為乘客及司機著想 , 請九巴盡快將繁忙地區路線全冷 !

今日搭AP79@269C，司機已經開左冷氣(中等，唔會太強唔會太弱)，不過出面天氣實在太悶熱，焗返入部車，都係搭到出汗(隔離既女仔仲要開埋風扇吹到落車)

我諗..呢個主題並唔係要熱狗早退, 而只係想重新分配熱狗, 讓市區全冷而已.
畢竟市區空氣質素較差, 而且炎熱, 路線又多人搭. 唔好話全段彌敦道既 6A, 太子道 12A 又或者旺角道 93K 都飽受市區惡劣環境所害.
坐係一部巴士上面, 享受外在既鮮風唔係壞事, 但市區究竟有何鮮風可言呢? 當然部分季節情況係允許, 不過到夏季就明顯不合需要, 又唔可能為部分適用季節出熱狗吧, 除非又引入雞翼窗空調巴.
個人而言, 我並不討厭熱狗, 甚至對郊區路線例如 73 既熱狗相當喜愛, 但若然係市區線, 熱狗既乘車環境確實不甚舒適, 特別係長途市區線而言. 同樣係熱狗, 放係 6 號同 73 號已經係天淵之別, 所以實在覺得 44 號近日全冷係有利乘客. 根據板友們一直既描述, 葵青線在美孚, 都有唔少人唔上車等下架, 與其讓熱狗行走, 不如轉做冷氣, 善用巴士載客量, 同時減低乘客候車時間.

再講, 我地係度其實只不過係發表意見, 冇乜實際效用...
即使有人向有關方面提出, 又或者有關方面睇到我地聲音, 亦唔代表一定採納. 係度表達意見同訴求, 我諗就正正係討論區其中一個功用, 而我睇唔到有人要禁止其他人坐熱狗, 亦睇唔到有人十分痛恨熱狗, 只不過認為一樣物品係唔適合既地點出現而已.

原帖由 Lost 於 2010-7-3 00:31 發表
我諗..呢個主題並唔係要熱狗早退, 而只係想重新分配熱狗, 讓市區全冷而已.

可惜的是，至少有兩位版友唔睇上文下理就入來用紅字用大字胡亂指罵一番，甚是可悲。

要平衡各方面既聲音，包括政府部門/環保團體/社福界人士/地區咨詢/營運狀況/司機工會/乘客要求/股東回報，
而基乎每個團體所追求既利益都係有衢突，例如要環保但唔好浪費更唔好加價，要低地台唔好集中但又要環保，
要休息時間但班次唔可以減少，要有新線但唔可以減其他線班次但又要環保等等...而且每一面既態度都係越來越強硬，
即係contrains越來越多，正所謂順得哥情失嫂意，我諗無一條程式可以計得掂呢條數，大笨象轉身都唔係話轉就轉，
錢可以解決既問題就唔係問題，問題只係羊毛出自邊個身上，當大家都要企硬果陣，巴士公司可以做到既又有幾多？

當然任何企業都要面對呢個問題，只係公用事業特別容易挑起公眾敏感神經。

[ 本帖最後由 on11358 於 2010-7-3 00:59 編輯 ]

原帖由 richardchan1988 於 2010-7-2 13:11 發表
你唔鍾意熱狗係你既事 但有D野要客觀少少 呢6條線相對全香港所有路線 比例有幾多? 我稱之為個別又有何不對

我並非反對全冷 而係部份人濫用香港自由制度 希望別人多聽自己意見 同某D人嘈係無意義 我已經強調 1年 只 ...

我絕對唔係唔中意熱狗
只係熱狗冇理由係一個繁忙到爆既市區出現
始終一個繁忙市區 , 高樓大廈勁多 , 冇風到但又大量廢氣
相對 73 73A , 即使黎部熱狗 , 但沿途咁空曠 , 都起碼易接受過 6 6A 呢 D 線變部熱狗出黎
1A 都仲叫個太子道東近舊機場俾佢飛下 , 6 6A 真係飛下都冇
所以我係想 6 6A 呢 D 行繁忙市區既線去全冷 , 讓熱狗俾其他環境較好既線用

原帖由 S3BL470@98A 於 2010-7-3 14:43 發表

你可以坐郊區、公路的熱狗路線，便知道熱狗是很舒服，還涼爽過冷馬。
所以熱狗是適合香港行駛，不過要知道是什麼地方環境，才適不適合熱狗行駛。 ...

42C行公路的,熱狗係咪好舒服呢? 點解我以前會搭到中暑入醫院呢?
另外,昨日42C出左架FU8336,結果D人唔敢上車,谷爆後車架ATR,結果架ATR未到彩虹頂晒閘,觀塘返青衣村用左1個鐘.

如果你話43B/43M行熱狗,開多幾架我都贊成.

原帖由 FBI2 於 2010-7-3 15:11 發表


42C行公路的,熱狗係咪好舒服呢? 點解我以前會搭到中暑入醫院呢?
另外,昨日42C出左架FU8336,結果D人唔敢上車,谷爆後車架ATR,結果架ATR未到彩虹頂晒閘,觀塘返青衣村用左1個鐘.

如果你話43B/43M行熱狗,開多幾架我都 ...

我唔支持 43B 有咁多熱狗 , 今朝搭 243M 去荃灣 , 同 FY 6490 @ 43B 一齊入長安 , 結果 D 人逼晒上架 243M , 6490 就得三十人都冇

原帖由 EH9097 於 2010-7-2 20:36 發表

我無話要熱狗長存囉
只係行到16-18年都唔得呀??唔係啩!!
AL同舊AD唔見你話??
仲有一D冷氣極細既空調巴士你又有無見過呀?
果D真係熱死人呀..
一部巴士既好處大概都唔只一部冷氣呀嘩...
其他優點呢?
...

我坐過一次架歐三躉淨係出風無制冷，結果個車廂又熱又濕
.
.
.
.
.
.
不過我搭左22年巴士都只係試過呢一次，你估個冷氣真係咁易壞咩，仲要起成3千幾4千架巴士坐中果架...
我諗坐中架壞冷氣既冷氣巴個或然率比我平均下一班車黎班熱狗還要低

[ 本帖最後由 Hinata 於 2010-7-4 01:06 編輯 ]

尋日又發生九記市區線車長中暑事件（見文中最後一段）
http://orientaldaily.on.cc/cnt/news/20100704/00176_028.html