起錨 VS 超錯

今日官員落區, 一邊叫"起錨", 而另一邊有一D反對者, 就不斷叫"超錯"...

可謂香港政治又一場鬧劇...

其實講返政改問題.....我真係有D矛盾感覺, 如果今次2012政府方案再次否決,
2017普選行政長官就接近無可能, 而現在政府方案, 亦似乎是中方最可能接受
的底線.....由中聯辦會面見到....

而最大分歧是, 政府話有關方案是進步, 但同時亦有人話, 有關方案係退步,
主要問題唔係出於行政長官產生辦法(建議由800人加到1200人), 而重點是
有關立法會產生辦法問題, 但究竟同時增加功能界別及直選議員數目, 新增
功能組別全數由民選區議員選出, 是進步還是退步?

照比例 30/60 同 35/70, 都係1/2, 的確區直選的議員比例沒有增加, 即沒有改變,
唯一可能可以講, 就是有關5個新功能界別議席, 全數由民選區議員互選產生,
即委任區議員不參與互選, 由有民選成份的區議員投票及擔任...

這樣是進步還是退步, 真係見仁見智, 而我意見是, 不是退步, 但所謂進步亦同時
不明顯....即同原地踏步無咩分別...

但睇返之前人大2007年決定, 香港可於2017年普選行政長官、2020年普選立法會,
我最唔想係因為立法會問題, 影響較少爭議的2017普選行政長官, 我認為較可行
可能是分拆方案表決.....

但原來分拆亦是不可以, "制及內地事務局局長林瑞麟重申，《基本法》附件的修訂關乎
到行政長官選舉及立法會的組成，在憲制層面上，這兩套建議「不能斬件」，要整套
一起審議。" (http://paper.wenweipo.com/2010/02/23/HK1002230005.htm)

結果, 現時香港政制正正係一個死結, 香港人又不斷兩極化, 咁下去真係見唔到咩出路.....
亦是我最擔心的....

究竟, 香港政改應該點去繼續呢, 又可唔可以係憲制上讓有關方案分拆, 減少矛盾?

其實，又有幾多人關注份方案既好壞?
只係見d人開口唔埋就話爛方案。
政府只係識得叫人起錨，所謂的宣傳都中唔到pt。

況且，大家既focus都唔同，
泛民係要求2017點點點，2020立法會點點點。

功能界別又點點點，社會矛盾又點點點....

政府就剩係講2012政改，大家唔岩channel
(不過政府多次話2012既事後無權理)

泛民多次話只要終極普選係真，普及而平等，
中途方案係點就無所謂咁話。

不過，05年個份，行政長官係由1500人選，都有人批評過今次呢份倒退。

個人認為，除左民選區議員可能有機會用普選方法產生既話，
根本無其他野可以改。

大家唔信北大人，咁大家都無計傾。(更加無可能叫中央再澄清普選)

聽日又話交文件，23號表決，當係真既話，
特首要考慮下71之後點回應....希望唔會係另一個董建華。

同埋睇中央肯唔肯出手加碼喇..

原帖由 kay 於 2010-6-6 18:24 發表
其實，又有幾多人關注份方案既好壞?
只係見d人開口唔埋就話爛方案。
政府只係識得叫人起錨，所謂的宣傳都中唔到pt。

況且，大家既focus都唔同，
泛民係要求2017點點點，2020立法會點點點。

功能界別又點點點，社會矛盾又點點點 ...

係, 今日見到情況, 大家都做唔到理性討論, 一味嘈.....
兩邊都係, 希望之後同余小姐辯論, 大家市民可以睇
到清晰d的討論..

香港獨立, 有得香港人自己玩死自己算啦

原帖由 053h4 於 2010-6-6 19:40 發表
兩極化唔緊要, 但特首落區, 叫口號, 政黨式宣傳
多多少少都有利代議政制, 政治問責制的發展

唔落區又話唔做野, 落區又話人徙錢做騷
甘佢有佢職責去爭取支持, 有咩問題?
係咪只有反對先叫做正確先?
成個社會嘅分化唔係政府嘅問題, 不過反正
唔會有人認同, 有機會, 真係要離開香港, 唔
係第時真係會俾班紅衛兵鬥死.

反對黨責任就係反對。

我唔會懷疑各方居心，
因為其實大家居心都好明顯，
亦都好落力做各人做到的事。

講真，區乜鬼議會，就算係民選，
幾乎人人都係土皇帝，都唔係做野的。
咁嘅區議員點出到好立法會議員？

所以政府方案肯定係爛方案，
不過就唔係曾蔭權的錯。

佢最錯係真係以為自己可以戰勝所有限制。
孫中山、毛澤東尚且唔得，佢老幾啊？

有評論講得啱，今次係釋法釋出來的原罪，
無人可解。但如果泛民肯繼續同中聯辦傾偈，
咪放長雙眼睇囉：
http://tsuisioming.blogspot.com/2010/06/blog-post.html

根本"循序漸進"是個大笑話。政治上所有人都是既得利益者，要為每一步達成共識，逐步達至全面民主根本沒可能。除了當權者"走佬"或革命之外，史上有多少循序漸進而達至全面民主的例子？