大家試過在巴士上遺留過甚麼東西, 最後結果如何?

n年前搭部71K ATR掛牌果時漏左部電話
唔見左

幾個月前, 坐部新記 14XX @ 109, 留左件制服團體o既外套
當時真係好緊張, 因為過幾日要趕住出 duty
於是即刻打去新記熱線
最後去杏花新記辦公大樓取回

但係.. 係我自己第二次打去問, 佢先講我聽搵到...
新記無人打過比我話搵到...

見到咁多個POST
只好慨嘆社會上一定有貪心既人
係部巴士跌左野理應會搵得返
(跌極都唔會跌出部巴士度)
但往往就係有貪心既人
先令到好多人搵唔番自己野而失望..

一年坐E21A係車上跌左部P1i 落到車先發覺冇左 好彩個時紅燈 即刻飛番上車揾
好彩最後都揾得番

幾個月前就坐過40號,,,部電話o係褲袋漏左出黎,,,最後我打番我部手機電話時個carlo 聽,話會俾番個站長,,,跟住去簽野攞番

除左縮骨遮 (應該只有 1 次)
一路都未試過漏貴重野係交通公具上面
我都因為把遮好平而廢時搵返

至於朋友試過漏電話
佢當時借我電話係咁打返比自己電話
點知係咁比人 cut 線，之後再打都打唔到
都已經打定輸數比人拎左

我想問下如果唔見左野,之後比人執到,而唔去拎,之後件野會點處置??

試過唔見過張8仔(小童,舊版,約有$30在內)
後尾搵唔到
唔洗諗都9成比人洗(7-11果d掛)

上個月女友搭93K返寶林...消防局落車後返到家發覺唔見左部電話...
打上台就比個寶林總站電話去問....結果比左車牌佢...部車未開...
佢就試下上車搵...最後話搵唔到...
不過站長態度好差好唔耐煩咁...想問下佢部車開幾點諗住再中途上車搵都唔想答...
結果上返部車搵...最後搵得返..個司機仲笑笑口咁讚好而且又無催你...
慶幸o既係93K無咩人搭.....

而我自己都試過響車度執到銀包交返比司機...
結果佢請我去總站填返張form...果陣又唔趕時間...
之後就免費上返車去原本要去O既地方....
張FORM 都幾有紀念性...有站長精美手筆同埋一部已退康都車牌...

[ 本帖最後由 JX7348 於 2010-6-9 20:38 編輯 ]