為乘客及司機著想 , 請九巴盡快將繁忙地區路線全冷 !

原帖由 kokchun 於 2010-6-30 18:46 發表
嗱 事先聲明
以下全為個人意見
熱狗迷唔好咁上腦先


話說是日三十幾度
中午出咗尖沙咀
竟然比我見到 6 號線用熱代冷
我第一下就諗
嘩 派更想攞命咩
三十幾度 加彌敦道 仲要多人
我地呢啲小乘客都覺辛苦架啦 ...

你的感受
我早幾日先遇過
諗住搭 6/6A 坐幾個站而已
大熱天梗係唔想行
地鐵只係兩個站, 又唔想行上行落
就晌度等
等得耐不特止 (已經兩線聯合但都要咁疏車)
等到喇, 黎架熱狗車
就算車費平 D, 個心真係啤一聲
但我又唔會咁傻企晌度再等下一班
焗住都要上啦
唔夠十分鐘的車程, 車箱人又多, 直頭係蒸籠

樓上有吉位, 但係大家都唔多想同人一齊黏 lup lup 咁坐埋一齊
寧願企樓下算數

宜家既路面環境, 正如各板友所講
根本唔再適合用熱狗載客
退亦係大勢所趨

原帖由 FBI2 於 2010-7-1 20:13 發表


有講過又如何？早一年退役有什麼問題？新巴ＤＭ，ＤＬ，ＭＬ用左１０－１２年都退役啦，如果巴士公司覺得架巴士已沒有利用價值，不退役還可以做什麼？ ...

如果咁睇的話,
新巴用左10-12年就退,
你係唔係好應該更加罵新巴罵到上天呢?


佢咁鍾意熱狗由得佢鍾意,
我尋日差少少撞中6/6A熱狗,
我點解唔上?因為我曾經試過一次搭6A熱狗,
沿途有好多人上,
個陣冇記錯的話係由尖沙咀坐到去深水埗,
因為個陣係好熱,
我坐得好辛苦,最後..

坐左幾個站寧願等下一班算數...


如果再坐落去,
我恐怕自己會中暑暈左.

我先唔好理D人係咩反熱唔反熱既人先

小弟最睇唔過眼既就係成日都將自己既意願加響人地身上個批人 樓主係有個句講個句 講出黎會舒服D 我反而尊重 但部份聲稱自己反熱既人 根本係自私 同樣唔鍾意熱狗 點解有幾個人成日聲稱要寫信去邊度邊度 要求人地跟從自己既做法 仲要成日講到自己好有國際視野 我響邊度邊度呢就會坐熱狗辣 香港就唔可以行熱狗云云 做人既野點解一定要有你無我 個班人有無諗過熱狗本身既存在價值係咩?

無錯 香港氣候的確濕+熱 我自己唔止一次坐熱狗 聽到2面既意見 有人就講粗口 話點解咁熱黎熱狗(押韻乎?) 但有老人家就特登早5分鐘排隊等熱狗

當熱狗仲有人坐既時候 你唔上係你既事 香港9成以上都係空調巴士 除左個別路線之外 下一班係空調巴士既機會極高 雖然唔係100% 但你再遇到熱狗既話 你都可以去買六合彩喇 係咪 有人坐可以代表有市場 亦可以代表無得揀 但無論點 成日話熱狗無人坐個批人 好好反省下咩叫無人坐

仲有 繁忙地區也好 郊區都好 無論有無熱狗 有位人士仲指定話邊條路線可以有熱狗 邊條唔得

我睇完之後 語重心長講幾句說話 熱狗響香港對於你就算幾無存在既價值 佢頂多得一年多D既命水 再做埋D小人先做既野 又寫信 又指定呢樣果樣 俾人既感覺係反感同埋過份 你自己有錢坐飛機去邊去邊 極有國際視野既時候 有無諗過有人成世都無出過國 響香港為左1蚊幾毫去奮鬥 要爭取既同時 要考慮一下呢件事根本響可見將來會實現 點解仲要落藥去谷佢? 再差再壞都係1年 做埋咁多陰濕野 香港既所謂自由唔係俾你咁濫用

之前話我無證據 今次有辣掛 之前幾十次話寫信去達到個人既目的 完全反感自私 但我讚揚樓主光明正大既意見發表 我尊重 相反 我鄙視部份自我中心既"香港人"

[ 本帖最後由 richardchan1988 於 2010-7-2 09:46 編輯 ]

6A 同 33A 加冷我絕對支持
不過如果好似 36B , 41A , 6 呢 D 咁 , 平日行得幾轉車 , 有 D 假日直情收車 (36B 假日都係出一部熱狗) , 俾少少選擇人都唔差既

原帖由 richardchan1988 於 2010-7-2 09:44 發表
我先唔好理D人係咩反熱唔反熱既人先

小弟最睇唔過眼既就係成日都將自己既意願加響人地身上個批人 樓主係有個句講個句 講出黎會舒服D 我反而尊重 但部份聲稱自己反熱既人 根本係自私 同樣唔鍾意熱狗 點解有幾個人成 ...

