大學生無憂米 寧做收銀賺2千

http://hk.news.yahoo.com/article/100704/23/izvl.html

文中的主角可以算是無藥可救...不過他們的父母也要負責任

「部分家長仍不醒覺，甚至因不滿兒子被上司責罵而代為「劈炮」，
或準備買樓讓子女將來收租過活。」

我唔明《經濟日報》憑咩批評人地,
人地屋企有錢, 仔女唔需要捱騾仔,
事情就係這樣簡單, 不需大量理論解釋。

無論中外, 自古已經有二世祖呢樣野, 可見既將來仍會存在,
點解今時今日先好似發現新物種咁？
或者報導證明既唔係香港二世祖多, 而係傳媒質素插水下降,
唔寫港男、港女、事業線就唔識寫其他專題。

樓上用呢個來指傳媒質素下降, 實在有相當的保留
呢個題目我覺得取材沒有問題
亦不是空穴無風的求其搵野黎野
小弟投入了社會咁多年, 新生代既有理想大計的, 如前幾篇講 24 歲仔創業賺錢又分店
同樣亦有部份是不思進取, 虛度日子的行屍酒肉的日子

其中一個例子舉有人甘願月賺 2000 多元來在便利店過日神
你可以話佢不思進取, 當呢份工係賺零用錢買煙食好折墮
但係再諗下, 做便利店真係好嘆咩?
每一日遇見好多唔同樣的人
分分鐘受各式各樣顧客的脾氣
文中沒有交待佢係咪同樣都會做一陣又鬧轉工
不過我認為作為面對人性最前線的工作
點都會在佢人生中有丁點的成長

反之, 那些可以有世伯關係的例子
工作環境條件及待遇都比當便利店員為優厚
卻大灑皇子病或者公主病
做壞自己事少, 令到父母和其他人的關係受損才是重點
要補救也不容易

我重點唔係 "二世祖" 是否存在
而內文的一段已經交待得很清楚
連辭職都要由家長 "代勞" 兼且代為發難鬧老闆仲乜對佢個仔咁唔好
呢一樣野我覺得已經好唔要得
呢類抗逆指數奇低的人, 最後只會成為要整個社會承擔的負資產

原帖由 區麗芝 於 2010-7-6 19:51 發表
文中o既仁兄太冇上進心啦
年輕人應該又做野又進修..做呀做,,做完又番學,,,放學又番工
不斷提升自己學歷/技能
之後將死賺爛賺既錢儲起買樓,借9成分30年供

呢d 至係年青一代應該做o既事 ...

假設佢地要又做野又進修
那麼學業呢? 難道唔駛理會?
GPA 對佢地好重要
萬一差錯會好易影響到成績
甚至要留級 (雖然佔少數)

原帖由 kwyeung 於 2010-7-6 20:08 發表

我唔明《經濟日報》憑咩批評人地,
人地屋企有錢, 仔女唔需要捱騾仔,
事情就係這樣簡單, 不需大量理論解釋。

經濟日報正代表有錢人/資本家的價值觀
這就是佢地既立場
之前記得有一篇係講80後買樓
都係反對政府干預地產市場

經濟日報代表老闆立場,以前又話香港年輕人不肯北上工作,
畢業生叫價高唔AI得等等,
立場如出一轍
背後既訊息咪係最好個個年輕人
任勞任怨 聽聽話話囉

我根本唔覺得呢種事係新聞，我都唔覺其他報紙有講。

我一見到樓上幾篇回應，腦海中即刻浮現出張宇人的樣貌，看來主角由文中青年變成經濟日報了。

去做收銀梗係不思進取,
大學畢業識字識英文, 當然要去收六千人工做文職,
有人仲傻到趁後生去非洲做義工, 又係食無憂米,
應該捉去思想改造

講真, 一樣米養百樣人,
社會上有大量低學歷 (例如去外國野雞大學買cert)、低技能既有錢仔,
入firm收人工阻住地球轉兼阻人上位,
又唔見經濟日報企出黎義正詞嚴咁指引世人？

del

[ 本帖最後由 E60 於 2010-7-7 20:41 編輯 ]

為解釋疑, 在此就去非洲做義工一例再加說明。
本人無意醜化去當義工的年輕人, 我自己亦想過, 三十歲前有機會去試試。

例子旨在說明經濟日報論點荒謬之處。
該報的前題是, 大學生應該高薪厚職才不算行差踏錯。
留家當隱青、去便利店做低薪工作, 與做義工一樣與錢途不乎。
按經濟日報的理論, 三者同應受批評。

********
再說憎人富貴厭人憎的問題。
本人中七開始打工, 託賴賺到五年大學學費, 並儲到點錢。

在NGO見過自信心接近零的年輕人,  曾幾何時,
我亦試過以經濟日報的角度看他們︰呢班咁既人, 冇上進心冇大志, 咁就一世。
這無疑是個幼稚的想法。慳慳地, 夠自己生活, 餐餐大魚大肉不行,
清茶淡飯有何問題？起碼靠自己能力, 不是作姦犯科。
社會總不能九成人入大行, 正如曼克頓一樣有人訓街。

事實上有些人性格的確做唔到大富大貴既工作,
我見過有人做7-11收錢都緊張到手震, 大學生連上門補習也沒信心。
如果話未試過覺得佢地無鬼用, 講你都唔信吧？
可是, 要明白你覺得易/hea, 人地未必。
將心比心, 我第一份工還不是成舊蕃薯咁,
就算summer internship, 去每間新firm頭幾日我都會論論盡盡。
人地覺得唔適合做大事, 何必強人所難？

今日做便利店, 培養到自信心, 學到如何溝通,
年紀大點看法變了, 想發圍自然會發圍, 不需要有人指指點點。
就是平淡過活, 八千蚊做clerk, 公一份婆一份, 一樣可以養家, 還多點私人時間。
跟做Big 4一入侯門深似海, 從此不再見陽光,
人到中年才發現健康、情、家庭全部沒有, 又找誰投訴？
邊個有權去教人點樣揀？

憎人富貴厭人窮, 你鐘意點睇我無辦法。
大家不是盲的, 有錢、有人事網絡, 有人教路, 自然expect你比人做得更好,
做不到更好就是人的問題。跑步都快過你踩單車, 俾人話無得怨。
要人睇得起, 好簡單, 做到大家覺得你唔使靠父母叻。

對不起, 長篇大論,
我想說的廢話亦應即此而止。

[ 本帖最後由 kwyeung 於 2010-7-7 22:10 編輯 ]