但有一個夢 不會死 記著吧

原帖由 tomchen 於 2010-6-4 10:09 發表


件事我所理解o既係，當晚有武器運o左入去俾批學生 (班學生未必知亦未必用)，
中共收到情報所以派兵清場 (之所以點解會出埋坦克)，呢批兵唔係北京o既兵，所以對成個廣場發生咩事並唔知情，上頭有指令要清就清。學生其實罪不致 ...

如果你去搵下資料的話，應該會有類似既講法。但唯一唔同既係，果批武器正是解放軍利用旅遊巴士／貨車運入去京城。
之後被學生發現，沒收同埋交咗比大會，及後大會同政府交涉希望交回武器，點知政府一口拒絕。
呢個就係我聽番黎既講法。

純中立分析，不是偏幫任何一方

只可以說，這些死傷者是權力鬥爭下的受害者
以個人利益來說是觀點與角度，但以中共而言，當然是有不當
始終以人民解放軍自居的軍隊殺人民難以說通，對政府管治都不是好事

但這群學生算不算是有信念而被有心人利用，就要各看官想想了
另外，柴玲當時不是共同進退，不幫忙叫其他人離場而自己先走，對不起我不認同

[ 本帖最後由 JT4686 於 2010-6-5 03:25 編輯 ]

原帖由 JT4686 於 2010-6-5 03:17 發表
純中立分析，不是偏幫任何一方

只可以說，這些死傷者是權力鬥爭下的受害者
以個人利益來說是觀點與角度，但以中共而言，當然是有不當
始終以人民解放軍自居的軍隊殺人民難以說通，對政府管治都不是好事

但這群學生算不算是有 ...

柴玲無走先喎,
到拆廣播站既一刻佢都係果度,
係軍隊殺入黎先走, 而且有收其他人離開,只可惜太遲了

原帖由 nickhei 於 2010-6-5 12:48 發表

大6個貪污、貧富差距太厲害，加上無法無天，令抗爭、暴力成為主要可行表達方式，咁人民先示威，記著，示威人唔止學生。野心家搞搞震其實唔係民眾要負責，更不可將責任推到示威上。
大6社會極不穩，廣東GINI COEFFICIENT已去到0.6 ...

37M 金巴板友, 你講得好有道理

其實城市有錢人真的好好景, 例如起世博時賠償賠到個個笑, 有大屋收之餘仲有錢袋
但基層, 農民工同農村人口就...., 工人日日做十幾個鐘到月尾先得幾百元, 待遇又差, 搞到自殺收場
係農村就望天打卦, 年初鬧大旱, 農民無水, 自然無收成, 之後影響係點大家心中有數

如其拎錢起世博, 搞奧運/亞運, 做對外的形象工程
不如實際地幫下基層市民, 如加強對企業的監察, 完善申訴機制
營造一個真正公平穩定的社會, 等基層市民可以有和平的渠道去宣洩不滿情緒, 繼而防止這類示威再出現

[ 本帖最後由 12A 於 2010-6-5 23:57 編輯 ]

正視過去，亦要放眼將來。

眼前的中華人民共和國如無意外應該會逐步踏入 共青團派vs太子黨vs上海幫 的三大利益集團明爭暗鬥年代，
以目前貪官污吏犯濫，法治不健全的底下，三大派鬥爭表面上可能會帶來一些震撼人心的 infrastructure (型象工程)。不過在權力鬥爭下犧牲的人亦會與日俱增，甚至乎更多的低下階層百姓會間接地被各地、各階層政府出術欺壓。假若不幸言中，結果深信會令真正愛國之人感到可悲。又或者他日我們會不斷聽到「社保基金被挪用」等相關新聞發生，皆因社保基金和國家的財政強勢，實在令到太多不法份子有機可乘。

但願新中國明天更好。

原帖由 victor888 於 2010-6-5 23:47 發表
正視過去，亦要放眼將來。

你講得好有道理
不過如何令內地人認識社會和歷史也是好問題
因為上面封鎖消息係好勁...
據之前飯局的教友透露, 當年六四他們身處內地 (廣東省),
當地是沒有報導有關新聞, 他們也是回港後才看到新聞片, 才得知屠城
加上一直以來的限制流通 (無論是書刊, 報章, 加上現在的互聯網)
結果現時連在香港的內地留學生是不知六四是何物
更妄論其他的社會問題, 以及維權人士

所以如何引起他們關注國家的發展是這段漫長的路第一步
他們關注, 他們意識到現在的機制出了問題, 對他們的危害,
才有動力和我們走在一起, 爭取改變這個不公義的政治及社會環境

[ 本帖最後由 12A 於 2010-6-6 00:34 編輯 ]

以中國人口規模同民族性，
好難指望某一個政府做到乜野，
即使民主政府亦未必能好好處理，遑論中共。

某程度上，腐敗係成個民族問題，
有共產黨之前已經係咁。
分裂或者被外國人統治可能係一個辦法。
台灣、香港有所成功，
一定程度上都要歸功地方細同埋殖民統治。

至於愛國問題，即使用廣義的定義，
我都唔會認為自己愛國。

[ 本帖最後由 238X 於 2010-6-6 00:23 編輯 ]

除左國內唔知發生乜事的一群外，其實國內富戶亂咁揈錢都係另一個問題
相信大家都唔係未聽過國內股民的瘋狂程度、唔係未聽過溫州炒樓團呢樣野，最近更加聽過中央收緊銀根之下仲可以有太太團去南韓炒樓。好老實講，個班富戶個個身光頸靚，有幾多個真係白手興家先？其他個D，錢從何來？心知肚明！雖然呢班人的確為香港消費市道貢獻良多，但他們的洗錢模式就真係要香港人引以為戒。

呢一批用錢用到盡的人，若不懸崖勒馬，肯定會留好多蘇洲X俾啊爺慢慢嘆