紅磡碼頭回想

係google揾到一篇italk既舊文 (http://www.hkitalk.net/HKiTalk2//viewthread.php?tid=190392)
令我諗起細路仔果時d回憶. 如有錯誤請各位指正

第一代紅磡碼頭既位置係機利士南路至紅菱街之間既紅磡南路對出, 中電紅磡灣變電站果度. 果個位置其實唔算好大, 但係果度好似有起碼五至六條巴士坑. 我唔記得d巴士坑係同機利士南路平衡定係垂直. 不過碼頭兩個用來泊船既位係同機利士南路垂直既.

大約係87-88年, 紅磡碼頭搬咗去宜家黃埔花園第三期第五座對出, 紅磡南路既位置. 果個係臨時碼頭, 用咗幾年直至黃埔花園第九期對出既新碼頭啟用為止. 呢個臨時碼頭頗細...印象中個碼頭浮吓浮吓既. 我記得係呢度坐個一次船去北角.

直到大約90年代初, 黃埔花園第九期對出既紅磡碼頭正式啟用, 臨時碼頭停用, 現今變電站既巴士總站搬咗去新紅碼對出既巴士總站.

宜家黃埔花園第三, 四期對出既地方, 包括海濱南岸, 半島豪庭, 海灣軒, 海韻軒等等全部都係由90年代初開始填海得番來既. 呢廿年來填海地入面d路改咗n咁多次. 初初新紅碼啟用時, 係有一條彎彎曲曲既路(好似冇名既)駁去紅磡道同紅磡南
路個交界位. 呢條彎曲路大概同愛景街平排. 想當年紅磡路同紅磡南路有一組燈位. 入紅碼既巴士全部由紅磡南路東行, 係燈位右轉入彎曲路, 之後到碼頭. 直至90年代中85c改經由德民街右轉紅磡道, 再左轉入彎曲路. 之後...297, 296x(796x), 269b...等等都用呢個方法入碼頭.

近廿年紅碼外觀上冇乜大變化. 路線方面, 90年代初5k同13a合體成13k再變成11x, 5d改做循環線唔入碼頭, 之後開咗297p(297), 296x(796x), 269b, 69b, 268b. 巴士入坑前會係碼頭落客站停低放哂d客(位置係宜家北角
線上船位果度). 果個位係巴迷最鍾意影相既地方(不過影唔到左邊車身).


最近2月番香港, 睇到7b個總站被趕咗去九期十座對出果個彎位...好似
個孤兒仔咁

講番渡輪, 我多數坐北角線, 後來年年暑假去書展同02年去idp搞去澳洲讀書時候就
多數搭灣仔線. 紅磡區唔近地鐵站, 黃埔花園...除咗第一,三期之外其實都唔近紅磡火車站
. 咁多年內好多區外人都話黃埔近火車站...係錯覺黎既
. 細個果時係紅館睇完演唱會散場行番屋企(當時我住2期)
, 起碼都要行25分鐘先番到屋企. 所以如果我要過海, 渡輪其實係最佳選擇(ps: 90年代初未有115, 就算坐115紅隧口都塞到飛起, 時間都浪費哂). 紅磡去北角,灣仔船程都只係10分鐘, 中環大約15-17分鐘, 算係幾快又準時. 只可惜夜晚冇船(尾船開大約7點幾)

新渡輪接手北角線後, 曾經有以下既安排:
每隻船以北角為終點站, 開一轉紅磡來回之後會開九龍城來回, 不停重複. 班次可以維持係20分鐘一班(大約係每15, 35, 55分開出一班...唔係好記得啦). 不過宜家北角線減咗班, 得番30分鐘開一隻船. 宜家北角線紅磡碼頭呢邊已經冇哂閘機, 所有搭客都要係北角俾錢

灣仔, 中環線個碼頭比較大同空礦...(好似有d位係長期封咗
...唔係好記得), 成日鬼影都冇隻咁

紅碼望出去既海景主要係北角果邊(城市花園, 和富中心果邊). 海逸酒店未起好時, 可以望到九龍灣至鯉魚門一帶既九龍半島. 宜家...望到藍田啦...

原帖由 SaViOlA 於 2010-6-2 12:18 發表
新渡輪接手北角線後, 曾經有以下既安排:
每隻船以北角為終點站, 開一轉紅磡來回之後會開九龍城來回, 不停重複. 班次可以維持係20分鐘一班(大約係每15, 35, 55分開出一班...唔係好記得啦). 不過宜家北角線減咗班, 得番30分鐘開一隻船. 宜家北角線紅磡碼頭呢邊已經冇哂閘機, 所有搭客都要係北角俾錢

現時安排仍一樣，只是由用 3 艘船減為兩艘，班次亦隨之減至半小時一班。

原帖由 ccicoltd 於 2010-6-2 13:18 發表

現時安排仍一樣，只是由用 3 艘船減為兩艘，班次亦隨之減至半小時一班。

E+用緊裕河+聲11
以前係唔係都係用佢地?
第3隻係唔係海達利定富河定其他?

原帖由 kenlam2406 於 2010-6-2 14:40 發表

E+用緊裕河+聲11
以前係唔係都係用佢地?
第3隻係唔係海達利定富河定其他?

好似係聲６，五年前嘅事囉，唔敢肯定 =P
另外仲有啲印象北九搭過聲１８
（唔記得係咪佢，記得搭過一次一艘樓上有檯嘅）

原帖由 kenlam2406 於 2010-6-2 14:40 發表

E+用緊裕河+聲11
以前係唔係都係用佢地?
第3隻係唔係海達利定富河定其他?

以前20分鐘時期再加隻聲6...聲6而家多數囉左黎俾團出海用...
而家繁忙時間果隻多數係富河....唔夠船時都會用聲18

講起巴士...3b以前都有好奇怪的行法就係先上紅磡車站先再入紅磡碼頭.....

[ 本帖最後由 北角---九龍城 於 2010-6-3 01:41 編輯 ]

原帖由 北角---九龍城 於 2010-6-3 01:38 發表
以前20分鐘時期再加隻聲6...聲6而家多數囉左黎俾團出海用...
而家繁忙時間果隻多數係富河....唔夠船時都會用聲18

講起巴士...3b以前都有好奇怪的行法就係先上紅磡車站先再入紅磡碼頭..... ...

3b呢個安排維持咗好短時間就取消咗...前後應該唔夠半年