「讓座男」/「賜座男」

原帖由 nickhei 於 2010-6-16 12:42 發表
不過我又覺得唔可以因為講左粗口就斷定某一個人(當然唔係果個毒男)就冇料到，用唔用粗口話呢個毒男結果一樣，就係個毒男該鬧爆。私隱唔係濫用，唔通影個賊偷人野又話侵犯私隱? ...

好明顯大家都唔係話拍佢片係侵犯佢私隱，
而係之後網民「起底」，將佢個人資料、Facebook、E-mail、姓名、電話號碼等等搬晒上網。
就算 d 賊俾法庭定罪，法庭都唔會公開佢電話號碼卦？

當然我覺得有樣o野的確係好笑，
就係好多網民一邊鬧人無禮貌無家教無公德，但自己鬧人果陣一樣粗口橫飛，
就算人地抵唔抵鬧都好，咁又係咪都要同時諗下自己o的禮貌家教公德去o左邊？

唔通把口真係只係生o黎話人？

個人認為
「賜座男」係唔啱
但係佢有錯都唔代表佢要俾人起底
要受咁大壓力？
佢依家俾全港七百萬人知道哂
對佢第時升學就業都好大影響
有時真係唔明點解高Ｘ起底組要搞到一個唔係犯左好大錯嘅人前途受到影響…

個人認為:
佢唔鐘意人地肥就唔該正正式式起身"賜座",唔好生人霸死地(個人常用方式)
另外真係唔gur個"正義少女"既,番屋企大可以慢慢上低燈,x汪呢啲壇講飽佢
無謂係度做小丑,丟人現眼!

無錯，即使係果個賜座男唔岩，太自私
但唔知何時開始，一有同類的事件發生，高X的人一定黎個大起底
X方日報都係從網上資料查出賜座男的地址，唔係既話點整張道歉信黎上報...
雖然我知佢的確係有悔意，但問題係張道歉信寫到不倫不類，過於簡短，未免會有點過於求其的感覺...

問心果句，起左又有咩用，平常人頂多都係得個知字
日日上去佢屋企問三問四的，相信十居其九都係食飽飯冇野做的小朋友黎

同埋好老實好認真講，毒男一詞根本已經係模糊化
根據網上的資料，把毒男模糊化及胡亂標籤的人，又係十居其九係女人黎
而事件中被人問候的，巧合地又係女人黎...

OT
我琴日見到個好似係賜座男的人...