[新聞]深圳東部華僑城意外六死

明報
深圳機動遊戲飛墜16死傷 東部華僑城「太空迷航」 甩脫互撞    15米高跌下
http://hk.news.yahoo.com/article/100629/4/ix0v.html

星島
「太空迷航」墜機6死19傷
http://hk.news.yahoo.com/article/100629/3/ix2t.html

今次出事的遊戲，從已公開的資料估計，應該係一部大型離心機，
出事係因為其中一個艙的連接系統斷開，成個飛出來，撞向其他艙，因本已極高速，故引致嚴重傷亡。
離心機出事，做lab就試得多，最多都係唔見幾ml菌嗟，而家死六個人。
說安息/RIP是沒用的，必須徹查事故原因（而家連個遊戲本身的原理都只是推測），
做好日常維護，防止同類事件再發生，若是人為疏忽，必須嚴懲。

話說我2009年10月底都同屋企人去過東部華僑城，我地就主要係觀光，冇玩機動遊戲。
當時就只係知道人流管理差劣，上山纜車因為山腳車站搞function而停開，所有人迫晒去搭吊車，
烈日當空下排吊車排了1.5-2小時，還要一直迫實以免被人打尖，
期間香港人齊聲大罵內地打尖客，我表姐就陳幸妤上身。
返到香港，即刻舒一口氣，即使司機都係頭搖又尾擺，都安心過搭大陸吊車。
自此即使內地同學問我好唔好玩，我都係連聲嘆氣，唔建議佢地去。

另一方面，園區盡顯內地暴發心態，成個園區有油塘到慈雲山咁大，
園內有一條環迴鐵路，規模比得上公交用的輕便鐵路，又石屎橋又隧道，工程極之浩大。

大陸嘢信得過就唔會俾人質疑
尤其是南部城市個個為左搵錢不擇手段
免得過, 北上真係去北面, 上廣州深圳唔係平,
又唔安全, 不如留返晌香港

呢單嘢最後一係不了了之, 一係搵隻替死鬼攪掂
最後就會有條友走出黎話個機動遊戲絕對安全
而且經國家自主研發, 一定好過外國

跟進：

明報
http://hk.news.yahoo.com/article/100630/4/ixan.html
「出事的「太空迷航」裏有12個小艙，每個小艙都是封閉的，可坐4人，當時坐滿了10個小艙」

問題出現了，當時這10個小艙是否平均分配，5-1-5-1咁排？
假如兩個空艙不是在完全對向的位置，則離心機有可能因為重量不平均而使轉動失衡、小艙飛脫。
唉，唔知，遊戲原理唔知、出事原因唔知、事後情境唔知，
園區除了道個歉之外，無人講得出究竟發生咩事，這就是一河之隔的大陸了。

唔好以為冇香港人出事就可以少理，東部華僑城真係好多香港人去，其管理文化如何，值得探討。
如果係工作人員錯誤安排遊客入艙次序，以致太空艙不平衡，咁好大件事，
去內地旅行成日都見到，低層員工只懂跟指示辦事，而不知背後原理；
稍一鬆懈，以為變少少冇所謂，就會出事。這是內地「知識懸殊」的惡果，必須正視。

東部華僑城係山上面大興土木但D機動遊戲路軌石屎
周圍棟落山溪河流
施工亦相當粗糙
難為自己仲話生態建設.....
至於人流安排
已經好多人話過鬧過
相信起既時候急就章
無計清楚條數
園區內的火車吊車根本難以疏導大量人流
上落園區要靠條行九曲十三彎山路既909中巴擔正

出事既遊戲係幾特別
係第度無玩過
亦係當時覺得華僑城最好玩的機動遊戲
原來係自主研製
不過真係唔覺得原來升左去咁高

希望今次傷者能夠早日康復.....

沉痛悼念因人禍而死無全屍、死無對證的苦難同胞。
六個也好，廿多個也好，有死人就係有死人，而原來華僑城竟然係央企，
近在咫尺、自己又曾經去過而有不愉快經歷，管理不善更草菅人命，
我一定要將此事向親友通報，並反對任何我認識的人士前往（原本是不鼓勵）。

幸好只係平日，不過我更擔心既係一些比東部華僑城更次一級既遊樂
場，我記得事後一日報紙提香蜜湖因為過山車設施太舊而要"停運"