討論九巴和新城在路線設計上的策略

原帖由 kay 於 2010-6-26 13:21 發表

但以九龍半島新界版圖，
有d地方情況可能仲差過港島南區...

同埋，九巴次次想改特快，將線踢上西廊又比人嘈，
6/6A呢d老問題，

我唔信新城做人地地盤問題唔會出現。(除非睇我最尾個句既分別)

再加上九龍道路網絡唔算話太好 ...

新城做既野完全有哂策略
以 5 系為例,佢唔會直接同你將 5 改特快
而係開條 5X,再慢慢開疏 5
咁樣區議會就唔會反對

但九龍公司就只會就咁改條線做特快
咁本來條線經,而特快後唔經既地區就一定反對
就算係開新線,都多只做繁時

例如西九龍走廊其實就可以做到好多條特快線...
睇到而家荃灣三條X線都想反胃...

以上只屬個人意見

原帖由 FD5410 於 2010-6-26 13:57 發表


新城做既野完全有哂策略
以 5 系為例,佢唔會直接同你將 5 改特快
而係開條 5X,再慢慢開疏 5
咁樣區議會就唔會反對

一開始想直接改5架,不過反對沒車往上路.
變得現在5/5B齊齊12-15分鐘一班
同樣,新巴開30分鐘1班的82M,再慢慢同你玩

原帖由 Choi 於 2010-6-26 14:05 發表


一開始想直接改5架,不過反對沒車往上路.
變得現在5/5B齊齊12-15分鐘一班
同樣,新巴開30分鐘1班的82M,再慢慢同你玩

九巴分分鐘喺你話無車去上路既時候
已經放棄計劃...

睇標題以為真係討論策略, 誰知都係比路線為主.

我都想講下我睇法. 客觀講, 其實九巴同城新做法都係各有好處而已. 以 968 同 969 為例, 城巴好處係繁忙時間好多地方都有車, 方便, 車多; 九巴就要你事必走出大路先有車. 但非繁就倒轉, 九巴雖然同樣要去大路撘, 但路線係同一條, 任何時候都係去同一站等車. 城巴客就要熟知路線資料, 繁時線頭尾車幾點, 非繁要改搭咩線, 亦一樣要行出大路.

另外九巴不少長途線都係長而累贅, 但班次密, 等車時間唔長都算係小小的好處, 只係坐的時間長. 城新班次疏, 但車程可能快D, 變左等多過坐. 但老實講, 咁講落去, 我覺得都只係各有好處而已. 同埋重點係, 作為乘客你對邊一套比較受落而已. 主觀講, 我呢位新界乘客, 可能坐九巴多, 都受落九巴呢一套多D, 但我對城新做法亦尊重, 甚至同意城新進取D, 不少路線比較配合乘客 (不過點陰乾路線仲係不認同). 但見到一些支持城新者總會話九巴不識變通, 其實需要兩種做法的乘客都有人在, 一定要用你個套又何苦.

最後離離題. 有回文話九巴做好車廂環境只係門面功夫, 要城新的快先叫有料, 我作為乘客就唔多贊成啦. 有幾多乘客因為有位坐同舒服而揀巴士? 你揀快做最重點, 價錢同舒適為次, 但人地可能唔一樣架嘛. 譬如彌敦道上九巴多多金的時候城巴仲有不少噴大煙的巴士, 我又覺得九巴做得好D. 香港唔係只得一種乘客.

原帖由 FBI2 於 2010-6-26 13:39 發表


不過,我早前吹水時,的確收到風,話九巴正積極做好自己盤數,於2017年之前賣盤,專心發展地產. 我會在稍後另文發表吹水的內容.

似乎想趕及o係土瓜灣紅磡等地有鐵路之前甩難

原帖由 hoho900 於 2010-6-26 14:41 發表


你西九龍走廊唔開全日九龍直通線,ok!我忍你
但宜家連西九龍快速公路都有啦,
你九巴都hea 住黎做..

奇想:
東廊如果冇巴士行,會點呢?

其實都未必hea住做，始終行得西廊，又要考慮邊個位落，
況且依家有唔少線做緊流水線，佢可能又驚做特快就無左流水客支持。



[ 本帖最後由 kay 於 2010-6-26 14:51 編輯 ]

本身九巴創造力唔夠新城高,呢個係事實
(睇吓建議同實際做咗嘅嘢就知)
唔夠創造力都唔緊要
最緊要就係有好建議嘅時候,堅守觀點同營造上風
九巴最失敗就係唔識營造良好條件
好似36B上大埔道咁
明明係變特快,但區議員就講成"繞經"
不過最可惜都係九巴完全冇反駁意思
結果明明係良政都執行唔到

原帖由 Choi 於 2010-6-26 13:54 發表


好像是602喔

中巴 0個條「118」唔係叫186咩？

602應該係而家 0既通宵小巴線61

原帖由 Choi 於 2010-6-26 12:34 發表
8) 5R/29R/52R: 賠了夫人又折兵

29R 志不在賺錢，只是為了「防止」其他公司開辦專利路線搶 629 海洋公園客。