雲景道迴旋處 - 讓？

from google map >


如果我要從雲景道右轉怡景道，雲景道又有車落緊o黎，其實上面落既車係咪要讓先？
上同落都有讓位，如果呢個算係正式迴旋處，雖然上面落無右邊車要讓，但係咪要讓下一個路口既
車行先呢？

話說今日右轉時，有的士落o黎，我都打哂燈右轉，佢都仲唔停，我就響安，但反而
仲俾佢話返轉頭，但諗番轉頭都唔知係邊個唔著，當然最後無事就算啦。

首先我係明白就算自己有幾o岩，都要盡量避免意外發生

[ 本帖最後由 fm1234 於 2010-5-28 00:26 編輯 ]

為何上圖的迴旋處禁止掉頭，有別一般的迴旋處呢？

呢個係正式迴旋處，一般規舉係邊個最先過左自己條讓車線進入
迴旋處範圍，邊個就有優先權。其他人見到有車o係迴旋處入便
就要讓佢。當然如果有信心肯定左邊既車正在離開迴旋處先可
以入。

唔知當時情況，如果的士司機遲過你駛過佢自己條讓線就佢唔
岩。

至於禁止調頭，應該係同上址位窄有關，如果車輛駛入後180度
在對面線離開就可被檢控。

呢D似迴旋處非迴旋處的地方, 其實好易出事..
事關直去個D車成日唔當呢個係迴旋處, 就極有機會好似你講既情況出現...
甚至有時有D人唔識路, 以為要等對面車過晒先轉得右, 咁就隨時撞到七彩...
同樣情況還有西貢市中心的那一個, 不過那個就可以調頭..但小心D小巴..

其實呢D情況, 就算同時到讓線, 基於個迴旋處咁細個, 都應該讓右邊車輛先行..
所以..個的士司機就點都唔啱架啦..

睇返呢個位, 我諗..除左SMART CAR, K CAR可以一手180度轉之外, 其他車都幾難..所以唔俾調頭
都有佢道理既..

[ 本帖最後由 hkbw 於 2010-5-28 15:48 編輯 ]