賽西湖昔日係咪真係有一個湖?

為何現在不見湖?

賽西湖係「 七姊妹水塘」的俗稱，同「太古水塘」(現康景花園) 一樣
係太古集團的私人水塘，為太古船塢等供水... 後來到 70 年代尾，因為
太古船塢要興建太古城，水塘失去作用，於是水塘被填平起樓~

原帖由 da54 於 2005-12-27 02:43 發表
賽西湖係「 七姊妹水塘」的俗稱，同「太古水塘」(現康景花園) 一樣
係太古集團的私人水塘，為太古船塢等供水... 後來到 70 年代尾，因為
太古船塢要興建太古城，水塘失去作用，於是水塘被填平起樓~

咁個湖現址係邊到?

但我想問現南豐新村的位置,是不是太古水塘的一部份?

因我睇過一幅舊圖(上世紀初,仲有柏架山纜車時),鰂魚涌英皇道以南的一段係畫左3個水塘,1大2細. (個大水塘同細水塘差唔多並排,幾近英皇道,而另一個細水塘就係山上)

另一份六十年代舊地圖就係而家逸樺園/南豐既位置畫左條壩,一條直線都幾長下(比康景的長好多),仲有條小路連接英皇道.
不過奇怪既係五十年代既地圖同埋同時期既地圖又搵唔到呢個大水塘.甚至連最南邊(最高的)水塘也沒有.

係八十年代初既通用地圖,除左有康景果個太古水塘外,仲係康怡花園C-D座果度畫左另一條水塘既壩.但經歷過當時的大規模開山運動,上年去到時,只係見到果個位有個山谷同一個堤圍.(唔知係咪當年既壩),但已看不到有湖.

我相信當年的2個小水庫,應該係指康景花園及康怡後邊的小山谷;但那個大水庫的位置又是不是南豐的範圍? 如果是的話就真的很奇怪,因為跟舊地圖看,那條壩是比康景果條仲近英皇道.但兩個咁近既地方同時起2個水平高度差不多的獨立水庫,又真係有點不切實際 .再睇地型,而家既南豐新村,地勢係比康景高好多.而且由最高點(第6座)落到逸樺園/南豐第一座都有6~7層樓,但都比康景條壩高.咁即係個大水塘既壩既規模都唔細.不過睇個地勢,又幾難想像到個壩既真實位置.(因為康景/鰂魚涌街係低左落去)

同埋如果真係有一大條水壩和水塘,應該都會好出名下,但一路以黎都只係聽人說話康景的太古水塘,而其他兩個就沒有聽說過,甚至連相都冇見過.加上同一年代的地圖對個大水塘,都係"各說各話"(反而康景果個就幅幅地圖都有)

有點懷疑,係當時既手文之誤,定係南豐以前真係有個水塘?

原帖由 KFC 於 2005-12-27 03:04 發表
咁個湖現址係邊到?

賽西湖大廈 + 寶西湖公園

原帖由 ccicoltd 於 2005-12-27 07:14 發表

賽西湖大廈 + 寶西湖公園

我想係個公園係咪有一部分係賽西湖大廈
即私人地方內的?

原帖由 KFC 於 2005-12-27 12:22 發表

我想係個公園係咪有一部分係賽西湖大廈
即私人地方內的?

唔係，公園山坡下低先至係賽西湖大廈0既私家地方，成個
賽西湖公園都係政府管。

P.S. iPower=8000 暨第 7400 篇回文！

原帖由 Octavian 於 2005-12-27 03:21 發表
但我想問現南豐新村的位置,是不是太古水塘的一部份?

因我睇過一幅舊圖(上世紀初,仲有柏架山纜車時),鰂魚涌英皇道以南的一段係畫左3個水塘,1大2細. (個大水塘同細水塘差唔多並排,幾近英皇道,而另一個細水 ...

what is 柏架山纜車???



thx~

原帖由 da54 於 2005-12-27 02:43 發表
賽西湖係「 七姊妹水塘」的俗稱，同「太古水塘」(現康景花園) 一樣
係太古集團的私人水塘，為太古船塢等供水... 後來到 70 年代尾，因為
太古船塢要興建太古城，水塘失去作用，於是水塘被填平起樓~

我聽講話d水塘係比糖廠用ga bor.....

原帖由 mc_ruby 於 2005-12-28 00:13 發表



我聽講話d水塘係比糖廠用ga bor.....

Sorry... 打得唔清楚，我的意思係包括船塢、糖廠、宿舍等太古集團設施~