良景邨站長室或被領匯回收

原帖由 EH2674 於 2010-6-4 16:14 發表


領匯的確憑佢地既商家本領搞好左部份商場

房署年代時，我住天悅咁耐，都唔知頌富二期二樓有廁所，但領匯將二樓翻新後(增加商鋪)，的確帶領部份人流去二樓廁所，同時縮細地下廁所，減少浪費(二樓有接近一打尿兜，但係偏僻加上無 ...

天瑞站長室隔離就士多房, 站長室咪站長室囉 .. 咩士多房定鋪位,
佢鍾意收晒站長室同士多房做鋪位咪叫做鋪位囉, 唔收咪叫做站長室同士多房囉

原帖由 EE9255 於 2010-6-4 16:24 發表
天瑞站長室隔離就士多房, 站長室咪站長室囉 .. 咩士多房定鋪位,
佢鍾意收晒站長室同士多房做鋪位咪叫做鋪位囉, 唔收咪叫做站長室同士多房囉

我係問站長室係算係士多房改建定鋪位改建。上述站長室係就係細，但唔代表做唔到店鋪，而且我相信有關部門起商場時並唔會幫巴士公司設立站長室，所以我先至會提問。你咁唔滿意有權唔答，但唔該唔好答完同無答一樣，同埋關收唔收返乜事？

唔知富善果個站長室係咪都屬於領匯範圍?

早前我見民主黨有塊 banner 話努力爭取保留良景邨站長室
原來係指 e 件事
不過收還收 良景總站無咩位擺站長室

原帖由 N968 於 2010-6-3 19:42 發表
領匯上市以來,除了大幅加租養肥股東外外,冇好野做過

絕不同意
雖則領匯係人情味少左D
但係唔少商場質素的確大大提高左唔少

原帖由 Snoopy@FB8617 於 2010-6-4 21:06 發表
絕不同意
雖則領匯係人情味少左D
但係唔少商場質素的確大大提高左唔少

結論就係
質素好左, 買野貴左, 最終消費者都走左

原帖由 HA7874~HC2110 於 2010-6-3 18:25 發表

而且2條線加埋都有60幾部車, 一個站長室對車長同站長都好重要

應該係3條...仲有58p呢??

原帖由 Mahoumatic 於 2010-6-4 11:53 發表
鬧領滙咪就係鬧依樣囉，
就係整到商場咁靚先加到租，整到公屋商場靚過私人場，
整走曬D舖頭仔小本生意，附近住既人又買唔到自己需要既野，
搞到D商場根本就唔係為服務所在地人口而設。 ...

根本果 d 屋村舖位完全唔吸引
收一個比市值大幅折讓既租金先至係僅僅做得住

係未有領匯之前，大把人寧願行 / 搭車去老遠既私人場都唔去屋村場...

原帖由 barking 於 2010-6-3 20:30 發表


可惜旗下商場既廁所都唔係靚同乾淨好多...
去廁所要經過垃圾車冷巷, 地板都係一笪笪尿水, 廁缸仍然有毛有污漬有紙碎...
而且在不適當的地方有渠蓋

廁所...就算唔係領匯都應該整理好 ...

我對於領匯旗下商場ge廁所，意見實在太多！

翻新過之後無可否認靚o左好多，但…
1) 由於使用者眾，地下經常有積水及異味
2) 承上，係因為轉o左制度，以前1個人負責2個廁所，而家要負責3個
3) 剛剛翻新完之後，d水龍頭一律用感應式，但經常無電(因為係入電芯)，d人以為壞晒，後尾全部換晒手動開關
4) 繼續水龍頭，即使換晒手動開關，都係壞，但壞o左好耐，幾個月都無人整(而家都仲係壞緊)
5) 除o左水龍頭，尿兜都係！壞完整返好，就輪到原本無事o個批壞晒，最後又整返好，幾日後竟然全部封晒！
6) 假設一個商場總共有5個廁所，同一時間可以洗4個！咁呢4個就封晒ge時候，d人就迫晒剩低o個1個，開大就大鑊！
7) 試過傷健廁所個警鐘響o左，但響o左好耐，起碼20分鐘，我忍唔住打俾商場反映，先至有人來睇！
(好在只係有人惡作劇，如果入面真係有事，咁就)

我從未用過一個管理如此低劣ge廁所！

話時話，慈雲山中站長室係咪都係租緊領匯？