英皇道東行巴士=冷氣電車??

講真都忍左幾耐下, 係見到問題愈來愈嚴重, 先拎出黎講

近排坐英皇道既巴士, 特別係流水線巴士線, 覺得東行既巴士速度, 係愈來愈慢.

而重點係只限流水線巴士, 東隧線同紅隧過左海既線不在其中. 最嚴重既係2A同77呢兩條線

初初唔知既會以為係英皇道東行巴士鏈, 導致行得慢啦, 但當過左北碼同東隧車上東廊後, 呢個情況仍然無大改善

響香港大酒店前既大直路, 3線行車下仍然上唔到2波, 隔離架電車都快過我地架巴士, 我地好多乘客只係無奈......

以為係架車機件故障啦, 但第二日見到架車行另一條線, 又好精神喎. 師傅碌車? 但西行既巴士都好爽下架喎, 淨係東行碌車

我相信77既師傅絕對唔會響香隧行30公里, 2波都上唔到掛, 點解到左英皇道就碌車???

有無朋友知道呢批師傅發生乜事?

有一次星期日搭電車係銅鑼灣去太古
係天后開始，隔離架102 (81xx)就沿途平排行，直到過o左鰂魚涌先拋開距離
所以都未必只限流水既

之前都聽過有人話東行既2A同2X同時離開銅鑼灣，然後又係東區一齊相遇。。

果段英皇道東行係單線，如果無端端爬頭，
即使唔影響電車，對後面巴士必然造成阻塞。

我個人相信所有單線巴士專用道都有呢種毛病，
廣州好似都有人因為咁質疑 BRT 成效。
台北、北京因為車站較為集中同稀疏，
問題好似無咁嚴重。

81沒這個問題，快到

只講時間
西行
由則魚涌-炮台山，幾年黎早繁時隧巴/81 最快係 8分鐘左右
由則魚涌-聖保祿醫院/依榮街/中圖，隧巴/81 幾年黎早繁時都係 13-18分鐘，電車 20-25分鐘
東行
由炮台山-則魚涌，幾年前下晝放學時間隧巴/2/A/8/81/77/99 等都係 10分鐘前後，電車多幾分鐘
而家只有趕著翻總站既隧巴同 N8X 至做到
由銅鑼灣-則魚涌，而家搭咩車都講緊 25-30分鐘，隧巴頂多快幾分鐘

早幾年係銅鑼灣講預科
搭電車返家時數下燈 (巴士都一樣，一早聽過有司機閒談時提過 d 燈衰到由朝到晚都無時順)

1.銅鑼灣電車總站以東三盞燈，其中一盞必停
2.皇仁、天后巴總出口、琉璃街，其中一盞必停 (而家執過好似好少少)
3.永興街、X星街，其中一盞必停
4.而係 X星街燈位起步，下一個燈位 (油街) 必停 (而家執過，助定跑衝燈頭既電車同唔使停站既巴士過到)
5.近炮台山腳/大強街兩個盞位，多數要停一盞
6.由呢兩盞燈位起步，至下兩盞燈位時，多數都過唔晒，要停一盞
7.由糖水道起步至琴行街/書局街，頭一盞多數只得一架車過到，但衝得一盞第二盞都必停，不幸者連停兩盞
8a.由琴行街至電照街，電車要起步快或助跑先衝到，但偶爾會提早轉燈，
試過助跑晒飛到好地地，突然早轉燈，最後電車急剎到冼轆，剎停時已經停左十字路口之上
8b.由電照街至水務處，只得排第一既巴士衝到，除非第一架車搶閘，後面架巴士又趕時間先衝到
9.健康東街幾乎必停
10.健康東街起步，酒店/"大酒店"個兩盞必停，除非架巴士或電車都唔停站直衝，第一二架車可以過到
咁開 20/30/40/50 有咩分別？


無他
港島北岸西行唔計東廊就只得英皇道/高士威道
d 燈梗係靚
81S/529P 早幾年由東廊落黎可以順燈到山腳 (以前)
以前搭 81 翻學
站站停之下由健威順燈順到天后 (試過一次)
而改道前，搭 7:00 興華村開既班次
一般可以由炮台山地鐵站起順燈順到等轉入聖保祿醫院前 (多數得邊寧頓街有客落，落完岩岩好順燈)
改道後反而唔順



英皇道東行
一路要就西行右轉既車 (例如油街、糖水道)
而且成條路得巴士電車呢 d "窮人"交通工具
梗係留翻條"正路"俾其他車行啦


而家搭 N8X 由永安/置地翻則魚涌約 20-25分鐘
無記錯的話幾十年前 2號巴士，由中環-太古，都只係 20分鐘一單...

[ 本帖最後由 HW8373 於 2010-6-5 02:11 編輯 ]

2A和77/99一向都係世仇....!

三條線邊架行頭就唔行,想後面嗰架過頭...!
但後面嗰架見到有架响前面,就再拖慢一支燈...!

通常都會係77/99忍唔住氣過2A頭...!
但一過就知笨了....!食飽哂...!

我 不 如 講 下 西 行 .
我 係 上 星 期 六 4 點 半 諗 住 坐 2X 去 銅 鑼 灣 ,
等 緊 2X 開 車 , 跟 著 2 號 就 黎 到 .
因 為 唔 趕 時 間 所 以 上 佐 架 2 號 ,
心 諗 睇 下 邊 架 先 到 銅 羅 灣 ?
不 過 架 2X 都 其 實 都 差 唔 多 准 備 上 客 .
我 坐 架 2 號 去 到 天 后 清 風 街 等 埋 站 ,
係 呢 個 時 候 就 見 到 頭 先 巴 總 架 2X 係 永 興 街 轉 入 黎 .

即 時 o 嘴 , 唔 係 掛 無 理 由 一 齊 到 .

77有D司機真係好碌，我搭架90XX由香港仔出銅鑼灣最盡都係用3波....
不過都試過有非常進取o既司機~

原帖由 FN1967 於 2010-6-5 02:31 發表
2A和77/99一向都係世仇....!

三條線邊架行頭就唔行,想後面嗰架過頭...!
但後面嗰架見到有架响前面,就再拖慢一支燈...!

通常都會係77/99忍唔住氣過2A頭...!
但一過就知笨了....!食飽哂...! ...

係西灣河食個班客食到飽哂,
個2A司機話佢抵死架啦

2A D司機有時好碌,
不過有時又可以好快架wo,
見到77/99係前面的時候,
2A個班司機根本唔需要開得咁快(前面仲有大把客的時候,我駛追佢?)
過左西灣河之後,
如果真係咁好彩冇乜客的時候,
2A真係幾識飛啦.....

2X個情況應該係之前版友指既因快得慢，
始終由筲箕灣到西灣河一段不停上客，
人地流水線少人上就自自然可以行遠d。

2X上到東廊，2號都可能到左北角。

所以話，2/2X呢組真係麻麻地，
但倒返轉西面既5/5X又少有呢個情況(東行有，但西行就少)