巴士司機年底增加休息時間

運輸署    表示，巴士公司年底起陸續增加司機休息和用膳時間，在6小時的更次中，有至少20分鐘小休。
立法會    一個委員會，討論專營巴士司機的休息時間安排。運輸署表示，今年底起巴士司機在6小時的更次，有至少20分鐘小休，兩日相連工作日之間，休息時間增加半小時至最少10小時。
運輸署長黎以德    表示，諮詢巴士公司及工會意見後，初步決定明年第3季落實司機的用膳時間為不少於45分鐘，1年後再增至不少於1小時。
職工盟的李卓人    批評，巴士公司不立即將用膳時間定為1小時，是剝削員工。他又指出，不少巴士站的設施太少，洗手間等設施亦不足。
陳偉業    形容，巴士公司情況「比富士康    還差」。
黎以德解釋，假如即時將用膳時間定為1小時，巴士公司需要額外多請500人，他強調，運輸署會要求巴士公司，在聘請和訓練足夠人手後，逐步落實有關措施。

乘客等車可能更耐了

唔知各間巴士公司近排頻頻大字標題話請司機同呢樣野係咪有直接關系呢？！

司機都唔係話請就請。。
人工又奀福利又奀
同你玩幾個月又話走人

如果請夠人又唔夠車，最後都係乘客慘

原帖由 ASV50 於 2010-6-28 17:06 發表
如果請夠人又唔夠車，最後都係乘客慘

冇野既... 收下一部, 收下又一部, 加加埋埋分分鐘收左一半既車, 班次咪疏疏疏lor... 最後咪俾客打電話去"2136xxxx, 2873xxxx, 2745xxxx"投訴lor...
最後咪要死死下將d野還原基本步lor...

有時見d司傅，跑過鐘之餘，到總站仲要即走無得抖，
個司傅又唔見佢好碌車，而且好博，但係路面限死佢。

其實又唔一定話收車既，新城個d都好少話收，但有時班次不準都無計。

原帖由 kay 於 28-6-2010 21:31 發表
有時見d司傅，跑過鐘之餘，到總站仲要即走無得抖，
個司傅又唔見佢好碌車，而且好博，但係路面限死佢。

其實又唔一定話收車既，新城個d都好少話收，但有時班次不準都無計。 ...

一個晚繁嘅銅鑼灣足以玩完
不過我見有時 77 遲到會抖一陣先開車

司機有充足時間食飯，係基本人權。而巴士公司提供時間表上嘅班次，係法定責任。巴士公司如果唔夠司機，就要請人，如果請唔到人，就應該檢討薪酬待遇係咪吸引。

呢個世界唔係話「一係司機受苦、一係乘客受苦」嘅。

好事黎既,
而家食飯時間真係太短喇

原帖由 PB602 於 2010-6-29 00:24 發表
司機有充足時間食飯，係基本人權。而巴士公司提供時間表上嘅班次，係法定責任。巴士公司如果唔夠司機，就要請人，如果請唔到人，就應該檢討薪酬待遇係咪吸引。

呢個世界唔係話「一係司機受苦、一係乘客受苦」嘅。 ...

歌仔都有得你唱啦。。
呢個世界邊有半斤八兩咁理想

何況以家社會既經濟，現實係一係你死、一係我亡