搭巴士遇著野蠻人...

我同個fd搭九巴10號線, 架車係ASB(NV7801), 上到車就搵位坐
彩雲總站開車之前, 架車已經坐滿
後面有兩母女, 再後面係個細路女個老竇
個細路女不斷踢我個fd坐緊個位既椅背
我個fd擰轉去後面: "可唔可以唔好再踢?"
結果個老竇就好大聲咁鬧我個fd __街麻__煩
個阿媽就話: "搭巴士係咁架啦, 而家d人搭巴士當私家車咁搭架, 整到少少都唔得"
仲話"唔忍得咪自己換位囉!"

因為個老竇好大聲, 又粗魯, 所以我擰轉面好大聲話: "咁而家影響到人嘛!"
之後兩公婆一齊發圍
個阿媽話: "囡囡, 第時有d咩問題都好, 唔好學d人咁粗魯, 大聲鬧人解決唔到問題ga知唔知?"
個老竇話: "呢d人正一垃圾, 正一__街, 供呢d人讀書徙晒納稅人d錢, 我都有納稅ga!!"
(補充: 其實個細路女係爭執開始既時候已經喊緊)

我一直冇睬佢地, 之後我細細聲同我個fd講: "呢d野, 公道自在人心"
坐我左手邊果個阿叔加入戰團, 阿叔話: "四眼仔, 我希望你講公道自在人心係真啦, 頭先你咁惡鬧個細路女, 我都見到你個樣幾惡呀... 你仲好意思講公道自在人心?"
我一直保持微笑望去前面, 冇望過佢冇睬過個阿叔
期間個兩公婆仲有講野, 同個阿叔一樣源源不絕好多偉論, 我聽到個老竇話我垃圾冇教養冇禮貌

之後架車去到黃大仙下邨, 有個婆婆上車
佢企左係個兩公婆前面, 個阿叔同我既後面
而呢三個話我鬧緊我既人, 繼續鬧我, 冇任何行動
我企起身: "婆婆, 你坐呢度丫, 慢慢黎, 小心呀~ "

結果佢地3個全部靜晒......

ps. 唔係想讚自己會讓座, 不過d人講到我咁冇教養, 又唔起身俾婆婆坐, 有口話人冇口話自己...
我咁大聲可能真係嚇親個小朋友, 不過唔係佢老竇咁大聲講粗口鬧我個fd, 我都唔會還擊囉... 再次證明受害者抒發不滿係會俾人鬧

篇潮文好熟口面.....
你係其他討論區貼過篇文?

納稅人...d人下下提起呢句真係好笑
交左稅就高人一等咩?呢個係作為一個市民既義務黎架喎
咁唔滿意,咁有種唔好交稅丫笨.睇下到時邊個唔掂

個阿媽一面話人粗魯,佢老公另一面廂又係度炒蝦拆蟹
媽媽講到自己咁斯文大方,咁請佢順便好好管教下佢老公啦

我有係其他討論區貼過篇文
絕對唔係潮文, 係我親身經歷

話唔定個阿媽係想一石二鳥,一句野罵哂2個人呢

以前搭巴士遇着後面個個對腳長,都冇咩野,隱到
但遇着D唔自律嘅小朋友,又拍又踢又嘈,真係好難頂

睇完你篇文覺得最好笑係明明係個細路女錯先,佢地可以認為冇問題囉

我有時返工遇著d vip係度自稱以納稅人自居,
心諗...納稅?納乜稅呀?煙酒定博彩呀?

納稅人唔洗守規距呀?交完稅係咪殺人唔洗坐監先?
多餘!

我睇完係笑左 咩叫搭巴士當私家車?
巴士係似係叫''公共''交通工具 唔係''私人''交通工具
''你有壓力 我有壓力 你做咩挑釁我呀?''  大家一樣比咁多錢 你做咩要整到人地坐得唔舒服先 損人而不利己ge行為wo   
再者 交左稅又如何?? 交稅係你ge義務 係都識話啦 你d錢會用黎教學用
又唔見得會教好你個小朋友咩叫做公份守己 尊重自己 尊重別人
係咁整人個位 比你都火啦 仲係到扮曬野 當自己冇錯咁

其實個細路咁冇禮貌，狂踢張凳
話佢都好正常，即使好大聲罵到佢喊我覺得都係應該
根本係佢地成家人都咁冇禮貌，冇乜資格話人地冇家教，因為真正冇家教係佢地成家人
都唔知點解依家好多人都係是非不分
納稅人？！大哂呀？！！
唔好以為你地交稅就係高人一等啦！！
真係『鄧』個細路慘，居然有依D咁樣嘅父母
其實我仲有好多嘢想講，不過又唔知點表達出嚟。總之個細路咁樣比佢父母教法，將來一定係一個好野蠻嘅人。

[ 本帖最後由 Alex01 於 2010-6-24 17:58 編輯 ]

個細路年紀細
係就係錯不過佢有個咁嘅父母又真係幾不幸...
巴士係私家車呢番言論更加好笑
巴士唔係私家車呢點大家都知唔多講
公共交通工具都算係公眾場合呀
佢地唔尊重人都尊重下自己好唔好...
仲要講埋粗口(離題：唔知會唔會有影片呢?不過睇情況似乎無啦...)
如果係MTR要罰款架

佢客客氣氣講返一兩句「唔好意思，我個女……阿女，唔好再踢哥哥張凳……」會死?
如果個家人唔好彩俾人拍左片POST上YOUTUBE
恐怕個家人分分鐘要學「賜座男」咁，寫道歉信都似呀
到時就唔係一兩句簡單嘅SORRY啦
而係俾全港七百萬人知道佢地啲衰野
甚至係高X起底組會起出佢地個人私隱
佢地咁「有教養」都唔識諗下道歉事小還是上網事大...

雖然樓主嚇親個細路女
但係個細路女踢凳在先
樓主朋友仲要俾人用粗口招待
樓主鬧人已經係可以理解
個細路女咁小事就喊
真係應該多謝樓主(?)

一個「無教養嘅四眼仔」都識讓座，呢家人咁「有教養」，點解唔讓座？
只能形容為「禮義廉」