首先,我並沒有寫信,也沒有鼓吹寫信,只是建議九巴有什麼路線可以先全冷,有什麼路線可以後全冷,請勿把我以前的言論應用於今天,因為我個人對反熱的立場已軟化很多,至少37M全冷一事我從未表示贊成.
再者,我係港島上班,很多時候都會選擇以非空調的電車代步,因為車資便宜,除非是下雨或者是34度高溫就會改乘港鐵.講真,巴士公司本身已有一套時間表去指出邊D線全冷先,邊D線全冷後,而我今次只是
強調長途和繁忙地區路線應該優先全冷,因為要顧及乘客和車長的安全,34度之下搭熱狗行彌敦道是不是好受呢? 另外,現時還有一些路線仍然有大量熱狗行走,走左一班,下一班也是熱狗,是否反映出九巴對熱冷
分配不均呢? 你說呢一班熱狗唔上,下一班都會係冷馬,但係有沒有想過九巴有很多路線只是美其名留一架熱蛇,實際令大部分乘搭冷馬的乘客因而要付較高昂的車資嗎? 至於44,我就算爭取也好,不爭取也好,都會
在這個時間全冷,因為區議會根本就希望41A和44全冷,不是說我爭取就成事,也沒有像大家說什麼寫信云云,寫信那些只是強調路線重組.

大家還記得當年車長要用口罩駕熱狗行大隧嗎?

原帖由 richardchan1988 於 2010-7-2 09:44 發表
當熱狗仲有人坐既時候 你唔上係你既事 香港9成以上都係空調巴士 除左個別路線之外 下一班係空調巴士既機會極高 雖然唔係100% 但你再遇到熱狗既話 你都可以去買六合彩喇 係咪 有人坐可以代表有市場 亦可以代表無得揀 但無論點 成日話熱狗無人坐個批人 好好反省下咩叫無人坐

咁我搭 66 73 5A 32B 39A 38A 呢 D 線咪日日都要買六合彩 ? 我冇咁多錢喎
你而家話個別路線 , 完全係玩哂啦 , 咩都可以話做個別路線
點解咁多人想彌敦道既線全冷先 [ 唔係要所有九巴線全冷喎 ] , 係因為彌敦道沿路樓多 , 風都唔多滴 , 冷氣機水就大把
冬天坐仲話出面 D 溫度搭夠 , 熱天喎 , 三十幾度坐係熱狗已經有 D 惡頂啦 , 仲要係風都唔多既彌敦道
仲唔係受罪咩 .....

[ 本帖最後由 樂仔〞 於 2010-7-2 11:28 編輯 ]

原帖由 CPY 於 2010-7-2 10:26 發表


個人重申，途經繁忙地區既九龍市區路線(例如1A、6一類流水線)應該盡快全冷，
夏天三十幾度咁樣行法係變相趕客。

不過，今日(7月2日)先坐過FZ5653 @長途流水線81C，全車坐滿咁滯，實在非常諷刺。

不過九記有時講野都唔算數， ...

據小弟所了解,九巴在RDP上並未有計劃將98A全冷,儘管區議會要求98A早日全冷和減價.
而本人從另一渠道收風,說98A很大機會是九巴最後全冷路線之一(另外2條是40和1A).
當然,當初98A熱狗蛇轉正時,我是有點反感,原因是有一次星期日,本人和朋友在坑口等98A,明知假日98A冇熱狗,朋友貪得意打去九巴問98A熱狗幾點有車,當時問到個職員口啞,佢話未來數小時都不會有,我朋友話
"有冇搞錯"! 後來98A熱蛇轉正,之後佢就玩埋40和43M,實際原因係佢好難捕熱狗,結果係點大家心照.不過,有一次我搭中架98A熱正,起步好快,上斜好快,至少快過冷馬5分鐘出觀塘,條氣都順番好多.

原帖由 樂仔〞 於 2010-7-2 11:26 發表


咁我搭 66 73 5A 32B 39A 38A 呢 D 線咪日日都要買六合彩 ? 我冇咁多錢喎
你而家話個別路線 , 完全係玩哂啦 , 咩都可以話做個別路線
點解咁多人想彌敦道既線全冷先 [ 唔係要所有九巴線全冷喎 ] , 係因為彌敦道 ...

你唔鍾意熱狗係你既事 但有D野要客觀少少 呢6條線相對全香港所有路線 比例有幾多? 我稱之為個別又有何不對

我並非反對全冷 而係部份人濫用香港自由制度 希望別人多聽自己意見 同某D人嘈係無意義 我已經強調 1年 只係1年 有人都唔忍得 恐怕當時人都係年青人 仲有好多個10年 1年算得係咩?

我再串少少 如果我既說話唔岩 或者有話錯你 恐怕我早就俾人扣到負分 得些好意需回手 而家大勢係熱狗一定會無晒 仲反 反咩? 係咪一定要熱狗響香港立刻消失先叫滿意?

恕我做得唔好 我引用一篇文去回2篇文章 抱歉