得是無可避免，人總是會有一點的性慾，是正常的
話題有偏差無所避免，但也沒可能人人也可以像學生時代一樣
為追求理想，放棄眼前玩樂，只追求事業。。。
而且都是話題一種，要跟他們打交道，也不代表他們說甚麼都要跟隨一起說一齊討論
　可以避開，他們說的時候，就唯有住口，不搭嘴啦，笑騎騎反指他們八卦都是一種方法
令他們覺得你有參與之餘，又無需討論他們的話題

Before I was a very talkative guy talk about everything to my classmates, relatives...etc
but after studying in University I feel life is so stressful ..... Now I m no longer talkative...
Except talking about buses with my friends....

原帖由 barking 於 2010-6-3 20:41 發表

講真, 唔明點解逢親男同事都要講下咸野, 例如聲稱自己有幾多GB咸片, 邊個波大, 又話邊個正邊個咩, 公司電腦睇咸相
反而我自己對呢D無興趣, 點解對住d印刷品/顯示屏上的影像媒體可以咁雀躍?.

講真, 唔講呢D又有咩好講？
大家工作環境、見識、體驗唔同, 根本唔會明白其他人點諗,
講錯野人地可能介意, 唔講無聊野根本冇話題。

諗番起, 除左中學/大學已經識既一班死黨, 我都好少同人講心底話。
同事或者係其他場合識的朋友, 同佢地講理想講事業,
俾人駁咀我又唔高興, 明知佢唔清楚發生咩事係度亂吹水,
有心窒佢絕對可以令佢即刻收聲, 但驚hurt到人寧願慳啖氣暖肚。

著起制服就曉做戲, 唔同話係對唔同人說。

難聽 d 講 , 見人講人話 , 見鬼講鬼話囉

老實講句 , 出得黎做野 , 一定要係防人之心不可無