泛民正式決裂

昨日及今日立法會已通過了2012年行政長官及立法會選舉產生辦法，這個已成為既成事實，唯有向2017年及2020年一人一票選行政長官及立法會廢除公能組別普選邁進啦。民主黨攪到今時今日去支持政府政改方案，到底中央及特區政府俾左甚麼甜頭民主黨？換回鄉證、換中央的信任？相信經過這兩日的政改方案民主黨投票支持，民主黨已失去了支持者了。先有余若薇曾蔭權辨論政改方案、中央及特區政府接納民主黨的區議會改良方案、再有鄭家富退出民主黨、梁國雄話司徒華癌症上腦的言論惹來泛民的批評、之後再有黃毓民說與民主黨不再是盟友。到底泛民攪到今時今日的決裂局面是否代表特區政府起錨成功呢？到底社民連、公民黨與民主黨日後再有冇合作的空間呢？各位又會否支持2010年7月1日的七一大遊行呢？七一大遊行各位又會否與民主黨同行呢？

歡迎各位版友討論

1.所謂決裂只係社民連自己講,民主黨未講過,
而且社民社都唔係第一次自己人鬧自己人,好似
08年已經話公民黨,結果10年咪又玩五區公投

2.七一遊行係民陣發起,任何政黨都可以參與,
邊個有權阻止民主黨去,又或者同民主黨一齊
去遊行有何問題?民主最大原則係大家可以有
自己見解同意見,社民連意見可以支持但不是
唯一意見,或要強迫人去跟從,否則不是自由

原帖由 S3N280_FX8032 於 2010-6-25 20:17 發表
相信經過這兩日的政改方案民主黨投票支持，民主黨已失去了支持者了。

我唔認為民主黨會大量流失支持者

冇話中央俾咩甜頭，民主黨自己個方案獲中央接納，當然起錨喇

南區嘅民主黨柴議員早一排仲發表街頭演說，叫人參加五區公投。而家泛民決裂，柴議員好應該同民主黨劃清界線，棄暗投明，退黨保平安。

樓主其中一些地方有主觀意見（主要在前半部），似乎有欠公允。
最起碼，在我家庭內，民主黨至少淨增加了一票。

民主黨如果只因為今次而有回鄉證或甚麼甜頭，那麼中共的統戰門檻實在太低。
可以話，民主黨只係受惠於北京不希望激進敵對情況升級，才急急接受民主黨方案，以求盡快降溫，
並不是中共本質上贊同民主黨的方案、或民主黨人得到中央的祝福，請大家分清楚。

中央宣佈接納前，還在一直吹冷風，又違法違憲等等，
即使民主黨被中共接納，都是中共借他們過橋，而不是他們自己乞求的，我絕對相信他們的人格。
為了和諧穩定和自身利益，中共才是最無原則的一群。
要講出賣，是建制派被特區同中央政府出賣了。

[ 本帖最後由 DIH 於 2010-6-26 14:27 編輯 ]

原帖由 PB602 於 2010-6-26 00:46 發表
南區嘅民主黨柴議員早一排仲發表街頭演說，叫人參加五區公投。而家泛民決裂，柴議員好應該同民主黨劃清界線，棄暗投明，退黨保平安。

邊係，人地都話自己係普選聯工作

原帖由 S3N280_FX8032 於 2010-6-25 20:17 發表
昨日及今日立法會已通過了2012年行政長官及立法會選舉產生辦法，這個已成為既成事實，唯有向2017年及2020年一人一票選行政長官及立法會廢除公能組別普選邁進啦。民主黨攪到今時今日去支持政府政改方案，到底中央及特區政府 ...

唔好咁天真啦......政治從來沒有永遠的朋友，亦沒有永遠的敵人。
人不為己天誅地滅係政治家的本質，劉江華係切頭切尾的政治家。
你同政治認真，你就真係輸啦。

原帖由 KC3555 於 27/6/2010 15:54 發表


唔好咁天真啦...... 政治從來沒有永遠的朋友，亦沒有永遠的敵人。
人不為己天誅地滅係政治家的本質，劉江華係切頭切尾的政治家。
你同政治認真，你就真係輸啦。 ...

睇過易中天本《品三國》，佢認為政治家係
有理想、手腕高的，沒有這兩種特質的只能叫政客。
您將劉江華定性為政治家，會唔會抬舉咗佢少少？

原帖由 238X 於 2010-6-27 22:08 發表


睇過易中天本《品三國》，佢認為政治家係
有理想、手腕高的，沒有這兩種特質的只能叫政客。
您將劉江華定性為政治家，會唔會抬舉咗佢少少？

那位板友話劉江華「切頭切尾」呀，何來抬舉？反之係極盡殘忍。
如果不是因為民主黨的事而翻查黨史，都唔知原來劉江華當年係佢地的一員。

嘿，我奉勸班人，連毓民都是不可信的，要鬧唔該鬧埋佢。
唔信？你地唔係話民主黨出賣港人架咩，佢當晚特意護送，話何俊仁光明正大喎！

[ 本帖最後由 DIH 於 2010-6-28 09:28 編輯 ]